完整藏文原文 · 德格版页 当前仅加载第 57 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཆོས་ཐམས་ཅད་སྒྲུབ་པ་དང་འཐུན་པའི་ཕྱིར་རིང་དུ་འགྲོ་བའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་བདུད་ཀྱི་ལས་དང་མུ་སྟེགས་ཅན་ཐམས་ཅད་ཀྱིས་ཐེག་པ་ཆེན་པོ་ལ་མོས་པ་མི་སྒུལ་བའི་ཕྱིར་མི་གཡོ་བའོ། །རིགས་ཀྱི་བུ་བྱང་ཆུབ་
D144.057.0028b01.01སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་མང་དུ་ཐོས་པ་ལ་བརྟེན་ནས་སེམས་ཅན་ཐམས་ཅད་ཀྱི་ཐེ་ཚོམ་གཅོད་པ་དང་། འཐུན་པའི་ཕྱིར་ནུས་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་བྱང་ཆུབ་སེམས་དཔའི་ཡང་དག་པའི་ནན་ཏན་ཕུན་
D144.057.0028b02.01སུམ་ཚོགས་པ་ཐམས་ཅད་དང་འཐུན་པའི་ཕྱིར་སྒྲུབ་པར་བྱེད་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་བདག་དང་གཞན་དག་རྣལ་འབྱོར་ཆེན་པོ་འཐོབ་པ་དང་ལུས་དང་ངག་དང་ཡིད་ཀྱི་ལས་འདུལ་བ་དང་འཐུན་པའི་ཕྱིར་རྗེས་སུ་འཛིན་པའོ། །རིགས་
D144.057.0028b03.01ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ཐམས་ཅད་ཀྱི་བསམ་པ་ཡོངས་སུ་སྐོང་བ་དང་འཐུན་པའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་
D144.057.0028b04.01སེམས་ཅན་ཐམས་ཅད་ཕན་ཚུན་ལུས་དང་ངག་གི་གནོད་པ་མེད་པ་ཡང་དག་པར་འཛིན་དུ་གཞུག་པ་དང་འཐུན་པའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ལོག་
D144.057.0028b05.01པར་ཞུགས་པ་དང་། འཁོར་བའི་སྡུག་བསྔལ་དང་དཀའ་བ་སྤྱོད་པ་ཐམས་ཅད་དང་དུ་བླང་བ་དང་འཐུན་པའི་ཕྱིར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་བསྐལ་པ་མཐའ་ཡས་
D144.057.0028b06.01པར་ཆོས་དཀར་པོ་རྣམ་པར་སྤེལ་བར་རྩོལ་བ་ལ་ཡོངས་སུ་མི་སྐྱོ་བ་དང་འཐུན་པའི་ཕྱིར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་བསྐང་བ་དང་འཐུན་པའོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་ལ་དད་པ་ནི་སེམས་ཅན་ཐམས་ཅད་ཀྱི་དོན་སྒྲུབ་པའི་ཏིང་
D144.057.0028b07.01