完整藏文原文 · 德格版页 当前仅加载第 99 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། མིང་ཡང་ཀླུ་མོ་གཞོགས་སྐམས་ཆུ་སྲིན་མགོ་ཀླུ་མོ་རེ་མ་ཏི་ཞེས་བྱ་བར་བཏགས་ནས། ཞག་དགུ་བཅུ་ན་ཚེ་འཕོས་ནས། སྐྱེ་བ་བླངས་པ་ནི་ཡུལ་དྲི་ཟའི་གྲོང་ཁྱེར་གསེར་སྡིངས་སྐྱེད་མོས་ཚལ་ཞེས་བྱ་བ་ན། དུག་ཤིང་ནག་པོ་འགྱུར་མེད་ཀྱི་རྩ་བ་ན་
D842.099.0230b01.01བདུད་རི་ཏི་འགོང་ཉག་དང་། དྲན་པ་དབང་བྱེད་གཉིས་བྱི་བྱས་པ་ལ་ཞག་དྲུག་ཅུ་རྩ་གཅིག་ན་བུ་མོ་གཅིག་སྐྱེས་ཏེ། ཕས་ནི་སྲིད་པ་གསུམ་གྱི་བློ་འཕྲོག་མར་བཏགས། མས་མིང་བཏགས་པ་ནི་ཡ་མཚན་འཕྲུལ་གྱི་གཤོག་པ་ཅན་དུ་བཏགས། བདུད་ཕོ་མོ་
D842.099.0230b02.01གཉིས་ཀྱིས་རང་གི་བུ་མོ་ལ་སྐྲ་ཉག་རེ་ལ་གསེར་དང་། བཻ་ཌཱུརྱའི་ཆུན་འཕྱང་དང་། རིན་པོ་ཆེའི་དབུ་རྒྱན་དང་། ཉི་ཟླའི་ཐོད་གདེངས་དང་། ཐོད་པའི་མགུར་ཆུ་དང་། སྦྲུལ་གྱི་གདུ་བུས་བརྒྱན་ཏེ། བྱི་བྱས་པའི་ནལ་ཕྲུག་ཡིན་པས། བདུད་ཀྱིས་རིན་པོ་ཆེ་སྣ་
D842.099.0230b03.01ལྔའི་ཁང་པའི་དབུས་སུ་ཐོད་པའི་གཞལ་ཡས་ཁང་བྱས། ཐོད་པའི་ནང་དུ་ཡང་ཐོད་འཕྲུལ་གྱི་ལྡིང་ཁང་གྲུབ། དེའི་ནང་དུ་ཁང་པ་བདུན་བརྩེགས་ཀྱི་བདུན་ཚོགས་ཀྱི་ནང་དུ། མི་རོ་འབུམ་གྱི་ཁྲི་སྟེངས་སུ་བུ་མོ་དེ་སུས་མ་མཐོང་སུས་ཀྱང་མ་ཚོར་བར་སྦས་ཏེ།
D842.099.0230b04.01སྒོ་སྨྲ་བོ་ལག་{རིངས་,རིང་}དང་། ནམ་གྲུ་ཁྲབ་ཐོགས་ཀྱིས་བཅད་དོ། །བདུད་ཀྱི་དམག་གི་རྒྱལ་མོ་དང་། གླིང་བཞིའི་རྒྱལ་མོ་དང་། ས་བདག་གི་རྒྱལ་མོ་དང་། དེ་རྣམས་ཀྱིས་ཁང་པ་དེ་རབ་ཏུ་སྲུང་ཞིང་འཁོད་དོ། །བརྒྱ་བྱིན་ཉོན་ཅིག །དེའི་ཚེ་ན་ལྷ་མོ་དུང་སྐྱོང་
D842.099.0230b05.01མ་ནི། སྔོན་གྱི་ཁོལ་མོ་རེ་མ་ཏི་རོ་ལངས་མ་བདུད་ཀྱི་བུ་མོར་སྐྱེས་པ་བཀུག་ནས་ཁོལ་འདོད་པ་ལས། ཕྱག་ན་རྡོ་རྗེ་ངའི་གསང་སྔགས་བྱེ་བ་ཕྲག་{བཅྭ་,བཅོ་}བརྒྱད་བཟླས་པས། གསང་སྔགས་དེའི་བྱིན་གྱི་བརླབས་ལས། མཁའ་འགྲོའི་ཏིང་ངེ་འཛིན་
D842.099.0230b06.01གྲུབ་པ་མོ། ལག་ན་པདྨ་ཧེ་རུ་ཀ་ཐོགས་པ་གཅིག་རང་བྱུང་བས། མ་བདུད་ཀྱི་ཡུལ་དང་ཕོ་བྲང་ཀུན་བྱིན་གྱིས་བརླབས་པའི་ཚེ་ན། བདུད་ཀྱི་རྒྱལ་པོ་དང་། བློན་པོ་དང་། འཁོར་རྣམས་དྲན་པ་མེད་པར་མྱོས་པར་གྱུར་ཏོ། །བདུད་ཀྱི་བུ་མོ་རེ་མ་
D842.099.0230b07.01