完整藏文原文 · 德格版页 当前仅加载第 46 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་ཀྱི་ཚོགས་རྣམས་ཀྱིས་བསྐོར་ཏེ། དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་མཐུ་ཆེན་པོས་འཇམ་དཔལ་གཞོན་ནུར་གྱུར་པ་ག་ལ་བ་དེར་སོང་ནས། འཁོར་དེ་དང་། རྒྱལ་པོ་མ་སྐྱེས་དགྲ་དང་། རྒྱལ་པོ་དང་
D96.046.0229a01.01བློན་པོའི་བུ་རྣམས་དང་། ཚོང་དཔོན་དང་ཁྱིམ་བདག་གི་བུ་རྣམས་ཀྱིས་སྨད་འཚོང་མའི་བུ་མོ་གསེར་མཆོག་འོད་དཔལ་དེ་འདོད་ཆགས་ཀྱིས་ཉོན་མོངས་པའི་ཀུན་ནས་ལྡང་བ་དང་བྲལ་ཏེ། དབང་པོ་དང་སྤྱོད་ལམ་རབ་ཏུ་ཞི་ཞིང་དབང་པོ་མི་གཡེང་ལ་ངོ་ཚ་ཤེས་པ་དང་། དཔལ་གྱིས་ལེགས་པར་བརྒྱན་
D96.046.0229a02.01པར་མཐོང་ངོ་། །མཐོང་ནས་ཀྱང་དེ་ལ་ཕྱིན་ཅད་སུ་ཡང་འདོད་པའི་རྣམ་པར་རྟོག་པ་མི་སྐྱེ་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་སྐྱེ་བོའི་ཚོགས་ཆེན་པོ་དེ་འདུས་པར་རིག་ནས། སྨད་འཚོང་མའི་བུ་མོ་གསེར་མཆོག་འོད་དཔལ་ལ་འདི་སྐད་ཅེས་སྨྲས་སོ། །བུ་
D96.046.0229a03.01མོ་སྐྱེ་བོའི་ཚོགས་ཆེན་པོ་ཐམས་ཅད་ཀྱིས་ཁྱོད་མཐོང་ཡང་ཕྱིར་ཞིང་ཆགས་པ་མེད་ན། ཁྱོད་ཀྱིས་ཉོན་མོངས་པ་དེ་དག་གང་དུ་བཞག །བུ་མོས་སྨྲས་པ། འཇམ་དཔལ་སེམས་ཅན་ཐམས་ཅད་ཀྱི་ཉོན་མོངས་པ་རྣམས་ནི་ཡེ་ཤེས་དང་རྣམ་པར་གྲོལ་བ་ལ་གནས་པ་དང་། ཆོས་ཀྱི་
D96.046.0229a04.01དབྱིངས་ལ་གནས་པ་སྟེ། དེ་དག་ཀྱང་མ་བསྐྱེད་པ་དང་། མ་བཀག་པ་དང་། མ་བསྒྱུར་བར་དེ་ལྟར་བདག་གིས་རྟོགས་སོ། །ཉོན་མོངས་པའི་རང་བཞིན་གང་ལགས་པ་དེ་ཡང་བདག་གིས་རྟོགས་ལགས་སོ། །འཇམ་དཔལ་གྱིས་སྨྲས་པ། བུ་མོ་ཉོན་མོངས་པའི་རང་བཞིན་དེ་
D96.046.0229a05.01གང་ཡིན། བུ་མོས་སྨྲས་པ། འཇམ་དཔལ་རྟོག་པ་མ་མཆིས་ཤིང་རྣམ་པར་རྟོག་པ་མ་མཆིས་པའི་རང་བཞིན་ནི་ཉོན་མོངས་པའི་རང་བཞིན་ལགས་སོ། །ཚུལ་བཞིན་མ་ལགས་པ་མ་སྐྱེས་པའི་རང་བཞིན་ནི་ཉོན་མོངས་པའི་རང་བཞིན་ལགས་སོ། །ཉོན་མོངས་པ་རྣམས་ནི་གློ་བུར་ཏེ།
D96.046.0229a06.01སྟོང་པ་ཉིད་རྟོགས་པ་དང་ལྷན་ཅིག་མི་གནས་སོ། །མཚན་མ་མེད་པ་དང་། སྨོན་པ་མེད་པ་ཤེས་པ་དང་ལྷན་ཅིག་མི་གནས་སོ། །རང་བཞིན་གྱིས་འོད་གསལ་བ་དང་ལྷན་ཅིག་མི་གནས་སོ། །འཇམ་དཔལ་འདི་ལྟ་སྟེ་དཔེར་ན། དུག་དྲག་པོའི་སྦྲུལ་གདུག་པས་བལྟས་པ་
D96.046.0229a07.01