完整藏文原文 · 德格版页 当前仅加载第 57 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ལས་བྱུང་བའི་ལུས་ཀྱི་འགྱུར་བའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ལས་བྱུང་བའི་སེམས་ཀྱི་འགྱུར་བ་གང་ལགས། བཅོམ་ལྡན་འདས་ཀྱིས་
D144.057.0010b01.01བཀའ་སྩལ་པ། རིགས་ཀྱི་བུ་ལུས་ལས་བྱུང་བའི་ཡིད་བདེ་བ་རྒྱ་ཆེ་བ་ཁ་ན་མ་ཐོ་བ་མེད་པ་ནི་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ལས་བྱུང་བའི་སེམས་ཀྱི་འགྱུར་བའོ། །རིགས་ཀྱི་བུ་དེ་ལྟར་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་
D144.057.0010b02.01ཐེག་པ་ཆེན་པོ་ལ་དད་པ་འགྱུར་བའི་རྣམ་པས་འཇུག་གོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་མངོན་པར་དགའ་བའི་རྣམ་པས་འཇུག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་
D144.057.0010b03.01སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཐོབ་པ་འདི་སྙམ་དུ་སེམས་ཏེ། སྔོན་སེམས་ཅན་ཚད་མེད་པ་མིར་གྱུར་པ་རྣམས་ཀྱིས་བརྩོན་འགྲུས་ཀྱི་སྟོབས་དང་། ཤེས་པའི་སྟོབས་ཀྱིས་ཟབ་ཅིང་རྒྱ་ཆེ་བའི་ཆོས་འདི་རབ་ཏུ་རྙེད་དོ། །དེ་བཞིན་དུ་མ་
D144.057.0010b04.01འོངས་པའི་དུས་ན་ཡང་རྙེད་པར་འགྱུར་རོ། །དེ་བཞིན་དུ་ད་ལྟར་བྱུང་བའི་དུས་ན་ཡང་སེམས་ཅན་ཚད་མེད་པ་མིར་གྱུར་ནས་བརྩོན་འགྲུས་ཀྱི་སྟོབས་དང་། ཤེས་པའི་སྟོབས་ཀྱིས་ཟབ་ཅིང་རྒྱ་ཆེ་བའི་ཆོས་འདི་རབ་ཏུ་རྙེད་ན། བདག་མིར་གྱུར་ལ་རྐྱེན་རྙེད་བཞིན་དུ་ཟབ་ཅིང་རྒྱ་
D144.057.0010b05.01ཆེ་བའི་ཆོས་འདི་ཐོབ་པར་བྱ་བ་ལ་བརྩོན་འགྲུས་ཉམས་པར་ཅིའི་ཕྱིར་བྱ་ཞེས་དེ་ལྟར་ཤེས་ནས། བྱང་ཆུབ་སེམས་དཔའ་སངས་རྒྱས་ཀྱི་ཞིང་དེ་དང་དེ་དག་ན་རྟག་པར་རྒྱུན་ཏུ་ཟབ་ཅིང་རྒྱ་ཆེ་བ་དག་ལ་དད་པ་དེས་མངོན་པར་དགའ་བ་སྐྱེས་ཤིང་མོས་པ་སྐྱེས་པས་གནས་སོ། །རིགས་
D144.057.0010b06.01ཀྱི་བུ་དེ་ལྟར་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་མངོན་པར་དགའ་བའི་རྣམ་པས་འཇུག་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་རྣམ་པའི་མཚན་ཉིད་དོ། །གསོལ་པ། བཅོམ་
D144.057.0010b07.01