完整藏文原文 · 德格版页 当前仅加载第 46 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་སྨྲས་སོ། །ཁྱེའུ་ཁྱོད་ཀྱིས་དེ་བཞིན་གཤེགས་པ་མཐོང་ནས་སེམས་རབ་ཏུ་དང་བར་གྱུར་པ་ནི། རྙེད་པ་ལེགས་པར་རྙེད་པ་ཡིན་ནོ། །དེ་བཞིན་གཤེགས་པ་ཡང་ཁྱོད་ཉིད་ལ་དགོངས་ཀྱིས། ཁྱེའུ་ཁྱོད་ལམ་འདིར་ཞུགས་ལ་དེ་བཞིན་གཤེགས་པའི་
D96.046.0237b01.01སྤྱན་སྔར་སོང་ཤིག །དེ་ནས་ཁྱེའུ་དེ་ལྷའི་དབང་པོ་བརྒྱ་བྱིན་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་ངོ་། །དེ་ནས་ལྷའི་དབང་པོ་བརྒྱ་བྱིན་གྱིས་ཁྱེའུ་དེ་ལ། ཁྱེའུ་ཁྱོད་ཀྱིས་མེ་ཏོག་འདི་དག་གིས་དེ་བཞིན་གཤེགས་པ་ལ་མངོན་པར་གཏོར་ཅིག་ཅེས་
D96.046.0237b02.01མེ་ཏོག་མན་དཱ་ར་བ་ཐུ་བ་གང་བྱིན་ནོ། །དེ་ནས་ཁྱེའུ་དེས་མེ་ཏོག་དེ་དག་བཅོམ་ལྡན་འདས་ལ་མངོན་པར་གཏོར་ཏོ། །གཏོར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་
D96.046.0237b03.01འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིའོ། །བདག་གི་དགེ་བའི་རྩ་བ་འདི་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D96.046.0237b04.01ཡོངས་སུ་བསྔོ་བར་བགྱིའོ། །བཅོམ་ལྡན་འདས་བདག་གིས་ཡུལ་གྱི་བཟང་མོ་རྒྱལ་པོས་ཐུགས་སུ་ཆུད་པ་གསེར་མཆོག་འོད་དཔལ་ཞེས་བགྱི་བ་ཞིག་དགའ་བར་རྩེ་བའི་སླད་དུ་སྐྱེད་མོས་ཚལ་དུ་ཁྲིད་པ་ལས། བཅོམ་ལྡན་འདས་དེ་མདོག་ཡལ་ཞིང་ལུས་
D96.046.0237b05.01མྱགས་ཏེ་ཉེ་དུའི་ཚོགས་ཐམས་ཅད་ཀྱིས་ཀྱང་སྤངས་ནས་བདག་ཀྱང་འཇིགས་པ་ཆེན་པོ་སྐྱེས་ན། བཅོམ་ལྡན་འདས་འདིའི་ལེ་ལན་གྱིས་བདག་རྒྱལ་པོས་བཀུམ་དུ་མ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་མ་དོགས་
D96.046.0237b06.01ཤིག །སངས་རྒྱས་ལ་སྐྱབས་སུ་སོང་བ་རྣམས་ལ་འཇིགས་པ་ཕྱིས་མི་འབྱུང་བས། ངས་ཁྱོད་མི་འཇིགས་པས་མགྲོན་དུ་གཉེར་གྱིས་འཇིགས་པ་མ་བསྐྱེད་ཅིག །ཁྱེའུ་དེ་ལྟ་མོད་ཀྱི་གཞི་གང་ལས་འཇིགས་པ་དང་སྐྲག་པར་གྱུར་པའི་གཞི་དེ་ཡོངས་སུ་
D96.046.0237b07.01