完整藏文原文 · 德格版页 当前仅加载第 59 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དུ་དོང་ཡང་བསྟན་པ་འདི་ལས་མི་ཐར་ཏོ། །རིགས་ཀྱི་བུ་འདི་ལྟ་སྟེ་དཔེར་ན། སྐྱེས་བུ་བྱིས་པའི་རང་བཞིན་ཅན་ནམ་མཁས་འཇིགས་ཤིང་སྐྲག་སྟེ་བྲོས་ཀྱང་དེ་ག་ལས་གར་སོང་བ་དེ་དང་དེ་དག་ཏུ་ནམ་མཁའ་
D160.059.0034a01.01མཐོང་ངོ་། །དེ་བཞིན་དུ་དགེ་སློང་འདི་དག་ཇི་སྲིད་དུ་རིང་དུ་སོང་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་མཚན་ཉིད་ལས་མ་འདས་སོ། །འདི་ལྟ་སྟེ་དཔེར་ན། སྐྱེས་བུ་གཞན་ཞིག་ནམ་མཁའ་རྙེད་པར་བྱའོ། །ཞེས་ནམ་མཁའ་ཚོལ་ཏེ། ཕྱོགས་དང་
D160.059.0034a02.01ཕྱོགས་མཚམས་སུ་རྒྱུག་ཅིང་ཇི་ཙམ་ནས་ནམ་མཁའི་མིང་ནས་བརྗོད་ཀྱང་ནམ་མཁའ་མི་རྙེད་དོ། །དེ་ནམ་མཁའ་དེ་ཉིད་ཀྱི་ནང་ནས་འགྲོ་ཡང་དེ་མི་མཐོང་ངོ་། །དེ་ཅིའི་ཕྱིར་ཞེ་ན། གང་ནམ་མཁའ་ཞེས་བྱ་བ་འདི་ནི་མིང་ཙམ་མོ། །རིགས་ཀྱི་བུ་དེ་བཞིན་དུ་དགེ་སློང་འདི་དག་ཀྱང་
D160.059.0034a03.01མྱ་ངན་ལས་འདས་པ་དངོས་པོར་ཚོལ་ཏེ། མྱ་ངན་ལས་འདས་པ་དེ་ཉིད་ལ་རྣམ་པར་སྤྱོད་ཀྱང་དེ་མི་མཐོང་ཁོང་དུ་མི་ཆུད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་གང་མྱ་ངན་ལས་འདས་པ་ཞེས་བྱ་བ་དེ་ནི་མིང་ཙམ་མོ། །ཇི་ལྟར་ནམ་མཁའ་ནམ་མཁའ་ཞེས་བརྗོད་ཀྱང་གཟུང་དུ་མེད་པ་
D160.059.0034a04.01དེ་བཞིན་དུ་མྱ་ངན་ལས་འདས་པ་མྱ་ངན་ལས་འདས་པ་ཞེས་བརྗོད་པ་ཡང་གཟུང་དུ་མེད་པའོ། །དེ་ནས་དགེ་སློང་ལྔ་བརྒྱ་པོ་དེ་དག་བཤད་པ་འདི་ཐོས་ནས་ཟག་པ་ལས་ལེན་པ་མེད་པར་སེམས་རྣམ་པར་གྲོལ་ཏེ། མངོན་པར་ཤེས་པ་ཐོབ་པ་དེ་དག་གིས་ཚིག་སྨྲས་པ། བཅོམ་ལྡན་
D160.059.0034a05.01འདས་གང་རྣམས་ཆོས་ཐམས་ཅད་ཤིན་ཏུ་ཡོངས་སུ་མྱ་ངན་ལས་འདས་པ་ལ་མྱ་ངན་ལས་འདས་པ་དངོས་པོར་ཚོལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ། །བཅོམ་ལྡན་འདས་བདག་ཅག་ནི་སོ་སོ་སྐྱེ་བོ་ཡང་མ་ལགས། སློབ་པ་ཡང་མ་ལགས། དགྲ་བཅོམ་པ་ཡང་མ་
D160.059.0034a06.01ལགས། འཁོར་བའི་ཆོས་ཅན་ཡང་མ་ལགས། མྱ་ངན་ལས་འདས་པའི་ཆོས་ཅན་ཡང་མ་ལགས་སོ། །དེ་ཅིའི་ཕྱིར་ཞེ་ན། བཅོམ་ལྡན་འདས་སངས་རྒྱས་འབྱུང་བ་ནི་བྱེད་པ་དང་། སེམས་དང་གཡོ་བ་དང་། སྤྲོས་པ་ཐམས་ཅད་མ་མཆིས་པའོ། །དེ་ནས་ཚེ་དང་ལྡན་པ་
D160.059.0034a07.01