完整藏文原文 · 德格版页 当前仅加载第 99 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་ཕྱག་རྒྱ་ནི། །ལག་ན་ཐལ་སྦྱར་གུང་སྤྲོད་བསྒྲེང་བ་དང་། །མཐེ་ཆུང་སྲིན་ལག་ཚིགས་བསྣོལ་བགྲད་པ་དང་། །དེ་{བརྐྱང་མ,རྐྱང་མ}ཐེ་བོང་གུང་གཏད་མཛུབ་མོ་གཉིས་བསྒྲེང་རྫོང་། །རྩེ་མོ་བཀུག་པ་རླུང་གི་ཕྱག་རྒྱའོ། །མེ་རི་སྨུག་ནག་འབར་བའི་ཕྱག་རྒྱ་ནི། །
D842.099.0239a01.01མཛུབ་མོ་གཉིས་ནི་སོར་མོ་དགུག་བྱས་ཏེ། །མཐེ་བོང་བཀུག་སྟེ་དེ་ལ་གཏད་བྱས་ལ། །གུང་མོ་མཐེའུ་ཆུང་བསྒྲེང་སྟེ་ཕྱར་བའོ། །ལྷ་མོ་ནག་མོའི་རལ་གྲིའི་ཕྱག་རྒྱ་ནི། །ལག་གཡས་མཐེའུ་ཆུང་བཀུག་སྟེ་མཐེ་བོས་མནན། །གུང་མཛུབ་སྲིན་ལག་གཤིབས་ཏེ་བསྒྲེང་བའོ། །
D842.099.0239a02.01ཁོལ་མོ་རེ་མ་ཏི་ཡི་ཕྱག་རྒྱ་ནི། །ལག་པ་གཡས་བཀུག་མཐེ་བོས་མནན་བྱས་ཏེ། །ལྷག་མ་གསུམ་བརྐྱང་བས་ནི་ཁྲམ་བམ་ཕྱག་རྒྱ་ཡིན། །མ་མོ་དགུག་པ་ལྕགས་ཀྱུའི་ཕྱག་རྒྱ་ནི། །ལག་གཉིས་རྒྱབ་སྤྲད་མཐེའུ་ཆུང་བསྒྲེང་ནས་ནི། །མཛུབ་མོ་གཉིས་བཀུག་གུང་སྲིན་མཐེ་བོས་
D842.099.0239a03.01བསྡུ། །བརྐྱང་སྟེ་ཕྲལ་ནས་སྙིང་གར་ལྕགས་ཀྱུ་གཉིས། །ཟིལ་གྱིས་མནན་པ་ཁྱུང་གཤོག་ཕྱག་རྒྱ་ནི། །མཐེ་བོང་གཉིས་གཤིབས་སོར་མོ་གཤོག་ལྟར་བརྐྱང་། །གདན་མཆོག་བོང་བུ་དག་གི་ཕྱག་རྒྱ་ནི། །མཐེའུ་ཆུང་བསྣོལ་བས་སྲིན་ལག་མནན་བྱས་ཏེ། །སྲིན་ལག་ཐོར་
D842.099.0239a04.01ཏོ་མཐེ་བོས་མནན་པའོ། །དེ་བཞིན་གུང་མོ་གཉིས་ཀྱང་ནང་དུ་བསྟན། །བྱིན་བརླབས་དབང་བསྐུར་ཐོད་ཕྲེང་ཕྱག་རྒྱ་ནི། །ལག་པ་གཡས་གཡོན་ཁུ་ཚུར་བཅངས་པ་ལ། །མཐེབ་མཛུབ་བཞི་པོ་ལྕགས་སྒྲོག་ལྟ་བུར་སྦྲེལ། །ལག་གཉིས་ཐོད་རློན་དམ་ཚིག་ཕྱག་རྒྱ་ནི། །མཐེ་
D842.099.0239a05.01བོང་མཛུབ་མོ་བཀུག་ནས་བཟླུམ་བྱས་ཏེ། བཀུག་ནས་སྲིན་ལག་གཉིས་བཅུག་མིག་འབྲས་འདྲ། །གུང་མོ་མཐེའུ་ཆུང་གཉིས་ནི་ཐོད་རློན་ཁ། །དངོས་གྲུབ་བླང་བའི་བདུད་རྩི་བུམ་པ་ནི། །ལག་གཉིས་སོར་བཅུ་རྩེ་བསྡུས་བཀུག་ལ་ཟླུམ། །མཚན་ངན་བཟློག་པ་ཏྲི་ཤཱུལ་ཕྱག་
D842.099.0239a06.01རྒྱ་ནི། །ལག་གཡས་མཐེབ་མཛུབ་སྲིན་ལག་མཐིལ་དུ་དགུག །མཐེ་བོ་གུང་མོ་མཐེའུ་ཆུང་ཕྱར་ལ་བསྒྲེང་། །མཁའ་འགྲོ་མ་མེ་ལྕེ་འབར་བའི་རྒྱུད་ལས་ཕྱག་རྒྱ་བསྟན་པའི་ལེའུ་སྟེ་དགུ་པའོ།། །།དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་
D842.099.0239a07.01