完整藏文原文 · 德格版页 当前仅加载第 99 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བསྐུར་རོ། །གསང་བ་པདྨ་ལ་ཐིག་ལེ་ཡེ་ཤེས་ཤར་བའི་དབང་བསྐུར། རྡོ་རྗེ་ཕོ་ཉ་མོ་དྲུག་ཅུ་རྩ་བཞི་འཁོར་དུ་དབང་བསྐུར། པདྨ་གར་གྱི་དབང་ཕྱུག་ནི་སྤྲུལ་པ་དང་ཡང་སྤྲུལ་དུ་དབང་བསྐུར། དེའི་ཚེ་འཇིག་རྟེན་གྱི་ཁམས་
D842.099.0233b01.01འདི་རྣམ་པ་དྲུག་ཏུ་གཡོས་སོ། །དེ་ནས་དཔལ་ཕྱག་ན་རྡོ་རྗེས་ཇོ་མོའི་མིང་ནི་དཔལ་མ་ཧཱ་ཀཱ་ལི་ཞེས་བཏགས་སོ། །ཁོལ་མོའི་མིང་ནི་གནོད་སྦྱིན་ཤན་པ་ནག་མོ་རེ་མ་ཏི་ཞེས་བཏགས་སོ། །སངས་རྒྱས་ཀྱི་བསྟན་པ་བསྲུང་བར་
D842.099.0233b02.01གཉེར་གཏད་དོ། །དེ་ནས་དཔལ་ཕྱག་ན་རྡོ་རྗེ་ཉིད་ལ། དཔལ་ལྷ་མོས་རང་གི་སྙིང་པོ་ཕུལ་ཏེ། སངས་རྒྱས་ཀྱི་བསྟན་པ་དུས་རྟག་ཏུ་བསྲུང་བར་ཁས་བླངས་སོ། །དེ་ནས་དཔལ་ལྷ་མོ་དེ་མཐུ་དང་རྫུ་འཕྲུལ་བསམ་གྱིས་མི་ཁྱབ་
D842.099.0233b03.01པར་གྱུར་ཏོ། །འདོད་པའི་ཁམས་ཀྱི་དབང་ཕྱུག་མར་གྱུར་པའི་ཚེ། ལྷ་ཚངས་པས་ཉི་མའི་རྒྱན་ཕུལ། །ཁྱབ་འཇུག་གིས་ཟླ་བའི་རྒྱན་ཕུལ། རྣམ་ཐོས་སྲས་ཀྱིས་སེང་གེའི་རྣ་ཆ་ཕུལ། ནམ་མཁའི་ལྷ་བྲན་རྣམས་ཀྱིས་གསེར་གྱི་དྲིལ་
D842.099.0233b04.01བུའི་རྒྱན་ཕུལ། སྲིན་པོ་དང་ཤ་ཟ་རྣམས་ཀྱིས་ཐོད་ཕྲེང་དང་ཁྲག་དང་ཞག་གི་ཐིག་ལེ་ཕུལ་ལོ། །ཀླུ་དགའ་བོས་སྦྲུལ་གྱི་གདེངས་ཀ་ཕུལ། ལྷ་མོ་དེ་སྲིད་པ་གསུམ་ན་འགྲན་པའི་ཟླ་མེད་པར་གྱུར་ཏོ། །དེ་ནས་བརྒྱ་བྱིན་གྱིས་གསོལ་
D842.099.0233b05.01པ། ཀྱེ་བཅོམ་ལྡན་འདས་གསང་བའི་བདག་པོ། །འདོད་པའི་ཁམས་ཀྱི་དབང་ཕྱུག་མ་འདི། དང་པོར་ལྷའི་བུ་མོར་གྱུར་བ་དང་། བར་དུ་སྲིན་པོའི་ཆུང་མར་གྱུར་པ་དང་། ད་ལྟར་འདོད་པའི་ཁམས་ཀྱི་དབང་ཕྱུག་མར་གྱུར་པ་འདི།
D842.099.0233b06.01སྔོན་གྱི་རྐྱེན་ཅི་ལས་གྲུབ་པ་ལགས་ཞེས་གསོལ་པ་དང་། གསང་བའི་བདག་པོས་བཀའ་སྩལ་པ། བརྒྱ་བྱིན་ཉོན་ཅིག །ད་ལྟར་ལྷ་མོ་ནག་མོ་འདི་སྔོན་སངས་རྒྱས་འཁོར་བ་འཇིག་གི་བསྟན་པ་ལ་ལྷ་མོ་འོད་ཟེར་ཅན་དུ་གྱུར་ཏེ་དགེ་བ་བཅུ་ཤ་སྟག་
D842.099.0233b07.01