完整藏文原文 · 德格版页 当前仅加载第 46 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
བུའོ། །འཕོ་བ་མེད་པའི་ཚུལ་གྱིས་ཆུ་ཟླ་ལྟ་བུའོ། །སྒྲ་མེད་པ་ལས་སྒྲར་གོ་བར་བྱེད་པས་བྲག་ཅ་ལྟ་བུའོ། །མངོན་པར་འདུ་བྱེད་པ་མེད་པའི་སྒོ་ཡིན་པས་གྲིབ་མའི་གཟུགས་ལྟ་བུའོ། །རང་བཞིན་གྱིས་ཡ་མ་བརླ་ཡིན་པས་ཆད་པ་སྟོང་པ་ལྟ་བུའོ། །གཟུང་དུ་
D96.046.0238b01.01མེད་པའོ། །རླུང་དང་མཚུངས་པའོ། །{བརྫུན་,རྫུན་}པའོ། །གཞི་མེད་པའོ། །གསོག་གོ། །འགྲིབ་པ་མེད་པའོ། །རྫོགས་པ་མེད་པའོ། །ཁྱེའུ་དེ་ལྟར་ན་ཆོས་ཐམས་ཅད་བདག་པོ་མེད་པ་སྟེ། དེ་ལ་ཁྱོད་མངོན་པར་ཞེན་པར་མི་བྱའོ། །ཁྱེའུ་དེ་ཇི་སྙམ་དུ་
D96.046.0238b02.01སེམས། ཁྱོད་ཀྱི་འདོད་པ་དང་ལྡན་པའི་རྟོག་པ་དང་དཔྱོད་པ་གང་ཡིན་པ་དེ་དག་ཇི་ལྟར་མཐོང་། ཁྱེའུས་གསོལ་པ། བཅོམ་ལྡན་འདས་བྱིས་པ་སོ་སོའི་སྐྱེ་བོ་རྣམས་ཀྱི་འདོད་ཆགས་ནི་ཁ་དོག་དང་དབྱིབས་བཟང་པོ་ལས་ཡོངས་སུ་བརྟགས་པས་སྐྱེ་ལགས་སོ། །
D96.046.0238b03.01དེ་ནི་འཕགས་པའི་ཆོས་འདུལ་བས་མི་གཙང་བ་ལ་སོགས་པར་སོ་སོར་བརྟགས་པས་མི་འབྱུང་སྟེ། བཅོམ་ལྡན་འདས་དེ་ལས་མི་རྟོག་ན་འདོད་ཆགས་ཀྱི་ཀུན་འབྱུང་བ་ཀུན་ཏུ་འབྱུང་བར་མི་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་ལེགས་སོ་
D96.046.0238b04.01ལེགས་སོ། །འདི་ལྟ་སྟེ། མི་རྟོག་ཅིང་རྣམ་པར་མི་རྟོག་པ་འདི་ནི་འདོད་ཆགས་ཀྱི་རང་བཞིན་ཡིན་ནོ། །ཁྱེའུ་ཁྱོད་ཀྱིས་བདག་ཏུ་ལྟ་བ་མེད་པ་དང་། གཞན་དུ་ལྟ་བ་མེད་པ་དང་། གཞན་དུ་ལྟ་བར་སྒྲོ་འདོགས་པ་མེད་པར་ཆོས་ལ་ཚུལ་བཞིན་དུ་སེམས་པར་བརྩོན་པར་
D96.046.0238b05.01བྱའོ། །ཁྱེའུས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཆོས་ལ་ཚུལ་བཞིན་དུ་སེམས་པར་བརྩོན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་བྱང་ཆུབ་སེམས་དཔའ་ནི་འདོད་ཆགས་ཀྱི་རང་བཞིན་གྱིས་བྱང་ཆུབ་ཡོངས་སུ་ཚོལ་
D96.046.0238b06.01ལོ། །ཁྱེའུ་དེ་བཞིན་དུ་བྱང་ཆུབ་སེམས་དཔའ་ནི་ཞེ་སྡང་གི་རང་བཞིན་དང་། གཏི་མུག་གི་རང་བཞིན་དང་། ཉོན་མོངས་པ་ཐམས་ཅད་ཀྱི་རང་བཞིན་གྱིས་བྱང་ཆུབ་ཡོངས་སུ་ཚོལ་ལོ། །ཁྱེའུ་ཇི་ལྟར་འདོད་ཆགས་དང་ཞེ་སྡང་དང་གཏི་མུག་དངོས་པོ་མེད་པ་དེ་ལྟར་ཆོས་ཐམས་ཅད་
D96.046.0238b07.01