完整藏文原文 · 德格版页 当前仅加载第 46 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པའི་ཆོས་དང་མཚུངས་པར་ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་སྐྱེས་པའི་ཆོས་དང་མཚུངས་པར་
D96.046.0223a01.01ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པའི་ཆོས་དང་མཚུངས་པར་ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་མིག་ནི། སྐྱེས་པའང་མ་ཡིན། བུད་
D96.046.0223a02.01མེད་ཀྱང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་ཡིད་ཀྱི་བར་དུ་ཡང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་དེ་ལྟར་མིག་གི་དེ་
D96.046.0223a03.01བཞིན་ཉིད་ནི་དེ་བཞིན་གཤེགས་པས་ཐུགས་སུ་ཆུད་དེ། དེ་བཞིན་ཉིད་རྟོགས་པ་ནི་བྱང་ཆུབ་བོ། །ཡིད་ཀྱི་དེ་བཞིན་ཉིད་ཀྱི་བར་དུ་ཡང་དེ་བཞིན་གཤེགས་པས་ཐུགས་སུ་ཆུད་དེ། དེ་བཞིན་ཉིད་རྟོགས་པ་ནི་བྱང་ཆུབ་བོ། །སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་
D96.046.0223a04.01སོ། །སྲིང་མོ་གཞན་ཡང་ཁྱོད་ཀྱི་ལུས་འདི་ནི་བདག་མ་ཡིན། སེམས་ཅན་མ་ཡིན། སྲོག་མ་ཡིན། སྐྱེས་བུ་མ་ཡིན། གང་ཟག་མ་ཡིན། ཤེད་ལས་སྐྱེས་པ་མ་ཡིན། ཤེད་བུ་མ་ཡིན། བྱེད་པ་པོ་མ་ཡིན། ཚོར་བ་པོ་མ་ཡིན། ཤེས་པ་པོ་མ་ཡིན། མཐོང་བ་པོ་མ་ཡིན།
D96.046.0223a05.01ཉན་པ་པོ་མ་ཡིན། སྣོམ་པ་པོ་མ་ཡིན། ཟ་བ་པོ་མ་ཡིན། རེག་པ་པོ་མ་ཡིན། རྣམ་པར་ཤེས་པ་པོ་མ་ཡིན་ནོ། །སྲིང་མོ་བྱང་ཆུབ་ཀྱང་བདག་མ་ཡིན་སེམས་ཅན་མ་ཡིན། སྲོག་མ་ཡིན། གསོ་བ་མ་ཡིན། གང་ཟག་མ་ཡིན། བདག་གི་མ་ཡིན། ཡོངས་སུ་འཛིན་པ་མ་ཡིན། བྱས་
D96.046.0223a06.01པ་མ་ཡིན། ཚོར་བ་མ་ཡིན། གཟུགས་མ་ཡིན། སྒྲ་མ་ཡིན། དྲི་མ་ཡིན། རོ་མ་ཡིན། རེག་མ་ཡིན། རྣམ་པར་རེག་པ་མ་ཡིན་ཏེ། སྲིང་མོ་དེ་ལྟ་བས་ན་ཆོས་ཐམས་ཅད་མཉམ་པ་ཉིད་ནི་བྱང་ཆུབ་ཅེས་བྱའོ། །སྲིང་མོ་གང་ཡང་ཁྱོད་ཀྱི་ལུས་ནི་གཡོ་བ་མེད་པ། བྱེད་པ་མེད་པ།
D96.046.0223a07.01