完整藏文原文 · 德格版页 当前仅加载第 46 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱིས་སྨིག་རྒྱུ་མཉམ་པ་ཉིད་དོ། །སྨིག་རྒྱུ་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དོ། །བྱང་ཆུབ་མཉམ་པ་ཉིད་ཀྱིས་སྨིག་རྒྱུ་མཉམ་པ་ཉིད་དེ། སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ། །སྲིང་མོ་གཞན་ཡང་ཕུང་པོ་ལྔ་ནི་གཟུགས་བརྙན་ལྟ་བུ་སྟེ། འཕོ་
D96.046.0220b01.01བ་མེད་པའོ། །སྲིང་མོ་བྱང་ཆུབ་ཀྱང་གཟུགས་བརྙན་གྱི་རང་བཞིན་ཏེ། འཕོ་བ་མེད་པའོ། །སྲིང་མོ་དེའི་ཕྱིར་གཟུགས་བརྙན་མཉམ་པ་ཉིད་ཀྱིས་ཕུང་པོ་མཉམ་པ་ཉིད་དོ། །ཕུང་པོ་མཉམ་པ་ཉིད་ཀྱིས་གཟུགས་བརྙན་མཉམ་པ་ཉིད་དོ། །གཟུགས་བརྙན་མཉམ་པ་ཉིད་ཀྱིས་བྱང་ཆུབ་
D96.046.0220b02.01མཉམ་པ་ཉིད་དོ། །བྱང་ཆུབ་མཉམ་པ་ཉིད་ཀྱིས་གཟུགས་བརྙན་མཉམ་པ་ཉིད་དེ། སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ། །སྲིང་མོ་གཞན་ཡང་ཕུང་པོ་ལྔ་ནི་མིང་ཙམ་སྟེ། མིང་དེ་ཡང་གཡོ་བ་མེད་པའོ། །སྲིང་མོ་བྱང་ཆུབ་ཀྱང་མིང་ཙམ་སྟེ། མིང་དེ་
D96.046.0220b03.01ཡང་གཡོ་བ་མེད་པའོ། །སྲིང་མོ་དེའི་ཕྱིར་གཡོ་བ་མེད་པ་མཉམ་པ་ཉིད་ཀྱིས་ཕུང་པོ་མཉམ་པ་ཉིད་དོ། །ཕུང་པོ་མཉམ་པ་ཉིད་ཀྱིས་གཡོ་བ་མེད་པ་མཉམ་པ་ཉིད་དོ། །གཡོ་བ་མེད་པ་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དོ། །བྱང་ཆུབ་མཉམ་པ་ཉིད་ཀྱིས་གཡོ་བ་མེད་པ་མཉམ་པ་ཉིད་དེ།
D96.046.0220b04.01སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ། །སྲིང་མོ་གཞན་ཡང་ཕུང་པོ་རྣམས་ལ་བྱེད་པ་པོ་མེད་དེ། མ་བྱས་པའི་དོན་ནི་བྱང་ཆུབ་བོ། །ཕུང་པོ་རྣམས་ལ་ངོ་བོ་ཉིད་མེད་དེ། ངོ་བོ་ཉིད་མེད་པའི་དོན་ནི་བྱང་ཆུབ་བོ། །ཕུང་པོ་རྣམས་ལ་བྱུང་བ་མེད་དེ། མ་བྱུང་བའི་
D96.046.0220b05.01དོན་ནི་བྱང་ཆུབ་བོ། །ཕུང་པོ་རྣམས་ལ་རྟག་པ་ཉིད་མེད་དེ། མི་རྟག་པའི་དོན་ནི་བྱང་ཆུབ་བོ། །ཕུང་པོ་རྣམས་ལ་བདེ་བ་ཉིད་མེད་དེ། སྡུག་བསྔལ་བའི་དོན་ནི་བྱང་ཆུབ་བོ། །ཕུང་པོ་རྣམས་ལ་སྡུག་པ་མེད་དེ། མི་སྡུག་པའི་དོན་ནི་བྱང་ཆུབ་བོ། །ཕུང་པོ་རྣམས་ལ་བདག་མེད་དེ།
D96.046.0220b06.01བདག་མེད་པའི་དོན་ནི་བྱང་ཆུབ་བོ། །སྲིང་མོ་གཞན་ཡང་ཕུང་པོ་རྣམས་ལ་མངོན་པར་གྲུབ་པ་མེད་དེ། མངོན་པར་མ་གྲུབ་པའི་དོན་ནི་བྱང་ཆུབ་བོ། །ཕུང་པོ་རྣམས་ནི་དབེན་པ་སྟེ། དབེན་པའི་དོན་ནི་བྱང་ཆུབ་བོ། །ཕུང་པོ་རྣམས་ལ་གཟུང་བ་མེད་དེ། གཟུང་བ་མེད་པའི་དོན་ནི་བྱང་ཆུབ་བོ། །
D96.046.0220b07.01