完整藏文原文 · 德格版页 当前仅加载第 46 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རང་གི་ལུས་ལ་མངོན་པར་ཞེན་པས་འདོད་ཆགས་ཀྱི་སྦྱོར་བ་དང་ལྡན་པའི་སེམས་ཅན་རྣམས་ཀྱིས་ནི་ཆོས་རྣམས་ཀྱི་རང་བཞིན་ཉིད་མ་རྟོགས་སོ། །འཇམ་དཔལ་དེ་ལྟ་ལགས་མོད་ཀྱི་འོན་ཀྱང་གང་དག་འདོད་ཆགས་ཀྱི་སྦྱོར་བ་དང་ལྡན་པའི་སེམས་ཅན་དེ་དག་ཀྱང་ཆོས་རྣམས་ཀྱི་ཆོས་ཉིད་
D96.046.0224b01.01འདི་ཅི་འདྲ་བ་དེ་ཉིད་དང་ལྡན་ནོ། །བྱང་ཆུབ་སེམས་དཔའ་རྣམས་ནི་ལྡན་པའི་ཆོས་འདི་ལ་སློབ་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ཅིའི་སླད་དུ་ཞེ་ན། འཇམ་དཔལ་ཉོན་མོངས་པ་རྣམས་ནི་ཇི་ལྟར་མཆིས་པ་མ་ལགས་པ་ལ། ཀུན་བརྟགས་པ་ལས་འབྱུང་
D96.046.0224b02.01བར་དེ་ལྟར་ཀུན་བརྟགས་པ་ཡོངས་སུ་རྟོགས་ན་འགག་པར་འགྱུར་བས་གསོག་དང་འདྲ་བའི་སླད་དུའོ། །འཇམ་དཔལ་ཇི་ལྟར་ཁྱོད་ཀྱིས་གསུངས་པའི་དོན་བདག་གིས་འཚལ་བ་ལྟར་ན། ཉོན་མོངས་པ་རྣམས་ནི་རང་བཞིན་མ་མཆིས་ཤིང་བྱུང་བ་མ་མཆིས་པས་སྤྲིན་གྱི་ཚོགས་དང་འདྲའོ། །ཉོན་མོངས་
D96.046.0224b03.01པ་རྣམས་ནི་སྐད་ཅིག་ལ་འཇིག་ཅིང་འཇུ་སྟེ་ཆུའི་ཆུ་བུར་དང་འདྲའོ། །ཉོན་མོངས་པ་རྣམས་ནི་ཤིན་ཏུ་མངོན་པར་གྲུབ་པ་མ་མཆིས་པ་སྟེ། རླུང་དང་འདྲའོ། །ཉོན་མོངས་པ་རྣམས་ནི་ཡུལ་ཐམས་ཅད་ལས་ཡང་དག་པར་འདས་པ་སྟེ། ནམ་མཁའི་རི་མོ་དང་འདྲའོ། །ཉོན་མོངས་པ་རྣམས་ནི་རིང་དུ་མི་གནས་པས་ཆུའི་
D96.046.0224b04.01རི་མོ་དང་འདྲའོ། །ཉོན་མོངས་པ་རྣམས་ནི་ཚུལ་བཞིན་མ་ལགས་པ་ཡིད་ལ་བགྱིད་པའི་འཇུག་པ་ལས་འབྱུང་བ་སྟེ། གནོད་སྦྱིན་དང་འབྱུང་པོ་འདྲའོ། །ཉོན་མོངས་པ་རྣམས་ནི་མ་མཆིས་པ་ལ་ཕྱིན་ཅི་ལོག་ཏུ་མཐོང་བ་ལས་བྱུང་བ་སྟེ། སྤྲིན་མར་དང་འདྲའོ། །ཉོན་མོངས་པ་རྣམས་ནི་ཀུན་བརྟགས་པ་ལས་བྱུང་
D96.046.0224b05.01བ་སྟེ། ཡང་དག་པ་མ་ལགས་པའོ། །ཉོན་མོངས་པ་རྣམས་ནི་ངར་འཛིན་པས་ལྷག་པར་ཆགས་པ་དང་འབྲེལ་བའོ། །ཉོན་མོངས་པ་རྣམས་ནི་བདག་གིར་འཛིན་པས་དངོས་པོར་ཡོངས་སུ་འཛིན་པའོ། །ཉོན་མོངས་པ་རྣམས་ནི་ལོག་པར་བསྐྱེད་པས་གློ་བུར་དུ་བྱུང་བའོ། །ཉོན་མོངས་པ་རྣམས་ནི་
D96.046.0224b06.01རྣམ་པར་རྟོག་པ་ལས་བྱུང་བས་མཚན་མའི་རྗེས་སུ་འབྲང་བ་དང་འདྲའོ། །ཉོན་མོངས་པ་རྣམས་ནི་ཁམས་སྣ་ཚོགས་ལ་མི་དཔྱོད་པའི་ཚུལ་གྱིས་བསྐྱེད་པ་སྟེ་སོ་སོར་མི་རྟོག་པའོ། །ཉོན་མོངས་པ་རྣམས་ནི་སེམས་དང་རྗེས་སུ་འཐུན་པས་བསྐྱེད་པ་སྟེ། ངེས་པར་མི་སེམས་པའོ། །ཉོན་མོངས་པ་རྣམས་
D96.046.0224b07.01