完整藏文原文 · 德格版页 当前仅加载第 99 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡེམ་གཞོན་ཚུལ་འདྲ། །གསུང་ནི་ཚངས་པའི་དབྱངས་སྙན་མཆོག །ནུ་འབུར་སྟོད་སྨད་ཕྱེད་པས་འགྱིང་། །ཁྱོད་འདྲའི་སྐུ་ནི་གཞན་ན་དཀོན། །ལྷ་ཡི་ལོངས་སྤྱོད་མཛེས་པས་མི་བྲེལ་ཡང་། །ཞབས་ཀྱི་ཆས་སུ་ལྕགས་སྒྲོག་འདི་འབུལ་ཞེས། །
D842.099.0229a01.01ཅི་མཛད་ཅི་སྡུག་ཅི་ཡང་གསུང་བ་སྙན། །ཁམས་གསུམ་དག་ན་ཁྱོད་འདྲ་ཤིན་ཏུ་དཀོན། །སེམས་ཅན་ཀུན་གྱིས་ལྟ་བས་མི་ངོམས་ཁྱོད། །བདག་གིས་དབུལ་འདི་བཞེས་པར་གནང་བར་མཛོད། །ཅེས་ཕུལ་བ་ལ། ལྷ་མོས་ལྕགས་སྒྲོག་བླངས་སོ། །
D842.099.0229a02.01དེ་ནས་རང་གི་རྐང་པ་གཡས་པ་ལ་དཀྲིས་ཏེ་རྒྱན་བྱས་སོ། །དེ་ནས་ཁོལ་མོ་དེས། ཇོ་མོ་དུང་སྐྱོང་མ་ལ་ཞུས་པ། ཀྱེ་ཇོ་མོ་བདེ་མཆོག་དུང་སྐྱོང་མ། བདག་ཞུ་བ་གཅིག་མཆིས་ན་གནང་ངམ་བྱས་པ་ལ། ཇོ་མོ་ན་རེ་ཁྱོད་གློ་བ་ཉེ་བས་ཅི་ཞུས་པ་
D842.099.0229a03.01གནང་ངོ་ཟེར་རོ། །དེ་ནས་ལྷ་ནི་ངག་བདེན་པའི་སྡོམ་པ་ཡོད་པས། ཇི་སྐད་སྨྲས་པ་ལྟར་བྱེད་པ་ཡིན་ནོ། །དེ་ནས་ཁོལ་མོས་གསོལ་པ། ཀྱེ་བདག་གི་ཡུན་གྱི་རྗེར་གྱུར་དུང་སྐྱོང་མ། །ཁྱོད་འདྲ་འཇིག་རྟེན་གཞན་ན་མེད། །འགྲོགས་པས་ཟླ་
D842.099.0229a04.01མེད་སྐར་མ་གཅིག་ཤར་འདྲ། །དེང་འདིར་མཆིས་པས་ལྕགས་སྒྲོག་འབུལ་མཁན་དེ། །གཏན་གྱི་གྲོགས་ཟླར་མཛད་པར་ཞུ་བ་འབུལ། །བདག་ཀྱང་རྟག་ཏུ་ཁྱོད་ཀྱི་བྲན་མོ་བྱེད། །ཞེས་ཞུས་པ་ལ། ལྷ་མོ་དེས་སྔར་ཁས་བླངས་པ་དེས་མི་
D842.099.0229a05.01བྱ་བའི་དབང་མེད་ནས། ལྷ་མོ་ན་རེ་ཁྱོར་བྱའི་མི་དེ་གང་ན་འདུག །སུ་ཡིན་བྱས་པ་ལ། ཁོལ་མོས་སྨྲས་པ། དེ་ནི་བདག་གི་ཞང་པོ་སྲིན་པོ་ད་ཤ་གྲཱི་པ་ཡིན། ཡུལ་ལངྐ་པུ་ར་ན་འདུག་ཅེས་སྨྲས་པ་དང་། དེ་ནས་དུང་སྐྱོང་མ་དབང་མེད་དུ་སྲིན་
D842.099.0229a06.01པོའི་ཆུང་མར་སོང་ངོ་། །དེ་ནས་ལྷ་མོ་ཨུ་མས་བུ་མོ་དུང་སྐྱོང་མ་ལ་དམོད་པ་བོར་བ་ངའི་བུ་མོ་རབ་ཏུ་གཅེས་པར་བྱས་ཏེ། ལྷའི་ལོངས་སྤྱོད་མཛེས་པས་མི་བྲེལ་ཡང་། ང་ལ་གསངས་ལ་སྲིན་པོའི་ཆུང་མར་སོང་། །ཕྱིན་ཅད་བུ་མོ་ཁྱོད་
D842.099.0229a07.01