完整藏文原文 · 德格版页 当前仅加载第 57 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གང་ཡིན་པའོ། །དེ་ལ་རྩོམ་པའི་དད་པ་ནི་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང་། སེམས་བསྐྱེད་པ་རྣམས་ཀྱི་སེམས་བསྐྱེད་པ་རྗེས་སུ་དྲན་པས་ཐེག་པ་ཆེན་པོ་ལ་དད་པ་གང་ཡིན་པའོ། །དེ་ལ་རྗེས་སུ་འཛིན་ཅིང་གུས་པར་བྱེད་པའི་དད་པ་ནི་རྗེས་སུ་
D144.057.0025b01.01འཛིན་པའི་བྱང་ཆུབ་སེམས་དཔའ་རྣམས་ཀྱི་སེམས་ཅན་རྗེས་སུ་འཛིན་ཅིང་ལས་གུས་པར་བྱེད་པས་ཐེག་པ་ཆེན་པོ་ལ་དད་པ་གང་ཡིན་པའོ། །དེ་ལ་མོས་པའི་དད་པ་ནི་ཆོས་ཀྱི་དབྱིངས་ཟབ་མོ་བསྟན་པ་ལ་མོས་པའི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་གང་ཡིན་པའོ། །གཞན་ཡང་
D144.057.0025b02.01དད་པ་བཞི་སྟེ། བཞི་གང་ཞེ་ན། འདི་ལྟ་སྟེ། མཐོང་བ་དང་། ཐོས་པས་དད་པ་དང་། བསྟན་པ་འཕེལ་བ་རྗེས་སུ་དྲན་པའི་དད་པ་དང་། དགེ་བའི་ཕྱོགས་འཕེལ་བ་རྗེས་སུ་དྲན་པའི་དད་པ་དང་། རེ་བ་དང་འདོད་པ་རྗེས་སུ་དྲན་པའི་དད་པའོ། །དེ་ལ་མཐོང་བ་དང་ཐོས་པས་དད་པ་ནི་གང་སངས་
D144.057.0025b03.01རྒྱས་དང་བྱང་ཆུབ་སེམས་དཔའི་གཟུགས་སམ་འོད་མཐོང་ཞིང་ཐོས་ན་ཐེག་པ་ཆེན་པོ་ལ་དད་པའོ། །དེ་ལ་བསྟན་པ་འཕེལ་བ་རྗེས་སུ་དྲན་པའི་དད་པ་ནི་གང་སེམས་ཅན་ཡོངས་སུ་སྨིན་པར་བྱ་བ་རྗེས་སུ་དྲན་པས་ཐེག་པ་ཆེན་པོ་ལ་དད་པའོ། །དེ་ལ་དགེ་བའི་ཕྱོགས་འཕེལ་བ་རྗེས་སུ་དྲན་པའི་དད་པ་ནི་གང་
D144.057.0025b04.01བདག་ཉིད་རྟག་པར་རྒྱུན་ཏུ་བྱང་ཆུབ་ཀྱི་ཕྱོགས་ཀྱི་ཆོས་དང་། དགེ་བའི་ཕྱོགས་འཕེལ་བ་རྗེས་སུ་དྲན་པས་བྱང་ཆུབ་སེམས་དཔའ་ཐེག་པ་ཆེན་པོ་ལ་དད་པའོ། །དེ་ལ་རེ་བ་དང་འདོད་པ་རྗེས་སུ་དྲན་པའི་དད་པ་ནི་གང་དགེ་བའི་ཕྱོགས་འཕེལ་བ་དེས་སངས་རྒྱས་ཀྱི་ཞིང་ཡོངས་སུ་དག་ཅིང་སངས་རྒྱས་ཀྱི་ཆོས་
D144.057.0025b05.01ཐམས་ཅད་བསྒྲུབས་པས་རེ་ཞིང་འདོད་དེ། བྱང་ཆུབ་སེམས་དཔའ་རེ་བ་དང་འདོད་པ་རྗེས་སུ་དྲན་པས་ཐེག་པ་ཆེན་པོ་ལ་དད་པའོ། །གཞན་ཡང་དད་པ་བཞི་སྟེ། བཞི་གང་ཞེ་ན། བརྗོད་པ་རྗེས་སུ་དྲན་པའི་དད་པ་དང་། གཅོད་ནུས་པ་རྗེས་སུ་དྲན་པའི་དད་པ་དང་། བསྐྲུན་པ་རྗེས་སུ་དྲན་པའི་དད་
D144.057.0025b06.01པ་དང་། སྒྲུབ་པ་རྗེས་སུ་དྲན་པའི་དད་པའོ། །དེ་ལ་བརྗོད་པ་རྗེས་སུ་དྲན་པའི་དད་པ་ནི་གང་ཐེག་པ་ཆེན་པོའི་སྒོ་ཐམས་ཅད་ལ་མོས་པའི་བྱང་ཆུབ་སེམས་དཔའ་རྣམས་མོས་པའི་རྗེས་སུ་དྲན་པས་ཐེག་པ་ཆེན་པོ་ལ་དད་པའོ། །དེ་ལ་གཅོད་ནུས་པ་རྗེས་སུ་དྲན་པའི་དད་པ་ནི་གང་བྱང་ཆུབ་སེམས་དཔའ་
D144.057.0025b07.01