完整藏文原文 · 德格版页 当前仅加载第 46 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོར་རྟོག་པའི་རྗེས་སུ་འཇུག་ཅིང་སེམས་ཅན་ཐམས་ཅད་ལ་ཡང་སྙིང་རྗེ་བ་སྟེ། སྲིང་མོ་འདི་ནི་བྱང་ཆུབ་སེམས་དཔའི་བརྩོན་འགྲུས་ཡང་དག་ཕུལ་ལོ། །སྲིང་མོ་འདི་ལྟ་སྟེ་དཔེར་ན། རྒྱ་མཚོ་ཆེན་པོར་འཇུག་པ་ནི་སླའི། རིན་པོ་ཆེ་ཆེན་པོ་དག་ཐོགས་ཏེ་ལྡོག་པར་ནི་དཀའོ། །སྲིང་
D96.046.0227b01.01མོ་དེ་བཞིན་དུ་སྟོང་པ་ཉིད་ལ་སོ་སོར་རྟོག་པ་ནི་སླའི། ཐབས་ལ་མཁས་པ་དང་བྲལ་བས་ལྡོག་པར་ནི་དཀའོ། །མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པ་དང་། སྐྱེ་བ་མེད་པ་དང་། འབྱུང་བ་མེད་པ་དང་། ཉན་ཐོས་ཀྱི་སྐྱོན་མེད་པ་དང་། རང་སངས་
D96.046.0227b02.01རྒྱས་ཀྱི་སྐྱོན་མེད་པ་ལ་ཡང་སོ་སོར་བརྟག་པར་ནི་སླའི། ཐབས་ལ་མཁས་པ་དང་བྲལ་བས་ལྡོག་པར་ནི་དཀའོ། །སྲིང་མོ་འདི་ལྟ་སྟེ་དཔེར་ན། གཡུལ་ངོ་ཆེན་པོར་འཇུག་པར་ནི་སླའི། མ་སྨས་མ་ཉམས་པར་རྒལ་བར་ནི་དཀའོ། །སྲིང་མོ་དེ་བཞིན་དུ་རྣམ་པར་ཐར་པའི་སྒོ་གསུམ་དུ་
D96.046.0227b03.01ཡང་འཇུག་པར་ནི་སླའི། ཐབས་ལ་མཁས་པ་དང་བྲལ་བས་ལྡོག་པར་ནི་དཀའོ། །བུ་མོས་སྨྲས་པ། འཇམ་དཔལ་ཐབས་ཞེས་བགྱི་བ་ཇི་ལྟ་བུ་ལགས། འཇམ་དཔལ་གྱིས་སྨྲས་པ། སྲིང་མོ་ཐབས་ཞེས་བྱ་བ་ནི་གང་ཕྱོགས་གཉིས་མི་སྤོང་བ་སྟེ། འདི་ལྟར་འཁོར་བའི་ཕྱོགས་
D96.046.0227b04.01དང་། མྱ་ངན་ལས་འདས་པའི་ཕྱོགས་སོ། །སྲིང་མོ་ཐབས་ཞེས་བྱ་བ་ནི་གང་སྒོ་གཉིས་སྟོན་པར་བྱེད་པ་སྟེ། འཁོར་བའི་སྒོ་དང་། མྱ་ངན་ལས་འདས་པའི་སྒོ་དང་། སྟོང་པ་ཉིད་ཀྱི་སྒོ་དང་། ལྟ་བ་ལས་རབ་ཏུ་ཐར་བའི་སྒོ་དང་། མཚན་མ་མེད་པའི་སྒོ་དང་། མཚན་མ་ལས་རྣམ་པར་ཐར་པའི་སྒོ་དང་།
D96.046.0227b05.01སྨོན་པ་མེད་པའི་སྒོ་དང་། བསམས་བཞིན་དུ་སྐྱེ་བའི་སྒོ་དང་། མངོན་པར་འདུ་བྱེད་པ་མེད་པའི་སྒོ་དང་། དགེ་བ་མངོན་པར་འདུ་བྱ་བའི་སྒོ་དང་། སྐྱེ་བ་མེད་པའི་སྒོ་དང་། སྐྱེ་བ་ཀུན་དུ་སྟོན་པའི་སྒོ་དང་། འབྱུང་བ་མེད་པའི་སྒོ་དང་། ཕུང་པོ་དང་། ཁམས་དང་། སྐྱེ་མཆེད་ཀྱི་སྒོ་དང་། སྐྱེ་
D96.046.0227b06.01བ་མེད་ཅིང་འགག་པ་མེད་པའི་སྒོ་དང་། སྐྱེ་བ་དང་འབྱུང་བའི་སྒོ་དང་། དབེན་པའི་སྒོ་དང་། སེམས་ཅན་ཡོངས་སུ་སྨིན་པར་བྱ་བའི་སྒོ་དང་། ཆོས་ཀྱི་དབྱིངས་ཀྱི་སྒོ་དང་། ཆོས་ཐམས་ཅད་སོ་སོར་སྲུང་བའི་སྒོ་དང་། ཉན་ཐོས་ཀྱི་ཐེག་པའི་སྒོ་དང་། བྱང་ཆུབ་སེམས་དཔའི་ལྷག་པའི་བསམ་
D96.046.0227b07.01