完整藏文原文 · 德格版页 当前仅加载第 99 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
ཟོས་སོ། །ཕྱི་ན་ཁྱི་དཀར་པོ་གཅིག་འབྲང་བ་ཡང་བསད་ནས་ཟོས་སོ། །པགས་པ་ལ་རྒྱལ་མཚན་བྱས་སོ། །དེ་ནས་ཁོལ་མོ་རེ་མ་ཏི་ལ་ནལ་ཕྲུག་སྐྱེས་སོ། །ཁོང་གཉིས་ཀྱིས་ན་ལ་ཕྲུག་གི་ཤ་ཡང་ཟོས་སོ། །དེ་ནས་ཇོ་མོས་བོང་བུ་ལ་
D842.099.0230a01.01ཞོན་ཁོལ་མོས་ཁ་ཁྲིད་བྱས་ནས་རྒྱ་མཚོའི་ཁར་ཕྱིན་ནས། གཤིན་རྗེ་རླུང་གི་འཁོར་ལོ་ཅན་ཞག་བདུན་བསྒོམས་པས། རླུང་ནག་ཚུབ་མ་ནག་པོ་གཅིག་དྲུང་དེར་གྲུབ་བོ། །དེ་ནས་ལྷ་མོ་དཔོན་གཡོག་གཉིས་ཀྱིས། སྣང་སྲིད་ཀྱི་ལྷ་འདྲེ་མཐུ་བོ་ཆེ་
D842.099.0230a02.01བོས་ནས་སྨོན་ལམ་བཏབ་པ། ང་ཡང་ཚེ་འདི་འཕོས་མ་ཐག་ཏུ་གསང་སྔགས་ཀྱི་གྲུབ་པ་ཐོབ་ནས་རྒྱལ་བའི་ཞལ་མཐོང་སྟེ། འདོད་པའི་ཁམས་ཀྱི་དབང་ཕྱུག་མར་ཤོག་ཤིག །ངའི་བྲན་མོ་ཕུར་པའི་ལྷ་འདི་ཡང་དུས་ཐམས་ཅད་དུ་ངའི་འབངས་ཀ་མ་
D842.099.0230a03.01ལར་ཤོག་ཤིག །ནོར་དུ་མི་མགོ་ལ་ལོངས་སྤྱོད་པར་ཤོག་ཤིག །ཞོན་པ་བོང་བུ་ལ་བྱེད་ལ། ལག་ཆ་རལ་གྲི་ལ་བྱེད་པར་ཤོག་ཤིག་ཅེས་སྨྲས་སོ། །རྒྱ་མཚོ་བསྐོར་ཞིང་རླུང་ཚུབ་མ་ལ་བཱ་ཡ་བེ་བཱ་ཡ་བེ་ཞེས་བོས་ཙམ་ན། ཚུབ་མ་བྱུང་བས་དཔོན་གཡོག་
D842.099.0230a04.01གཉིས་ཀ་རྒྱ་མཚོའི་ནང་དུ་བསྐྱུར་ཏེ་བཏང་ངོ་། །དེ་ནས་ལྷ་མོ་དུང་སྐྱོང་མ་དེས་མི་ཤ་ཟོས་པའི་མཐུ་དང་། རང་གི་སྨོན་ལམ་གྱི་དབང་གིས། རྒྱ་མཚོའི་འགྲམ་དུ་དུར་ཁྲོད་ཆེན་པོ་རོའི་ཚལ་ཞེས་བྱ་བར། གཤིན་རྗེའི་ལྷ་མཐུ་ཅན་གྱི་བུ་མོར་སྐྱེས་ཏེ། གནོད་སྦྱིན་མ་
D842.099.0230a05.01ཆེན་མོ་ལ་ཁ་དོག་མཐིང་ནག་ལ་རབ་ཏུ་འཇིགས་པ། མིག་རྩ་དམར་བ་མཆེ་བ་ཟང་ཡག་ལ་རལ་པ་ཏིང་ཟ་པང་དུ་འདུག་པ་ཅིག་ཏུ་གྱུར་ཏེ། གཤིན་རྗེ་མ་རུ་རྩེ་དང་སྦྱོར་བ་བྱས་པ་ལ་བུ་བདུད་ཁྲམ་ནག་པོ་བྱ་བ་བྱུང་། བོང་བུ་ཡང་དམར་གྭ་ལ་གཡུའི་
D842.099.0230a06.01རྣ་བ་ཅན་རླུང་གི་གཤོག་པ་ཅན། མིག་མཇུག་མར་ཡོད་པ་ཅིག་ཏུ་བྱུང་ནས་ནོར་སྐལ་བྱེད་དོ། །དེ་ནས་ཁོལ་མོ་རེ་མ་ཏི་རོ་ལངས་མ་འདི་ནི་སྐྱེ་བ་གང་བླངས་ཞེ་ན། རྒྱ་མཚོའི་ནང་དུ་བུད་མེད་ལུས་པོ་ཕྱེད་སྐམས་ལ་ཆུ་སྲིན་གྱི་མགོ་ཅན་གཅིག་ཏུ་སྐྱེས་
D842.099.0230a07.01