完整藏文原文 · 德格版页 当前仅加载第 99 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱད་དོ། །དེ་ནས་སངས་རྒྱས་གསེར་ཐུབ་ཀྱི་བསྟན་པ་ལ་ལྷ་མོ་དཔའ་བརྟན་མ་ཞེས་བྱ་བར་གྱུར་ཏེ་ཞེ་སྡང་རང་ཁ་མར་སྤྱད་དོ། །དེ་ནས་སངས་རྒྱས་འོད་སྲུང་གི་བསྟན་པ་ལ་ལྷ་མོ་མཉྫུ་ཞེས་བྱ་བར་གྱུར་ཏེ། དུས་དེ་ཙམ་ན་
D842.099.0234a01.01ཤཱཀྱ་ཐུབ་པ་ནི་དགེ་སློང་དབང་ཕྱུག་དཔའ་བོ་ཞེས་བྱ་བར་གྲགས་སོ། །དགེ་སློང་དེ་ལ་ལྷ་མོ་མཉྫུས་མཆོད་གནས་བྱས་ཤིང་སྨོན་ལམ་གཅིག་ཏུ་བཏབ་བོ། །བརྒྱ་བྱིན་ཉོན་ཅིག །དེ་ད་ལྟ་ན་ནི་ལྷ་མོ་འདི་ལ་སངས་རྒྱས་གསུམ་
D842.099.0234a02.01གྱི་རིང་གི་རྣམ་པར་སྨིན་པ་ཤཱཀྱ་ཐུབ་པའི་བསྟན་པ་ལ་དུས་གཅིག་ཏུ་སྨིན་ནོ། །ལྷ་མོ་འདི་དང་པོར་མ་ཧཱ་དེ་བའི་བུ་མོར་སྐྱེས་པ་ནི། དང་པོར་དགེ་བ་སྤྱད་པའི་མཐུའོ། །བར་དུ་སྲིན་པོའི་ཆུང་མར་གྱུར་ནས་རང་ལྕེབ་པ་ནི་ཞེ་སྡང་སྤྱད་པའོ། །ཐ་མར་ད་ལྟར་
D842.099.0234a03.01འདོད་པའི་ཁམས་ཀྱི་དབང་ཕྱུག་མར་གྱུར་པ་ནི། སངས་རྒྱས་ཐམས་ཅད་ཀྱིས་དབང་བསྐུར་ནས་ཤཱཀྱ་ཐུབ་པའི་བསྟན་པ་སྲུང་བ་ནི་སྔོན་ཤཱཀྱ་ཐུབ་པ་ལ་སྡིག་བཤགས་བྱས་ཀྱི་སྨོན་ལམ་བཏབ་བོ། །ཁོལ་མོ་རེ་མ་ཏི་སྔགས་ཀྱི་བསོད་ནམས་ལས་གྲུབ་
D842.099.0234a04.01པའོ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་ལྷའི་དབང་པོ་བརྒྱ་བྱིན་གྱིས། གསང་བའི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་མགོན་པོ་གསང་བའི་
D842.099.0234a05.01བདག །མ་འོངས་ཕྱི་མའི་སེམས་ཅན་རྣམས། །མཁའ་འགྲོ་རྣལ་འབྱོར་རབ་བསྒྲུབ་པའི། །སློབ་དཔོན་སློབ་མའི་མཚན་མའི་རྒྱུད། །གང་ཡིན་བདག་གིས་ཉན་པར་འཚལ། །ཞེས་ཞུས་པའི་ཚེ། གསང་བའི་བདག་པོས་བཀའ་སྩལ་པ། །
D842.099.0234a06.01དཔལ་ལྡན་ལྷ་མོ་རྡོ་རྗེ་མཁའ་འགྲོ་མ། །ཐུན་མོང་མ་ཡིན་ཀུན་གྱིས་བྱ་བ་མིན། །དེ་ཡང་སློབ་དཔོན་མཚན་ཉིད་བཤད། །སློབ་དཔོན་ཆོས་ལ་རབ་འདུད་པ། །ཚད་མེད་བཞིར་ལྡན་སྙིང་རྗེ་ཅན། །ཕྱི་ནང་གསང་བའི་དབང་ཐོབ་ནས། །
D842.099.0234a07.01