完整藏文原文 · 德格版页 当前仅加载第 99 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་གསོལ་ཏོ། །བགེགས་ཀྱི་གཙོ་བོ་དབང་ཕྱུག་རྗེ། །འགྲོ་བ་ཐུགས་རྗེས་བསྐྱང་བའི་ཕྱིར། །བཅུ་དྲུག་རྡོ་རྗེ་འཕྲུལ་གྱི་རྒྱུད། །དཔའ་བོ་ཆེན་པོས་བཤད་དུ་གསོལ། །ཞེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མ་འོངས་ཕྱི་མའི་
D842.099.0251a01.01སེམས་ཅན་རྣམས། །དད་དང་སྤྲོ་བ་བསྐྱེད་པའི་ཕྱིར། །རྫུ་འཕྲུལ་བཅུ་དྲུག་བཤད་ཀྱིས་ཉོན། །དང་པོ་ལྷ་ཡི་རྣལ་འབྱོར་ལ། །དྲོད་དང་མཚན་མ་ཐོབ་པར་བྱ། །དེ་ནས་འཕྲུལ་ལ་འཇུག་པ་ནི། །ཨ་ནུ་ས་ཏིའི་རིལ་བུ་སྦྱར། །རྨ་བྱ་ཁྲུང་ཁྲུང་ནེ་ཙོ་ཤ། །ཉ་དང་སྤྲེའུ་དང་བྱི་ལའི་ཤ། །
D842.099.0251a02.01རྔ་མོ་ཁྭ་ཏ་ངང་པའི་ཤ། །ནེའུ་ལེ་གོ་བྱ་མཐིང་རིལ་ཤ །དེ་རྣམས་སྐམས་པའི་ཕྱེ་མ་དང་། །བིལ་བའི་ཤིང་དང་ཨ་རུ་ར། །ཤིང་ཚ་སུག་སྨེལ་རུས་སྦལ་རུས། །ཀ་ཀ་རུ་དང་མེ་ཁྱེར་སྲིན། །མི་རུས་དང་ནི་ཕག་རྒོད་ཁྲག །མི་རྒོད་སྐྲ་དང་ཆུ་ཀླག་སྒྲོ། །དེ་རྣམས་བསྲེས་ལ་རིལ་བུ་
D842.099.0251a03.01བྱ། །སྦྲང་རྒོད་དག་གིས་མགོ་བསྡུས་ལ། །དུར་ཁྲོད་ཐོད་པའི་ག་འུར་སྩལ། །ཕྱག་ན་རྡོ་རྗེའི་སྙིང་པོ་དང་། །མ་མོའི་སྲོག་སྙིང་བདུན་འབུམ་བཟླས། །བར་བར་བྲམ་ཟེའི་མེ་ལ་བསྲོ། །དེ་ནས་སྣ་ཡི་རིལ་བུ་ལ། །འོད་དང་མེ་སྟག་འཕྲོས་ཙམ་ན། །ཟངས་སམ་ལྕགས་ཀྱི་
D842.099.0251a04.01ག་འུར་སྩལ། །དེ་ནས་རྡོ་རྗེ་མཁའ་འགྲོ་ལ། །དུག་དང་ཁྲག་གི་སྦྱིན་སྲེག་དབུལ། །ཨ་བུ་སི་ཏིའི་རིལ་བུ་དེ། །རང་གི་ལྕེ་ལ་མྱངས་པ་ན། །རྟག་ཏུ་བཙན་དུག་འཐུང་བར་ནུས། །ཡང་ན་མ་མོ་མཁའ་འགྲོ་ལ། །སོ་བྱ་རོག་མོའི་སྦྱིན་སྲེག་དབུལ། །ཨ་བུ་སི་ཏིའི་རིལ་བུ་དེ། །རྐང་
D842.099.0251a05.01པའི་མཐིལ་དུ་བསྐུས་པ་དེས། །ཆུ་ཡི་སྟེང་དུ་འགྲོ་བར་བྱེད། །མ་མོ་མཁའ་འགྲོ་དཔོན་གཡོག་ལ། །ཆང་དང་བྱ་རྒོད་སྦྱིན་སྲེག་དབུལ། །རིལ་བུ་ཡན་ལག་བཞི་ལ་བསྐུ། །བདག་ནི་ནམ་མཁའ་དག་ལ་འཕུར། །རྡོ་རྗེ་མཁའ་འགྲོ་མ་དག་ལ། །མི་ཤའི་མར་ཁུ་སྦྱིན་སྲེག་
D842.099.0251a06.01དབུལ། །རིལ་བུ་ལྕེ་ལ་མྱངས་པ་ན། །སྐྱེ་བ་སྔ་ཕྱི་དྲན་པར་ནུས། །མ་མོ་དག་དང་མཁའ་འགྲོ་ལ། །མར་དང་ར་ཁྲག་སྦྱིན་སྲེག་དབུལ། །ཨ་བུ་སི་ཏིའི་རིལ་བུ་དེ། །བུད་མེད་གང་གི་དཔྲལ་བར་བསྐུས། །དེ་ནི་བདག་གི་དབང་དུ་འགྱུར། །རྡོ་རྗེ་ནག་མོ་ཆེན་མོ་ལ། །ཆང་དང་
D842.099.0251a07.01