完整藏文原文 · 德格版页 当前仅加载第 57 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་གང་ལ་ལ་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེ་བ་དེ་ཐམས་ཅད་ནི་མི་གཡེང་བའི་སེམས་ཀྱིས་ཆོས་ཀྱི་དོན་ལ་རྟོག་པ་ལས་སྐྱེ་བར་རྣམ་གྲངས་འདིས་དེ་ལྟར་རིག་པར་བྱའོ། །གསོལ་པ། བཅོམ་ལྡན་འདས་ཚོགས་
D144.057.0022a01.01བསགས་པའི་ས་པའི་རྣལ་འབྱོར་གྱི་ལམ་དང་། ཚོགས་མ་བསགས་པའི་ས་པའི་རྣལ་འབྱོར་གྱི་ལམ་ཁྱད་པར་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཚོགས་མ་བསགས་པའི་ས་པའི་རྣལ་འབྱོར་གྱི་ལམ་ནི་ས་དང་མི་ཉེ་བ་སྟེ། ཇི་ལྟར་
D144.057.0022a02.01ཚོགས་བསགས་པའི་ས་པ་ལྟར་དེ་དེ་ལྟར་རྫོགས་པ་མ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཚོགས་བསགས་པའི་ས་པའི་རྣལ་འབྱོར་གྱི་ལམ་གང་ཡིན་པ་ནི་ས་ལ་འཇུག་པ་དང་ཉེ་ཞིང་རྫོགས་པ་ཡིན་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཐེག་པ་ཆེན་
D144.057.0022a03.01པོའི་ཕྱིར་ཐེག་པ་ཆེན་པོ་ལ་དད་པ་ཆོག་མི་ཤེས་པ་ལས་སྐྱེ་བའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་རབ་ཏུ་དབེན་པ་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ།
D144.057.0022a04.01རིགས་ཀྱི་བུ་རྫོགས་པའི་རྣལ་འབྱོར་གྱི་ལམ་ཐོབ་པའི་བྱང་ཆུབ་སེམས་དཔའ་ནི་ཁྱིམ་ན་གནས་པ་དང་རབ་ཏུ་བྱུང་བ་རྣམས་དང་འདྲེ་ཞིང་མི་གནས་ཀྱི། བས་མཐར་གནས་འཆའ་ཞིང་གནས་ཏེ། དེ་དག་ན་གཅིག་པུ་རྒྱང་བསྲིངས་ཏེ་བག་ཡོད་པ་དང་། རྟུན་པ་དང་།
D144.057.0022a05.01རྒྱུན་དུ་གནས་སོ། །དེ་ལྟར་རབ་ཏུ་དབེན་པར་གནས་པ་དེ་རྣལ་འབྱོར་གྱི་ལམ་དེ་ཉིད་ལ་གནས་ནས་ཐེག་པ་ཆེན་པོའི་ཆོས་རྣམས་ཡིད་ལ་བྱེད་པས་བར་ཆད་མེད་པར་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་རབ་ཏུ་སྐྱེད་དོ། །ཇི་ཙམ་དུ་ཉིན་མོ་དང་། མཚན་མོ་དེ་དང་། དེ་དག་
D144.057.0022a06.01འདས་པ་དང་། སྐད་ཅིག་ཐང་ཅིག་ཡུད་ཙམ་དེ་དང་དེ་དག་འདས་ཤིང་བྱང་ཆུབ་ཀྱི་ཕྱོགས་ཀྱི་ཆོས་ཁྱད་པར་དུ་འགྲོའོ། །དེ་དེ་ལྟར་རབ་ཏུ་དབེན་པའི་རྣལ་འབྱོར་གྱི་ལམ་ལ་གནས་ནས་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་
D144.057.0022a07.01