完整藏文原文 · 德格版页 当前仅加载第 99 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ཏོ། །ཁྲོ་ཆེན་དུས་མཐའི་མེ་ལྟར་འབར། །དྲག་པོ་ཧཱུྃ་མཛད་རྡོ་རྗེ་འཛིན། །ད་ལྟར་འདོད་པའི་ཁམས་འདི་ན། །ལྷ་མོ་ནག་མོ་ཞེས་བྱ་བ། །གཏུམ་ཞིང་ཁྲོ་ལ་ལུས་ཀྱང་འཇིགས། །སྲིད་གསུམ་སྐྲག་པའི་ནུས་མཐུ་ཅན། །དངོས་གྲུབ་དམ་པའི་གཞིར་གྱུར་འདི། །དང་པོ་གླེང་
D842.099.0225b01.01གཞི་རྒྱུ་ཡི་རྒྱུད། །སློབ་དཔོན་སློབ་མ་གང་གི་རྒྱུད། །དོན་དམ་ཀུན་རྫོབ་ལྟ་བའི་རྒྱུད། །དཀྱིལ་འཁོར་དམ་པ་གསུམ་གྱི་རྒྱུད། །ཐང་ཀ་ལྷ་རྟེན་སྐུ་གཟུགས་རྒྱུད། །དཔོན་དང་གཡོག་ནི་དམ་རྫས་རྒྱུད། །བསྐྱེད་དང་རྫོགས་ནི་ཏིང་འཛིན་རྒྱུད། །རྗེ་དང་ཁོལ་གྱི་སྔགས་
D842.099.0225b02.01ཀྱི་རྒྱུད། །བཅའ་བ་ཕྱག་རྒྱ་བཅུ་གཉིས་རྒྱུད། །མཆོད་པ་གཏོར་མ་སྦྱིན་སྲེག་རྒྱུད། །འདའ་བར་དཀའ་བ་དམ་ཚིག་རྒྱུད། །གྲུབ་པའི་དྲོད་ཚད་མཚན་མའི་རྒྱུད། །སྤོགས་དང་གནད་ལ་དབབ་པའི་རྒྱུད། །མི་འབྲལ་འགྲོགས་པ་གཟུངས་ཀྱི་རྒྱུད། །པྲ་དང་མཚན་མ་
D842.099.0225b03.01དབབ་པའི་རྒྱུད། །དབང་བསྐུར་གནང་བ་སྦྱིན་པའི་རྒྱུད། །སོ་སོ་ལས་ཀྱི་བྱེ་བྲག་རྒྱུད། །མར་མེ་དང་ནི་བདུད་རྩི་རྒྱུད། །ཐིག་ལེ་ཡེ་ཤེས་མན་ངག་རྒྱུད། །ལྷ་སྲིན་སྡེ་བརྒྱད་བསྟོད་པའི་རྒྱུད། །འཁོར་ལ་ཡོངས་སུ་གཏད་པའི་རྒྱུད། །ཐ་མ་ལུང་དུ་བསྟན་པའི་རྒྱུད། །
D842.099.0225b04.01དགོས་འབྲེལ་ཉི་ཤུ་རྩ་གཉིས་གང་། །སྟོན་པས་བཀའ་སྩོལ་བདག་ཉན་འཚལ། །དེ་སྐད་ཅེས་གསོལ་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། བརྒྱ་བྱིན་ལ་སོགས་པ་ཁྱེད་རྣམས་ཀྱིས། རྡོ་རྗེ་མཁའ་འགྲོ་མའི་དངོས་གྲུབ་འབྱུང་བའི་རྒྱུད་
D842.099.0225b05.01ཆེན་པོ་ཞུ་བ་ཞུས་པ་ལེགས་སོ་ལེགས་སོ། །ཁྱེད་ཀྱང་རབ་ཏུ་ཉོན་ལ་ཡིད་ལ་ཟུང་ཤིག །ངས་རྣམ་པར་ཕྱེ་བ་བསྟན་པར་བྱའོ། །སྔོན་འདོད་པའི་ཁམས་འདི་ཉིད་ན། རི་རབ་ཀྱི་རྩེ་བྱང་ཤར་གྱི་མཚམས། ཤིང་ཡོངས་འདུས་བརྟོལ་ཞེས་བྱ་བ།
D842.099.0225b06.01རྩེ་མོ་ན་བྱ་ཁྱུང་ག་རུ་ཎ་གནས་པ། ལོ་མ་ལ་འདོད་པའི་ཡོན་ཏན་ལྔ་རང་འབྱུང་བ། འབྲས་བུ་ལ་རིན་པོ་ཆེ་སྣ་བདུན་ལོ་ཏོག་ལྟར་སྨིན་པ། ཡལ་གའི་རྩེ་གཡུའི་ཟེ་བའི་བར་བར་ན། ལྷ་དང་ལྷ་མོ་དང་། གཟའ་དང་སྐར་མ་དང་། ཉི་མ་དང་ཟླ་
D842.099.0225b07.01