完整藏文原文 · 德格版页 当前仅加载第 46 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ངོ་། །དེ་ནས་སྨད་འཚོང་མའི་བུ་མོ་གསེར་མཆོག་འོད་དཔལ་དང་། ཚོང་དཔོན་གྱི་བུ་འཇིགས་བྱིན་གཉིས་ལྷན་ཅིག་ཏུ་སྐྱེད་མོས་ཚལ་དུ་ཕྱིན་པ་དང་། དེར་མེ་ཏོག་གི་ཆལ་བར་བཀྲམ་སྟེ་བདུག་པས་བདུགས། བླ་རེ་བྲེས་ནས་གདུགས་དང་། རྒྱལ་མཚན་
D96.046.0235b01.01དང་། བ་དན་སྣ་ཚོགས་ཀྱིས་ལེགས་པར་བརྒྱན་ཏེ། བཟའ་བཏུང་འབྱོར་པ་དག་ཀྱང་བཤམས་ནས། དགའ་བའི་རྩེད་མོ་དང་རྗེས་སུ་འཐུན་པའི་སིལ་སྙན་དང་། ཕེག་རྡོབ་པར་གླུ་དབྱངས་ལེན་པར་བྱེད་ཅིང་སྐྱེད་མོས་ཚལ་ན་གནས་པར་གྱུར་ཏོ། །དེ་དག་གིས་
D96.046.0235b02.01ཟོས་ཤིང་འཐུངས་ནས་རབ་ཏུ་མྱོས་པར་གྱུར་པ་དང་། སྨད་འཚོང་མའི་བུ་མོ་གསེར་མཆོག་འོད་དཔལ། ཚོང་དཔོན་གྱི་བུ་འཇིགས་བྱིན་གྱི་པང་པར་སྔས་བཅས་ཏེ་ཉལ་ལོ། །དེ་ནས་བུ་མོ་དེས་མངོན་པར་ཤེས་པའི་སྟོབས་ཀྱིས་རང་གི་ལུས་རྙིས་པར་བསྟན་ནས།
D96.046.0235b03.01དེས་འཆི་བའི་འདུ་ཤེས་བསྐྱེད་དེ། དེའི་ལུས་ཐམས་ཅད་མི་སྡུག་པར་གྱུར་ནས། རོ་མྱགས་པ་འདྲ་བར་སྣང་ཞིང་དེའི་རྣ་བའི་བུ་ག་གཉིས་དང་། མིག་གི་དབང་པོ་དང་། སྣའི་ནང་ནས་མི་གཙང་བའི་དྲི་མི་ཞིམ་པ་དག་འབྱུང་ཞིང་བྱུང་ནས་ཀྱང་ལུས་ཐམས་ཅད་ལ་ཁྱབ་
D96.046.0235b04.01པར་གྱུར་ཏོ། །དེའི་ཁའི་ནང་ནས་ཀྱང་དྲི་མནམ་པོ་དག་བྱུང་སྟེ། དྲི་མནམ་པོ་དེ་དག་གིས་སྐྱེད་མོས་ཚལ་དེ་ཐམས་ཅད་ཀྱང་ཁྱབ་པར་གྱུར་ཏོ། །སྤུའི་ཁུང་བུ་ཐམས་ཅད་ནས་ཀྱང་ཁྲག་དང་རྣག་མནམ་པོ་དག་འཛག་གོ། །ལྟོ་བ་དང་ལྟེ་བའི་དབུས་རྡོལ་བ་ནས་
D96.046.0235b05.01ཀྱང་མཚེར་པ་དང་རྒྱུ་མ་ཐམས་ཅད་བྱུང་ངོ་། །རྐུབ་དང་མདོམས་ནས་ཀྱང་བཤང་གཅི་དག་འབྱུང་ཞིང་འཛག་གོ། །དེའི་སྤྱི་བོ་ནས་ཀྱང་{གླད་པ་,ཀླད་པ་}འཛག་གོ། །རྐང་ལག་གི་སོར་མོ་རྣམས་ལ་ཡང་སྦྲང་མ་སྔོན་པོ་དག་རྒྱུ་བར་གྱུར་ཏོ། །དེ་ནས་ཚོང་དཔོན་གྱི་བུ་
D96.046.0235b06.01འཇིགས་བྱིན་གྱིས། བུ་མོ་དེའི་ལུས་ལ་དེ་ལྟ་བུའི་གནས་སྐབས་སུ་གྱུར་པ་དག་མཐོང་ངོ་། །མཐོང་ནས་ཀྱང་འཇིགས་སྐྲག་སྟེ་ཡི་ཆད་ཅིང་སྐྱབས་མེད་རྟེན་མེད་དཔུང་གཉེན་མེད་པར་གྱུར་ནས། སྐྱབས་ཚོལ་ཞིང་འཇིགས་པ་ཆེན་པོས་སྐྲག་པར་གྱུར་ནས་འདར་ཞིང་
D96.046.0235b07.01