完整藏文原文 · 德格版页 当前仅加载第 57 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚུལ་ཅན་མ་ཡིན་པས། བཤེས་གཉེན་ངན་པ་ཉན་ཐོས་དང་རང་སངས་རྒྱས་དང་འདྲེ་བས་ཀྱང་འཕྲོག་པར་མི་འགྱུར་ན། གཞན་མུ་སྟེགས་ཅན་གྱི་ལྟ་འཕྲོགས་པར་ག་ལ་འགྱུར། ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྐྱེན་ཆུང་ངུ་ཞིག་རྙེད་པས་ཀྱང་མྱུར་
D144.057.0015b01.01བ་དང་། ཤས་ཆེ་བ་དང་། རྒྱུན་གྱིས་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེད་དོ། །དེའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་བག་ཆགས་རྗེས་སུ་འབྲེལ་བ་དེ་ཡང་ཚེ་རབས་ཚེ་རབས་སུ་རྣམ་པར་འཕེལ་ཏེ། བླ་ན་མེད་པ་ཡང་དག་པར་རྫོགས་པའི་
D144.057.0015b02.01བྱང་ཆུབ་ཀྱི་བར་དུ་འགྱུར་རོ། །རིགས་ཀྱི་བུ་འདི་ནི་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྗེས་སུ་འབྲེལ་བའི་མཚན་ཉིད་དོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་
D144.057.0015b03.01དད་པའི་རྒྱུན་གྱི་མཚན་ཉིད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཐོབ་པ་ནི་དད་པའི་ཤུགས་དེ་དག་གིས་རྩེ་ཞིང་དུས་དུས་སུ་ཐེག་པ་ཆེན་པོའི་ཆོས་ཀློག་གོ། །
D144.057.0015b04.01ཉན་ཏོ། །འདོན་ཏོ། །ཁ་ཏོན་བྱེད་དོ། །གཞན་དག་ལ་ཡང་རབ་ཏུ་སྟོན་ཏོ། །ཚུལ་བཞིན་སེམས་སོ། །བསྒོམ་པའི་རྣམ་པས་སྦྱོར་རོ། །རིགས་ཀྱི་བུ་ཐོས་པ་དང་། སེམས་པ་དང་། བསྒོམ་པ་དེ་དང་དེ་ལ་དེ་ལྟར་སྦྱོར་བའི་བྱང་ཆུབ་སེམས་དཔའ་ནི་འབྲས་བུ་ཡོད་
D144.057.0015b05.01པར་འཆི་བའི་དུས་བྱ་བའི་ཕྱིར་ཀུན་ཏུ་སྦྱོར་བའི་ཚུལ་གྱིས་ཐེག་པ་ཆེན་པོ་ལ་དད་པའི་རྒྱུན་རབ་ཏུ་འཇུག་གོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྒྱུན་གྱི་མཚན་ཉིད་དོ། །གསོལ་པ། བཅོམ་ལྡན་འདས་བྱང་ཆུབ་
D144.057.0015b06.01སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་གྲུབ་པའི་མཚན་ཉིད་གང་ལགས། བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་གྲུབ་པའི་རྣམ་པ་བཞིར་རིག་པར་བྱ་སྟེ།
D144.057.0015b07.01