完整藏文原文 · 德格版页 当前仅加载第 57 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ནི་སངས་རྒྱས་ཀྱི་ཆོས་ཚད་མེད་པ་ཟད་མི་ཤེས་པ་ཡང་དག་པར་འགྲུབ་པར་འགྱུར་ཏེ། དེ་ལྟ་བས་ན་ཡང་ཡོངས་སུ་གྲུབ་པར་རིག་པར་བྱའོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་
D144.057.0016b01.01ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་ཡོངས་སུ་གྲུབ་པའི་མཚན་ཉིད་དོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པའི་མཚན་ཉིད་རྣམ་པ་བཅུ་གཅིག་པོ་ཐམས་ཅད་བསྡུས་པའི་མཚན་ཉིད་དུ་རིག་པར་བྱའོ། །
D144.057.0016b02.01མཚན་ཉིད་རབ་ཏུ་དབྱེ་བའི་ལེའུ་ཞེས་བྱ་སྟེ་དང་པོའོ།། །།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་དད་པ་ཐབས་ཆེན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་
D144.057.0016b03.01ཆེན་པོ་ལ་དད་པ་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེ་བ་དེ་ཡང་རྣམ་པ་བཅུ་གཅིག་ཏུ་རིག་པར་བྱའོ། །འདི་ལྟ་སྟེ། རྒྱུ་ལས་སྐྱེ་བ་དང་། གྲོགས་
D144.057.0016b04.01ལས་སྐྱེ་བ་དང་། ཡིད་ལ་བྱེད་པ་ལས་སྐྱེ་བ་དང་། སྤྱོད་པ་ལས་སྐྱེ་བ་དང་། འདྲིས་པ་ལས་སྐྱེ་བ་དང་། ཡོངས་སུ་མི་སྐྱོ་བ་ལས་སྐྱེ་བ་དང་། ཡོངས་སུ་བསྐང་བ་ལས་སྐྱེ་བ་དང་། ཏིང་ངེ་འཛིན་ལས་སྐྱེ་བ་དང་། ཆོག་མི་ཤེས་པ་ལས་སྐྱེ་བ་དང་། རབ་ཏུ་དབེན་པ་ལས་
D144.057.0016b05.01སྐྱེ་བ་དང་། སྟོན་པ་ཚད་མར་བྱས་པ་ལས་སྐྱེ་བའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་རྒྱུ་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་
D144.057.0016b06.01དཔའ་ཐོག་མའི་གནས་ཉིད་ནས་ཐེག་པ་ཆེན་པོའི་ཆོས་དཀར་པོའི་ས་བོན་དང་ལྡན་པ་ཡིན་ཏེ། དེ་ཐོག་མ་ནས་ཆོས་དཀར་པོ་ལ་འདྲིས་པའི་སྟོབས་ཀྱིས་རང་བཞིན་ཉིད་ཀྱིས་སྙིང་རྗེ་དང་རབ་ཏུ་ལྡན་པའི་ཐེག་པ་ཆེན་པོའི་ཆོས་བསྟན་པ་ལ་འདོད་པ་ཡང་དག་པར་གནས་སོ། །
D144.057.0016b07.01