完整藏文原文 · 德格版页 当前仅加载第 57 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
ངེ་འཛིན་མངོན་པར་བསྒྲུབ་པ་དང་འཐུན་པའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་འཇིག་རྟེན་ལས་འདས་པ་དེའི་བླ་མའི་ཡེ་ཤེས་བླ་ན་མེད་པ་ལ་གནས་ནས་སངས་
D144.057.0029a01.01རྒྱས་ཀྱི་ཆོས་བསྒྲུབ་པ་དང་འཐུན་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་གྱི་ཚོགས་མཐའ་ཡས་པ་ཐེག་པ་གསུམ་གྱིས་ངེས་པར་འབྱུང་བའི་ཡང་དག་པར་བསྟན་པ་དང་
D144.057.0029a02.01འཐུན་པའི་ཕྱིར་ཚོགས་ཡོངས་སུ་སྡུད་པ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་བསོད་ནམས་ཚད་མེད་པ་སྐྱེད་ཅིང་། སངས་རྒྱས་ཀྱི་ཞིང་རྨད་དུ་བྱུང་བའི་བསོད་ནམས་ཡོངས་སུ་གཟུང་བ་དང་འཐུན་པའི་ཕྱིར་དེ་བཞིན་གཤེགས་པ་ལ་
D144.057.0029a03.01མཆོད་པ་དང་རིམ་གྲོ་བྱ་བ་ཆེན་པོ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སངས་རྒྱས་དང་། བྱང་ཆུབ་སེམས་དཔའ་དང་། དགེ་བའི་བཤེས་གཉེན་ཡོངས་སུ་གཟུང་བ་དང་འཐུན་པའི་ཕྱིར་ཤིན་ཏུ་ཡོངས་སུ་གཟུང་བ་དང་འཐུན་པའོ། །
D144.057.0029a04.01རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་དཔག་ཏུ་མེད་པ་ལ་ལྡན་པ་དང་འབྲལ་བ་དང་། ཀུན་ནས་ཉོན་མོངས་པ་མེད་པའི་བསམ་པ་བསྒྲུབ་པ་དང་འཐུན་པའི་ཕྱིར་སྙིང་བརྩེ་བས་ནོན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་
D144.057.0029a05.01པོ་ལ་དད་པ་ནི་བྱང་ཆུབ་སེམས་དཔའི་འཁྲུལ་པའི་ཉེས་བྱས་ཀུན་ཏུ་སྤྱོད་པ་ཐམས་ཅད་ལ་འཛེམ་པ་ཉེ་བར་གནས་པ་དང་འཐུན་པའི་ཕྱིར་ཤིན་ཏུ་སྦེད་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ལོག་པར་ཞུགས་པ་དང་། འཁོར་བའི་སྡུག་
D144.057.0029a06.01བསྔལ་བ་དང་། དཀའ་བ་སྤྱོད་པ་ཐམས་ཅད་ལ་སྒྱིད་ལུག་པ་མེད་པ་དང་འཐུན་པའི་ཕྱིར་བརྟན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་ཉིན་མཚན་དུ་དགེ་བའི་ཕྱོགས་ཆེན་པོ་ལ་མངོན་པར་བརྩོན་པར་བྱས་པས་ཡོངས་སུ་མི་སྐྱོ་བ་དང་འཐུན་པའི་ཕྱིར་
D144.057.0029a07.01