完整藏文原文 · 德格版页 当前仅加载第 57 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པའི་ཕྱིར་གཏེར་ཆེན་པོ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་དེ་ལས་གཞན་དུ་དད་པ་ཐམས་ཅད་ཟིལ་གྱིས་གནོན་པའི་དབང་རྙེད་པའི་ཕྱིར་རྒྱལ་པོ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་
D144.057.0030a01.01ལ་དད་པ་ནི་ཡུན་རིང་པོ་ནས་རྗེས་སུ་འབྲང་བའི་ངན་སོང་དང་གནོད་སེམས་དང་། སྡིག་པ་མི་དགེ་བའི་ལས་དང་། ཉོན་མོངས་པའི་དུག་གི་གཉེན་པོར་གྱུར་པའི་ཕྱིར་སྨན་ནད་མེད་བྱེད་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་དགེ་བའི་རྩ་
D144.057.0030a02.01བ་གཅོད་པ་ལ་དད་པའི་མཚོན་ཆའི་གཉེན་པོར་གྱུར་པའི་ཕྱིར་རྡོ་རྗེ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་དང་། གདུང་བར་བྱེད་པ་དང་། མྱ་ངན་
D144.057.0030a03.01གྱི་མེའི་གཉེན་པོར་གྱུར་པའི་ཕྱིར་ཆུ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་མི་འདོད་པ་ཐམས་ཅད་དང་ཕྲད་པར་བྱེད་པའི་ཉོན་མོངས་པའི་དགྲའི་གཉེན་པོར་གྱུར་པའི་ཕྱིར་ལག་ཆ་བཟང་པོ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་
D144.057.0030a04.01ཐེག་པ་ཆེན་པོ་ལ་དད་པ་ནི་རྟག་པར་རྒྱུན་དུ་དཀར་པོའི་ཕྱོགས་ཀྱི་ཆོས་རྣམ་པར་འཕེལ་བའི་ཕྱིར་ཟླ་བ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ཚད་མེད་པ་ལ་ཡེ་ཤེས་ཚད་མེད་པས་སྣང་བར་བྱ་བ་དང་འཐུན་པའི་ཕྱིར་ཉི་མ་ལྟ་བུར་བལྟའོ། །བྱང་ཆུབ་སེམས་
D144.057.0030a05.01དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་དམ་པའི་ཆོས་ཀྱི་ཆར་ཚད་མེད་པ་འབེབས་པ་དང་འཐུན་པའི་ཕྱིར་སྤྲིན་ཆེན་པོ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་གཞན་མུ་སྟེགས་ཅན་དང་། ཕས་ཀྱི་རྒོལ་བ་ཐམས་ཅད་གཞོམ་པ་དང་འཐུན་
D144.057.0030a06.01པའི་ཕྱིར་ལྕེ་འབབ་པ་ལྟ་བུར་བལྟའོ། །བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ཐམས་ཅད་ཀྱི་སྒྲིབ་པ་ཐམས་ཅད་འཇོམས་པར་བྱེད་པ་དང་འཐུན་པའི་ཕྱིར་ལོ་ལེགས་པ་ལྟ་བུར་བལྟའོ། །རིགས་ཀྱི་བུ་ངས་མངོན་པར་ཤེས་ཏེ། འདས་པའི་དུས་ན་
D144.057.0030a07.01