完整藏文原文 · 德格版页 当前仅加载第 59 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་སྡེ་འདི་བཟུང་བ། །དེ་དག་རྫོགས་པའི་བྱང་ཆུབ་སྟེ། །བསྐལ་པ་མཐའ་ཡས་འཁོར་བ་ལས། །བདག་ཉིད་ཆེན་པོ་དེ་དག་སྤོང་། །གང་གིས་ཚུལ་འདི་བཟུང་བ་དག །དེ་དག་དཔའ་བོ་ནུས་པ་སྟེ། །བདུད་ཀྱི་སྡེ་རྣམས་རབ་ཏུ་འཇོམས། །བརྩོན་འགྲུས་ཆེ་ཞིང་ཤེས་རབ་
D160.059.0081a01.01ཆེ། །མདོ་སྡེ་འདི་ལ་གང་དགའ་བ། །ང་ནི་བཟུང་ལ་གནས་པའི་ཚེ། །མར་མེ་མཛད་ཀྱིས་ལུང་བསྟན་ལྟར། །དེ་ཚེ་དེ་དག་ལུང་བསྟན་ཏོ། །མདོ་སྡེ་འདི་ནི་གང་སྨྲ་བ། །དེ་ནི་སངས་རྒྱས་སྐྱོབ་པ་ཡི། །འཇིག་རྟེན་སྒྲོལ་བ་མ་བྱུང་ཚེ། །སངས་རྒྱས་མཛད་པ་བྱེད་པར་འགྱུར། །ཡང་ཚིགས་སུ་
D160.059.0081a02.01བཅད་པ་མངོན་པར་བསྒྲུབ་པ་འདི་བཤད་པ་ན་ལྷའི་བུ་ལྔ་སྟོང་བྱང་ཆུབ་ཏུ་སེམས་སྐྱེས་སོ། །བྱང་ཆུབ་སེམས་དཔའ་ཉིས་སྟོང་མི་སྐྱེ་བའི་ཆོས་ལ་བཟོད་པ་སྐྱེས་སོ། །དགེ་སློང་སྟོང་ལྷག་ཙམ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ། །སྲོག་ཆགས་སུམ་ཁྲི་ཉིས་སྟོང་ཆོས་རྣམས་
D160.059.0081a03.01ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །ཇི་ལྟར་བཅོམ་ལྡན་འདས་ཀྱིས་བཤད་པའི་དོན་བདག་གིས་འཚལ་བ་ལྟར་ན་གང་བྱང་ཆུབ་ཀྱི་ཕྱིར་སྨོན་པ་ནི་ལོག་པར་ལྟ་བ་ལ་སྨོན་པ་ལགས་
D160.059.0081a04.01སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དམིགས་པ་ནི་ལོག་པ་ལགས་ཏེ། དེ་ལྟ་བས་ན་བྱང་ཆུབ་ལ་དམིགས་པར་བགྱིད་ཅིང་། དམིགས་པ་ལ་སྨོན་པ་དེ་དག་གིས་འབད་པ་ནི་ལོག་པ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་ནི་འདོད་པའི་ཁམས་ལ་མི་གནས།
D160.059.0081a05.01གཟུགས་ཀྱི་ཁམས་ལ་མི་གནས། གཟུགས་མ་མཆིས་པའི་ཁམས་ལ་མི་གནས་ཏེ། བཅོམ་ལྡན་འདས་བྱང་ཆུབ་ནི་མི་གནས་པ་ལགས་པས་དེ་ལ་སྨོན་པ་བགྱིད་པ་མ་མཆིས་སོ། །བཅོམ་ལྡན་འདས་འདི་ལྟ་སྟེ་དཔེར་ན། སྐྱེས་བུ་ལ་ལ་ཞིག་བདག་གིས་ནམ་མཁའ་ཐོབ་པར་བགྱིའོ། །
D160.059.0081a06.01ཞེས་ནམ་མཁའ་ལ་སྨོན་ན་དེས་ནམ་མཁའ་ཐོབ་པར་འགྱུར་རམ། བཀའ་སྩལ་པ། འཇམ་དཔལ་དེ་མ་ཡིན་ནོ། །འཇམ་དཔལ་གྱིས་གསོལ་པ། །བཅོམ་ལྡན་འདས་དེ་བཞིན་དུ་གང་བྱང་ཆུབ་ནམ་མཁའ་དང་མཚུངས་པ་ལ་སྨོན་པ་དེ་དག་ནི་ནམ་མཁའ་ལ་སྨོན་པ་ལགས་སོ། །བཅོམ་ལྡན་འདས་
D160.059.0081a07.01