完整藏文原文 · 德格版页 当前仅加载第 57 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བ་མཆོག་དང་། ཚད་མེད་མཆོག་དང་། ཕན་པ་མཆོག་དང་། འགྱོད་པ་མེད་པ་མཆོག་གོ། །རིགས་ཀྱི་བུ་འདི་ལྟར་འདི་ལས་ཕྱི་རོལ་པ་འཇིག་རྟེན་པ་རྣམས་ཀྱི་རང་གི་གཙུག་ལག་ལ་དད་པ་གང་ཡིན་པ་དེ་ཡང་དད་པ་ཉིད་དུ་རིག་པར་བྱའོ། །
D144.057.0016a01.01ཉན་ཐོས་དང་རང་སངས་རྒྱས་རྣམས་སངས་རྒྱས་ཀྱི་བསྟན་པ་ལ་དད་པ་གང་ཡིན་པ་དེ་ནི་བདག་ལ་ཕན་པ་གཙོ་བོར་བྱས་པས་ཆུང་ཞིང་ཡོངས་སུ་མ་རྫོགས་པའི་ཕྱིར་བྱང་ཆུབ་སེམས་དཔའི་དད་པའི་མཚན་ཉིད་དང་བྲལ་བའོ། །འདི་ལྟར་ཉན་ཐོས་རྣམས་ནི་ཇི་ལྟར་བཅོམ་ལྡན་
D144.057.0016a02.01འདས་དེ་ནི་བདག་ལ་ཕན་པ་མཛད་ཅིང་གཅེས་སྤྲས་མཛད་པ་སྟེ། བཅོམ་ལྡན་འདས་དེ་ནི་བདག་གི་སྡུག་བསྔལ་གྱི་ཆོས་མང་པོ་རྣམས་སེལ་བ། བཅོམ་ལྡན་འདས་དེ་ནི་བདག་ལ་བདེ་བའི་ཆོས་མང་པོ་སྒྲུབ་པ། བཅོམ་ལྡན་འདས་དེ་ནི་བདག་གི་སྡིག་པ་མི་དགེ་བའི་
D144.057.0016a03.01ཆོས་རྣམ་པ་དུ་མ་སེལ་བ། བཅོམ་ལྡན་འདས་དེ་ནི་བདག་ལ་དགེ་བའི་ཆོས་རྣམ་པ་དུ་མ་སྒྲུབ་པའོ་ཞེས་བདག་ལ་ཕན་པ་མང་པོ་གཙོ་བོར་བྱེད་པས་སངས་རྒྱས་ལ་དད་པ་སྐྱེད་པ་དེ་ལྟར་བདག་ལ་ཕན་པ་གཙོ་བོར་བྱེད་པས་སངས་རྒྱས་ལ་དད་པ་སྐྱེད་དོ། །བྱང་ཆུབ་སེམས་དཔའ་ནི་
D144.057.0016a04.01དེ་ལྟར་དད་པ་སྐྱེད་པ་མ་ཡིན་ཏེ། སེམས་ཅན་ཐམས་ཅད་ལ་ཕན་པ་དང་བདེ་བ་གཙོ་བོར་བྱས་ནས་བྱང་ཆུབ་སེམས་དཔའ་སངས་རྒྱས་ལ་དད་པ་སྐྱེད་དོ། །དེ་ལྟ་བས་ན་རིགས་ཉིད་ཀྱིས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ནི་རྒྱ་ཆེ་བའོ། །རྒྱ་ཆེ་
D144.057.0016a05.01བའི་ཕྱིར་མཆོག་གོ། །མཆོག་གི་ཕྱིར་ཡོངས་སུ་གྲུབ་པའོ། །གཞན་ཡང་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཆུང་ངུས་ནི་དད་པ་འབྲིང་སྐྱེད་དོ། །དད་པ་འབྲིང་གིས་ནི་དད་པ་མཆོག་སྐྱེད་དེ། དད་པ་མཆོག་གང་ཡིན་པ་དེ་ཡང་བྱང་
D144.057.0016a06.01ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་གྲུབ་པའོ། །གཞན་ཡང་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ཐམས་ཅད་ལ་ཕན་པར་གྱུར་པ་ཡིན་ཏེ། དེ་ལྟ་བས་ན་ཡང་ཡོངས་སུ་གྲུབ་པའོ། །གཞན་ཡང་
D144.057.0016a07.01