完整藏文原文 · 德格版页 当前仅加载第 46 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུ་མར་སྒྲོན་མ་མུན་པར་བྱུང་བ་ན། །མུན་པ་ཕྱོགས་སུ་འདོང་བ་མེད་པ་ལྟར། །ཤེས་རབ་ཀྱིས་ནི་མུན་པ་མེད་གྱུར་ན། །ཉོན་མོངས་ཟད་གྱུར་མེད་ཅིང་འབྱུང་བའང་མེད། །ཇི་ལྟར་སྨན་པས་ནད་པ་གསོ་བ་ན། །དེ་ཡི་ཁམས་
D96.046.0235a01.01ནི་འཇིག་པར་མི་བྱེད་ཀྱང་། །དེ་ཡི་གློ་བུར་ནད་ནི་ཞི་བར་འགྱུར། །ནད་རྣམས་གཞན་ཡང་འབྱུང་བ་མེད་པ་ལྟར། །དེ་བཞིན་སྨན་པའི་དམ་པ་འཇམ་དབྱངས་ཀྱིས། །རིགས་པའི་ཚུལ་མཁྱེན་སྦྱོར་བ་སྣ་ཚོགས་ཀྱིས། །སེམས་ཅན་ཉོན་མོངས་ཉེ་
D96.046.0235a02.01བར་ཞི་མཛད་ཀྱང་། །ཆོས་རྣམས་རྣམ་པར་འཇིག་པར་མཛད་པ་མེད། །ཕུང་པོ་འདི་དང་ཁམས་རྣམས་འདི་དག་དང་། །སྐྱེ་མཆེད་འདི་རྣམས་གཞན་དུ་འགྱུར་བ་མེད། །གང་དག་སྔོན་ཆད་ཉེས་ལྡན་དུག་བཅས་པ། །དེ་དག་དེ་ནི་དུག་མེད་འགྱུར་
D96.046.0235a03.01བ་མེད། །དེ་ནས་སྨད་འཚོང་མའི་བུ་མོ་གསེར་མཆོག་འོད་དཔལ་གྱིས་ཚིགས་སུ་བཅད་པ་དེ་དག་སྨྲས་ནས། ཡང་འཇམ་དཔལ་གཞོན་ནུར་གྱུར་པའི་རྐང་པ་ལ་མགོ་བོས་ཕྱག་བྱས་ཏེ། ཡང་འཇམ་དཔལ་གཞོན་ནུར་གྱུར་པ་ལ་བསྐོར་བ་བྱས་ནས། ཚོང་
D96.046.0235a04.01དཔོན་གྱི་བུ་འཇིགས་བྱིན་དང་། ལྷན་ཅིག་ཏུ་ཤིང་རྟ་ལ་ཞོན་ཏེ། དེ་ལྟ་བུའི་འབྱོར་པ་ཉིད་ཀྱིས་སྐྱེད་མོས་ཚལ་གྱི་སར་སོང་ངོ་། །འཇམ་དཔལ་གཞོན་ནུར་གྱུར་པས་ཀྱང་ཐམས་ཅད་དང་ལྡན་པའི་འཁོར་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན།
D96.046.0235a05.01ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་སོ། །ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས།
D96.046.0235a06.01དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་གང་དག་ཆོས་ཉན་པར་དགའ་བ་རྣམས་དེ་ཡང་ཕྱི་དྲོའི་དུས་ཀྱི་ཚེ། དེ་བཞིན་གཤེགས་པའི་སྤྱན་སྔར་དེང་ཤིག །དེ་སྐད་ཅེས་སྨྲས་ནས། ས་ཕྱོགས་དེ་ནས་ལངས་ཏེ། རང་རང་གི་གནས་ག་ལ་བ་དེ་ལོགས་སུ་
D96.046.0235a07.01