完整藏文原文 · 德格版页 当前仅加载第 99 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ལངས་ཏེ། དཔལ་ཕྱག་ན་རྡོ་རྗེ་ལ་བསྐོར་བ་ལན་གསུམ་བྱས་ནས། རྒྱལ་སྲིད་རིན་པོ་ཆེ་སྣ་བདུན་གྱིས་མཆོད་པ་བྱས་སོ། །དེ་ནས་བརྒྱ་བྱིན་གྱིས་འདི་སྐད་ཅེས་གསོལ་ཏོ། །རྡོ་རྗེ་འཛིན་པ་གསང་དབང་པོ། །ཡིད་བཞིན་ནོར་བུ་རབ་འདྲ་ཞིང་། །དངོས་གྲུབ་
D842.099.0225a01.01ཚོགས་ལ་མངའ་བརྙེས་ཁྱོད། །སྙིང་རྗེ་བདག་པོ་ཡིན་པས་ན། །མ་འོངས་སེམས་ཅན་སྐལ་ལྡན་གྱི། །རྡོ་རྗེ་མཁའ་འགྲོ་གོ་འཕང་མཆོག །ནག་མོ་མེ་ལྕེ་འབར་བའི་རྒྱུད། །བདག་ནི་ཁྱོད་ལ་དྲི་བར་འཚལ། །དེང་འདིར་སྟོན་པས་སྐབས་འབྱེད་ཞུ། །ཞེས་གསོལ་པ་
D842.099.0225a02.01དང་། དཔལ་ཧཱུྃ་མཛད་ཆེན་པོ་དེས་མེ་འབར་བའི་གདན་ལས་བཞེངས་ཏེ། རྡོ་རྗེ་རྣམ་པར་བསྒྱིངས་པའི་ཏིང་ངེ་འཛིན་ལ་སྙོམས་པར་ཞུགས་ནས། བརྒྱ་བྱིན་ལ་སེང་གེའི་ལྟ་སྟངས་ཀྱིས་གཟིགས་ནས། གླང་པོ་ཆེའི་འགྱིང་བག་ཏུ་གོམ་པ་གསུམ་བོར་ཏེ། ཧཱུྃ་ཧཱུྃ་ཧཱུྃ་གི་སྔགས་བཟླས་
D842.099.0225a03.01ཏེ། ཡེ་ཤེས་ཀྱི་ཕྱག་གིས་རྡོ་རྗེ་ལན་གསུམ་ནམ་མཁའ་ལ་དྲིལ་ཏེ། འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །དེ་ནས་དཔལ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ། །སྙིང་རྗེའི་ཡིད་ཀྱིས་བརྒྱ་བྱིན་ཉོན། །སྐལ་ལྡན་དུས་མཐའི་སེམས་ཅན་རྣམས། །མི་ནུབ་
D842.099.0225a04.01ཆོས་ཀྱི་རྒྱལ་མཚན་དང་། །རྡོ་རྗེ་མཁའ་འགྲོ་མེ་ལྕེའི་རྒྱུད། །བདག་གཞན་དོན་ལ་འཇིགས་མེད་པ། །ངས་བཤད་ཁྱོད་ཀྱི་ཡིད་ཀྱིས་ཟུང་། ཞེས་བཀའ་སྩལ་པ་དང་། བརྒྱ་བྱིན་ལ་སོགས་པའི་འཁོར་ཤིན་ཏུ་དགའ་བ་དང་། སྤྲོ་བ་སྐྱེས་ནས། ལ་ལས་ནི་མེ་ཏོག་མནྡཱ་ར་བ་དང་།
D842.099.0225a05.01པུཎྜ་རི་ཀ་དང་། པདྨ་དང་། ཨུཏྤ་ལ་དང་། ཙམ་པ་ཀ་དང་། བུ་རམ་དང་། བདུག་སྤོས་དང་། མར་མེ་དང་། བྱུག་པ་དང་། ཁ་ཟས་དང་། གདུགས་དང་། བ་དན་དང་། བསིལ་ཡབ་དང་། བླ་རེ་དང་། རྒྱལ་མཚན་དང་། འཕན་ལ་སོགས་པ་ཕྱིའི་མཆོད་པས་མཆོད་དོ། །
D842.099.0225a06.01འཁོར་ལ་ལས་ནི་བདུད་རྩི་རྣམ་པ་ལྔ་དང་། ལྕགས་ཀྱུ་ལ་སོགས་པ་ནང་གི་མཆོད་པས་མཆོད་དོ། །འཁོར་ལ་ལས་ལྷ་མོ་དང་གནོད་སྦྱིན་མོའི་ཆ་བྱད་དུ་བྱས་ནས་གསང་བའི་མཆོད་པས་ཕུལ་ལོ། །དེ་ནས་དཔལ་ཕྱག་ན་རྡོ་རྗེ་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་
D842.099.0225a07.01