完整藏文原文 · 德格版页 当前仅加载第 57 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་འདི་ལྟར་མང་དུ་བྱེད་པ་ནི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཆུང་ངུ་ལ་བརྟེན་ནས་འབྲིང་ཐོབ་པར་འགྱུར། ཐེག་པ་ཆེན་པོའི་ཕྱིར་ཐེག་
D144.057.0020b01.01པ་ཆེན་པོ་ལ་དད་པ་འབྲིང་བ་ལ་བརྟེན་ནས་ཆེན་པོ་ཐོབ་པར་འགྱུར་ཏེ། དད་པ་དེས་དད་པའི་ཤས་ཆེན་པོ་ཐོབ་ནས་དད་པ་མང་དུ་གནས་པ་འདི་ནི་རིགས་ཀྱི་བུ་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་འདྲིས་པ་ལས་སྐྱེ་བའོ། །གསོལ་པ། བཅོམ་
D144.057.0020b02.01ལྡན་འདས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་མི་སྐྱོ་བ་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་ལྟར་དད་པ་ཤས་ཆེན་པོ་རྙེད་ནས་ཡོངས་སུ་སྐྱོ་བར་མི་འགྱུར་
D144.057.0020b03.01ཏེ། རྒྱུན་མི་འཆད་པར་དགེ་བའི་ཕྱོགས་ལ་སྦྱོར་བའི་བར་དུ་ཡོངས་སུ་མི་སྐྱོ། འཁོར་བའི་སྡུག་བསྔལ་གྱིས་ཡོངས་སུ་མི་སྐྱོ། སེམས་ཅན་ལོག་པར་ཞུགས་པ་ཐམས་ཅད་ཀྱིས་ཡོངས་སུ་མི་སྐྱོ། བྱང་ཆུབ་སེམས་དཔའི་དཀའ་བ་སྤྱོད་པས་ཡོངས་སུ་མི་སྐྱོའོ། །
D144.057.0020b04.01དེ་དེ་ལྟར་ཡོངས་སུ་མི་སྐྱོ་བས་སངས་རྒྱས་དང་བྱང་ཆུབ་སེམས་དཔའ་དང་དགེ་བའི་བཤེས་གཉེན་རྣམས་མཉེས་པར་བྱེད་དེ། ཐེག་པ་ཆེན་པོ་ལ་དད་པའི་རྐྱེན་ཀྱང་རྙེད་དོ། །དེའི་ཕྱིར་ཐེག་པ་ཆེན་པོ་ལ་དད་པ་སྐྱེད་ཅིང་སྦྱོར་བ་རྒྱུན་མི་གཅོད་དེ་སྦྱོར་བ་མ་བཏང་བ་ཡིན་ནོ། །
D144.057.0020b05.01དེས་ན་དེ་རྒྱུན་མི་ཆད་པར་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་དེ་འཇུག་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་མི་སྐྱོ་བ་ལས་སྐྱེ་བའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའི་
D144.057.0020b06.01ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་བསྐང་བ་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལྟར་ཡོངས་སུ་མི་སྐྱོ་བར་སྦྱོར་བའི་བྱང་ཆུབ་སེམས་དཔའ་རྒྱུན་དུ་ཐེག་པ་ཆེན་པོ་ལ་དད་པ་ཐོབ་པས་མྱུར་དུ་བསོད་ནམས་
D144.057.0020b07.01