完整藏文原文 · 德格版页 当前仅加载第 59 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ན་ཚངས་པ་སྤྱོད་པ་སྤྱད་ནས་ཕྱིས་ལུང་བསྟན་ཀྱང་ཡོངས་སུ་མི་སྐྱོ་བ་སྟེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་དེད་དཔོན་བཟང་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ལམ་ངན་པར་ཞུགས་
D160.059.0067a01.01པའི་སེམས་ཅན་ལམ་ངན་པར་ཞུགས་པ་རྣམས་ལ་ལམ་བཟང་པོ་ལ་དགོད་པའི་སླད་དུ་སྙིང་རྗེ་ཆེན་པོ་བསྐྱེད་ཅིང་དེ་ལ་ལན་རེ་བ་མ་མཆིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་རི་རབ་ཆེན་པོས་གསོལ་པ། བཅོམ་ལྡན་འདས་བྱང་
D160.059.0067a02.01ཆུབ་སེམས་དཔའ་གང་ཆོས་ཐམས་ཅད་རི་རབ་དང་མཚུངས་ཤིང་རྣམ་པར་མི་རྟོག་པར་རབ་ཏུ་འཚལ་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་མཐུ་བོ་ཆེས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཉོན་མོངས་པ་ཐམས་
D160.059.0067a03.01ཅད་ཀྱིས་མི་ཆོམ་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་སེམས་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སེམས་ཀྱི་ཆོས་ཐམས་ཅད་ལ་སེམས་ཀྱང་དེ་ལ་མ་རྨས་ཤིང་མ་ཉམས་པ་དེ་ནི་དེའི་སླད་དུ་བྱང་ཆུབ་སེམས་
D160.059.0067a04.01དཔའ་ཞེས་བགྱིའོ། །བྱང་ཆུབ་སེམས་དཔའ་སེང་གེའི་འགྲོས་སུ་འགྲོ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཆོས་ཟབ་མོ་ལ་བཟོད་ཅིང་མི་འཇིགས་མི་སྐྲག་སྟེ། ཕ་རོལ་གྱི་མུ་སྟེགས་ཅན་ཐམས་ཅད་སྐྲག་པར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་
D160.059.0067a05.01དཔའ་ཞེས་བགྱིའོ། །བྱང་ཆུབ་སེམས་དཔའ་བསམ་གྱིས་མི་ཁྱབ་པས་གསོལ་པ། བཅོམ་ལྡན་འདས་གང་སེམས་ལས་བསམ་གྱིས་མི་ཁྱབ་པར་འཇུག་ཅིང་མི་སེམས་རྣམ་པར་མི་སེམས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །ལྷའི་བུ་མཚམས་བཟང་གིས་
D160.059.0067a06.01གསོལ་པ། གང་ལྷའི་གནས་ཐམས་ཅད་དུ་ཡང་སྐྱེ་ལ་ཅི་ལའང་ཆགས་པར་མི་བགྱིད། འདོད་ཆགས་དང་བྲལ་བའི་ཆོས་ཉིད་ཀྱང་ཁོང་དུ་ཆུད་པར་མི་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་བདེན་པར་སྨྲ་བས་གསོལ་པ། བཅོམ་
D160.059.0067a07.01