完整藏文原文 · 德格版页 当前仅加载第 99 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
རྭ་རྩེ་ཕྲ་མོ་བཅད་པར་ནི། །དུག་གི་ཁུ་བ་མི་མགོས་གཏིང་། །མི་མགོ་དུག་གིས་ཁེངས་ཙམ་ན། །མ་མོ་བསྐུལ་བའི་རྫས་བསྲེགས་ལ། །ཁྲམ་བམ་ཕྱག་རྒྱ་བཅས་ལ་ནི། །ནམ་ཕྱེད་ཁྲོས་ཏེ་དགྲ་ལ་འཕང་། །ཐེ་ཚོམ་མེད་པར་དགྲ་བརླག་གོ། །ཙིཏྟ་ནག་མོའི་སྙིང་ཐུན་
D842.099.0249b01.01ནི། །སྤྱང་ཀི་སྟག་དང་སྲེ་མོང་སྙིང་། །ཁྱི་དང་འུག་པ་ཝ་ཡི་སྙིང་། །ཕོ་རོག་ཁྲག་དང་སྦྲུལ་གྱི་སྙིང་། །ཐོད་པའི་ནང་དུ་སྩལ་ལ་ནི། །དང་པོ་མ་མོ་དཔོན་གཡོག་གི། །གནད་ལ་བསྐུལ་བའི་སྔགས་བཟླས་ཤིང་། །མ་མོ་བསྐུལ་བའི་དམ་རྫས་བསྲེག །དེ་ནས་སྙིང་གི་ཐུན་
D842.099.0249b02.01སྔགས་ནི། །ཏྲག་རཀྴ་ཙི་ཏ་དུང་རོ་ཏ་མ་ཏ་སྨ་ར་ར་ཏ་བྷྱོ། །དེ་སྐད་བཟླས་པའི་སྙིང་ཐུན་དེས། །གྲོང་ལ་བརྒྱབ་ཀྱང་ཕུང་བར་བྱེད། །ནག་མོ་འབར་བའི་ཐུན་དྲུག་འདིས། །མཁར་ལ་བརྒྱབ་ཀྱང་འཇིག་པ་ལ། །གཡུལ་ངོ་ཆེན་པོར་བརྒྱབ་ཀྱང་བཟློག །གཞན་གྱི་བྱད་
D842.099.0249b03.01དང་སྔགས་ཀྱང་བཟློག །དགྲ་དང་བགེགས་ལ་ཐེ་ཚོམ་མེད། །ཡང་ནི་བཤད་ཀྱིས་བརྒྱ་བྱིན་ཉོན། །བསྟན་པ་གཉན་པོའི་སྐུ་དགྲ་ལ། །ལྟས་ངན་བྱ་ནག་དབབ་པ་སྟེ། །དང་པོ་བྱ་ནག་བཟུང་བྱས་ལ། །བཅུ་གཉིས་དབང་གི་རིམ་པ་བསྐུར། །དེ་ནས་བྱ་ལ་མ་མོ་དབབ། །
D842.099.0249b04.01བྱ་དེ་མིག་རྩ་རྒོད་པ་དང་། །སྐད་འབྱིན་གཤོག་པ་གདེང་བ་ན། །མ་མོ་ཕེབས་པའི་རྟགས་ཡིན་པས། །ཕྱི་དང་ནང་གི་མཆོད་པ་བྱ། །ཕྱག་རྒྱ་དགུ་ནི་རབ་བསྟན་ལ། །དབང་བསྐུར་དམ་ཚིག་སྦྱིན་པར་བྱ། །དེ་ནས་མ་མོ་བསྐུལ་སྔགས་བཟླས། །ལས་ལ་
D842.099.0249b05.01བསྐུལ་བའི་དམ་རྫས་བསྲེག །སྔགས་འདིས་བྱ་དེ་སྤར་ལ་གཏང་། །ཨོྃ་ཀྵ་རག་ཤ་ཙི་ཏ་ཁ་རག་མ་ཙིཏྟ་ཏུང་ཏུང་ཛ་ཤ་ཡུ་ཏ་ཏི་བྷྱོ། རེ་མ་ཏི་རཱཀྵ་སི་རུ་ལུ་རུ་ལུ་པྲ་མ་མ་ཧཱ་སྟི་པྲ་དུང་བྷྱོ། ཀར་མ་སམ་ཡ་བྷྱོ་བྷྱོ་བྷྱོ་ཞེས་གཏང་ངོ་། །དེས་ནི་བྱ་ནག་གང་དུ་སྨོས་པར་
D842.099.0249b06.01འགྲོའོ། །མཁའ་འགྲོ་མ་མེ་ལྕེ་འབར་བའི་ལས་ཀྱི་རྒྱུད་ལས་ལས་སོ་སོ་མ་མོའི་བྱེ་བྲག་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་ལྷའི་དབང་པོ་བརྒྱ་བྱིན་དེས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་རིག་སྔགས་གསང་སྔགས་
D842.099.0249b07.01