完整藏文原文 · 德格版页 当前仅加载第 46 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་གྱི། སེམས་ཅན་གཞན་དང་གང་ཟག་གཞན་དག་ལ་བྱམས་པ་དང་སྙིང་རྗེའི་སེམས་བསྐྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བདག་གི་དགེ་བའི་རྩ་བ་བསྐྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་གཞན་གྱི་
D96.046.0233a01.01དགེ་བའི་རྩ་བ་བསྐྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བདག་ཡོངས་སུ་མྱ་ངན་ལས་འདའ་བའི་ལྷག་པའི་བསམ་པ་ལ་གུས་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་གཞན་ཡོངས་སུ་མྱ་ངན་ལས་བཟླ་བའི་ལྷག་པའི་བསམ་པར་གུས་
D96.046.0233a02.01པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བདག་གི་ཉོན་མོངས་པ་ཞི་བར་བྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་ཐམས་ཅད་ཀྱི་ཉོན་མོངས་པ་ཞི་བར་བྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བདག་གི་སེམས་རྗེས་སུ་
D96.046.0233a03.01སྲུང་བ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་ཐམས་ཅད་ཀྱི་སེམས་རྗེས་སུ་སྲུང་བ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བདག་ཐར་པར་བྱ་བ་ལ་བརྩོན་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་ཐམས་ཅད་ཐར་བར་བྱ་
D96.046.0233a04.01བ་ལ་བརྩོན་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བུ་མོ་འཁོར་བས་སྐྱོ་བ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སེམས་ཅན་ཐམས་ཅད་འཁོར་བ་ལས་གྲོལ་བར་བྱ་བ་ལ་དགའ་བ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བུ་མོ་
D96.046.0233a05.01མྱ་ངན་ལས་འདའ་བ་ལ་དགའ་བ་ནི་བྱང་ཆུབ་སེམས་དཔའི་རབ་ཏུ་འབྱུང་བ་མ་ཡིན་གྱི། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱེད་པ་ནི་བྱང་ཆུབ་སེམས་དཔའི་རབ་ཏུ་འབྱུང་བ་ཡིན་ནོ། །བུ་མོ་རབ་ཏུ་འབྱུང་བ་ཞེས་བྱ་བ་དེ་ནི་སེམས་ཅན་གཞན་དག་ལ་སྙིང་རྗེ་ཆེ་བ་ཞེས་བྱ་བའི་
D96.046.0233a06.01ཚིག་{བླ་དགས་,བླ་དྭགས་}སོ། །བུ་མོ་རབ་ཏུ་འབྱུང་བ་ཞེས་བྱ་བ་དེ་ནི་གཞན་གྱི་འཁྲུལ་པ་ལ་སྐྱོན་དུ་མི་ལྟ་བ་ཞེས་བྱ་བའི་ཚིག་{བླ་དགས་,བླ་དྭགས་}སོ། །བུ་མོ་རབ་ཏུ་འབྱུང་བ་ཞེས་བྱ་བ་དེ་ནི་གཞན་གྱི་རྙེད་པ་ལ་ཕྲག་དོག་མེད་པ་ཞེས་བྱ་བའི་ཚིག་{བླ་དགས་,བླ་དྭགས་}སོ། །བུ་མོ་རབ་ཏུ་འབྱུང་བ་ཞེས་བྱ་བ་དེ་ནི་བདག་དང་
D96.046.0233a07.01