完整藏文原文 · 德格版页 当前仅加载第 46 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ལ་སྦྱོར་བ་ནི་ཉོན་མོངས་པའོ། །ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ལ་སྦྱོར་བ་ནི་ཉོན་མོངས་པའོ། །རབ་ཏུ་དབེན་པ་ལ་སྦྱོར་བར་སེམས་པ་ནི་ཉོན་མོངས་པའོ། །སྲིང་མོ་ཉོན་མོངས་པ་མེད་པ་ཞེས་བྱ་བ་དེ་ནི་རྒྱུ་བ་མེད་པ་
D96.046.0227a01.01ཞེས་བྱ་བའི་ཚིག་{བླ་དགས་,བླ་དྭགས་}སོ། །དེ་ནི་སྤྲོས་པ་མེད་པ་ཞེས་བྱ་བའི་ཚིག་{བླ་དགས་,བླ་དྭགས་}སོ། །དེ་ནི་རྩོལ་བ་མེད་པ་ཞེས་བྱ་བའི་ཚིག་{བླ་དགས་,བླ་དྭགས་}སོ། །ཀུན་དུ་འབྱུང་བ་མེད་པ་ཞེས་བྱ་བའི་ཚིག་{བླ་དགས་,བླ་དྭགས་}ཏེ། སྲིང་མོ་གྲངས་དང་གྲངས་མེད་པ་དང་བྲལ་བ་ནི་ཉོན་མོངས་པ་མེད་པ་ཉིད་དོ། །སྲིང་མོ་
D96.046.0227a02.01གཞན་ཡང་བྱང་ཆུབ་སེམས་དཔའ་གང་བདག་ལ་ཡང་ཉོན་མོངས་པ་མེད་ལ། གཞན་དག་ཉོན་མོངས་པ་ལས། རབ་ཏུ་ཐར་བ་ལ་ཡང་ཤིན་དུ་བརྩོན་པ་དེ་ནི་ཉོན་མོངས་པ་མེད་པའོ་ཞེས་དེ་བཞིན་གཤེགས་པས་གསུངས་ཏེ། གཞན་དག་ཉོན་མོངས་པ་ལས་རབ་ཏུ་ཐར་བར་བྱེད་པ་ནི་བྱང་ཆུབ་
D96.046.0227a03.01སེམས་དཔའི་བརྩོན་འགྲུས་ཡང་དག་ཕུལ་ལོ། །བུ་མོས་སྨྲས་པ། འཇམ་དཔལ་བྱང་ཆུབ་སེམས་དཔའི་བརྩོན་འགྲུས་ཡང་དག་ཕུལ་གང་ལགས། འཇམ་དཔལ་གྱིས་སྨྲས་པ། སྟོང་པ་ཉིད་ལ་སོ་སོར་རྟོག་པའི་རྗེས་སུ་འཇུག་ཅིང་ལྟ་བ་ལ་སྤྱོད་པའི་སེམས་ཅན་རྣམས་ལ་སྙིང་རྗེ་བ་དང་།
D96.046.0227a04.01མཚན་མ་མེད་པ་ལ་སོ་སོར་རྟོག་པའི་རྗེས་སུ་འཇུག་ཅིང་མཚན་མ་ལ་སྤྱོད་པའི་སེམས་ཅན་རྣམས་ལ་སྙིང་རྗེ་བ་དང་། སྨོན་པ་མེད་པ་ལ་སོ་སོར་རྟོག་པའི་རྗེས་སུ་འཇུག་ཅིང་སྨོན་པ་ལ་སྤྱོད་པའི་སེམས་ཅན་རྣམས་ལ་སྙིང་རྗེ་བ་དང་། མངོན་པར་འདུ་བྱེད་པ་མེད་པ་ལ་སོ་སོར་རྟོག་པའི་རྗེས་སུ་འཇུག་ཅིང་མངོན་པར་
D96.046.0227a05.01འདུ་བྱེད་པ་ལ་སྤྱོད་པའི་སེམས་ཅན་རྣམས་ལ་སྙིང་རྗེ་བ་དང་། སྐྱེ་བ་མེད་ཅིང་འཆི་འཕོ་བ་མེད་པ་ལ་སོ་སོར་རྟོག་པའི་རྗེས་སུ་འཇུག་ཅིང་རྒ་བ་དང་ཤི་བར་འདུ་ཤེས་པའི་སེམས་ཅན་རྣམས་ལ་སྙིང་རྗེ་བ་དང་། སྐྱེ་བ་མེད་པ་ལ་སོ་སོར་རྟོག་པའི་རྗེས་སུ་འཇུག་ཅིང་སྐྱེ་བ་དང་འཇིག་པར་འདུ་ཤེས་པའི་སེམས་ཅན་རྣམས་
D96.046.0227a06.01ལ་སྙིང་རྗེ་བ་དང་། ཉན་ཐོས་སུ་ངེས་པ་ལ་སོ་སོར་རྟོག་པའི་རྗེས་སུ་འཇུག་ཅིང་ཉན་ཐོས་ཀྱི་འབྲས་བུ་ཐོབ་པ་ལས་ལྡོག་པ་དང་། རང་སངས་རྒྱས་སུ་ངེས་པ་ལ་སོ་སོར་རྟོག་པའི་རྗེས་སུ་འཇུག་ཅིང་རང་སངས་རྒྱས་ཀྱི་འབྲས་བུ་ཐོབ་པ་ལས་ལྡོག་པ་དང་། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པ་
D96.046.0227a07.01