完整藏文原文 · 德格版页 当前仅加载第 57 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར་རོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ལས་བྱུང་བའི་བདེ་བ་དང་ཡིད་བདེ་བ་གང་ཡིན་པ་དེ་ནི་འདོད་ཆགས་དང་། ཁོང་ཁྲོ་བའི་རབ་ཏུ་མ་ཞི་བ་དང་བྲལ་བ་དང་། མཐོན་དམན་གྱི་རབ་ཏུ་མ་ཞི་བ་དང་བྲལ་བ་དང་། བདེན་པ་
D144.057.0009b01.01ལ་ཡིད་གཉིས་དང་ཐེ་ཚོམ་ཟ་བའི་རབ་ཏུ་མ་ཞི་བ་དང་བྲལ་བ་དང་། ངར་འཛིན་པ་དང་། ང་ཡིར་འཛིན་པ་དང་། དེའི་རྩ་བ་ལས་བྱུང་བའི་ལྟ་བར་གྱུར་པ་ཚད་མེད་པའི་རབ་ཏུ་མ་ཞི་བ་དང་བྲལ་བ་དང་། ཉེ་བའི་ཉོན་མོངས་པ་ཕྱིན་ཅི་ལོག་དང་། གཡེང་བ་དང་། རྒོད་པ་དང་།
D144.057.0009b02.01རྨུགས་པ་དང་། བག་མེད་པ་དང་། ངོ་ཚ་མེད་པའི་རབ་ཏུ་མ་ཞི་བ་དང་བྲལ་བ་དང་། འགྲོ་བ་ལྔའི་ལས་སྣ་ཚོགས་མངོན་པར་འདུ་བྱེད་པའི་རབ་ཏུ་མ་ཞི་བ་དང་བྲལ་བ་དང་། སྡུག་བསྔལ་གྱི་བདེན་པས་བསྡུས་པའི་རབ་ཏུ་མ་ཞི་བ་དང་བྲལ་བ་དང་། འདི་ལྟར་ཉོན་མོངས་པ་དང་། ལས་
D144.057.0009b03.01དང་། ཚེའི་ཀུན་ནས་ཉོན་མོངས་པའི་རྒྱུ་དང་འབྲས་བུར་བཅས་པའི་རྒྱུན་ལས་འཇུག་པའི་རབ་ཏུ་མ་ཞི་བ་དང་བྲལ་བའི་ཕྱིར་རབ་ཏུ་ཞི་བའོ། །རབ་ཏུ་ཞི་བའི་ཕྱིར་འཕགས་པའི་ཆོས་འདུལ་བ་ལ་ལུས་དང་སེམས་སིམ་པར་འགྱུར་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་
D144.057.0009b04.01རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པས་བརླན་པའི་མཚན་ཉིད་དོ། །བྱང་ཆུབ་སེམས་དཔའ་དད་པ་ཐབས་ཆེན་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་སླད་དུ་ཐེག་པ་ཆེན་པོ་ལ་དད་པས་བརླན་པའི་མཚན་ཉིད་དང་།
D144.057.0009b05.01བདེ་བ་དང་ཡིད་བདེ་བའི་དོན་འདི་ངོ་མཚར་ཏོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་སླད་དུ་ཐེག་པ་ཆེན་པོ་ལ་དད་པ་ལས་བྱུང་བའི་བདེ་བ་དང་ཡིད་བདེ་བའི་དོན་ལས་རབ་ཏུ་མོས་པར་བགྱིའོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་
D144.057.0009b06.01ཀྱི་ཐེག་པ་ཆེན་པོའི་སླད་དུ་ཐེག་པ་ཆེན་པོ་ལ་དད་པའི་རྣམ་པའི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་རྣམས་རྣམ་པ་གསུམ་གྱིས་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་འཇུག་སྟེ། འདི་ལྟ་སྟེ། ཡིད་
D144.057.0009b07.01