完整藏文原文 · 德格版页 当前仅加载第 59 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
དག་བདེན་པ་བསྟན་པ་རྣམས་ལ་འཇིགས་པ་མ་མཆིས་པར་འགྱུར་རོ། །དེ་དག་དཀར་པོའི་ཕྱོགས་ཡོངས་སུ་རྒྱས་པའི་སླད་དུ་ཟླ་བ་དང་མཚུངས་པར་འགྱུར་རོ། །དེ་དག་ཤེས་རབ་ཀྱི་སྣང་བར་བགྱིད་པས་ཉི་མ་ལྟ་བུར་འགྱུར་རོ། །དེ་དག་མུན་པ་ཆེན་པོ་དང་བྲལ་བའི་སླད་དུ་སྒྲོན་མ་ལྟ་བུར་
D160.059.0041b01.01འགྱུར་རོ། །དེ་དག་མཛའ་བ་དང་ཁོང་ཁྲོ་བ་མ་མཆིས་པའི་སླད་དུ་གཞི་རྟེན་ལྟ་བུར་འགྱུར་རོ། །དེ་དག་སེམས་ཅན་ཐམས་ཅད་ཉེ་བར་འཚོ་བའི་སླད་དུ་ས་དང་མཚུངས་པར་འགྱུར་རོ། །དེ་དག་ཆོས་ཐམས་ཅད་ལ་མི་གནས་པའི་སླད་དུ་རླུང་དང་མཚུངས་པར་འགྱུར་རོ། །དེ་དག་ཉོན་མོངས་
D160.059.0041b02.01པའི་དྲི་མ་ཐམས་ཅད་འཁྲུ་བའི་སླད་དུ་ཆུ་དང་མཚུངས་པར་འགྱུར་རོ། །དེ་དག་རློམ་སེམས་ཐམས་ཅད་ཡང་དག་པར་འཇོམས་པའི་སླད་དུ་མེ་དང་མཚུངས་པར་འགྱུར་རོ། །དེ་དག་བསྐྱོད་མི་ནུས་པའི་སླད་དུ་རི་རབ་དང་མཚུངས་པར་འགྱུར་རོ། །དེ་དག་ལྷག་པའི་བསམ་པ་བརྟན་ཞིང་མི་ཕྱེད་
D160.059.0041b03.01པའི་སླད་དུ་རྡོ་རྗེ་ལྟར་སྲ་བའི་ཁོར་ཡུག་གི་རི་ལྟ་བུར་འགྱུར་རོ། །དེ་དག་ཕས་ཀྱི་རྒོལ་བ་ཐམས་ཅད་ཀྱིས་གདུལ་དཀའ་བར་འགྱུར་རོ། །དེ་དག་ཉན་ཐོས་དང་། རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་བར་འགྱུར་རོ། །དེ་དག་ཆོས་རིན་པོ་ཆེ་ཐམས་ཅད་འདུ་བའི་སླད་དུ་རྒྱ་མཚོ་
D160.059.0041b04.01ལྟ་བུར་འགྱུར་རོ། །དེ་དག་ཉོན་མོངས་པ་ཐམས་ཅད་བས་པའི་སླད་དུ་གཏིང་དང་འདྲ་བར་འགྱུར་རོ། །དེ་དག་ཆོས་ཡོངས་སུ་ཚོལ་བས་ཆོག་མི་ཤེས་པར་འགྱུར་རོ། །དེ་དག་ཤེས་རབ་ཀྱིས་ངོམས་པར་འགྱུར་རོ། །དེ་དག་ཆོས་ཀྱི་འཁོར་ལོ་རབ་ཏུ་བསྐོར་བས་རྒྱལ་པོ་དང་མཚུངས་པར་
D160.059.0041b05.01འགྱུར་རོ། །དེ་དག་གཟུགས་འཛིན་པའི་སླད་དུ་བརྒྱ་བྱིན་དང་མཚུངས་པར་འགྱུར་རོ། །དེ་དག་དབང་སྒྱུར་བའི་སླད་དུ་ཚངས་པ་དང་མཚུངས་པར་འགྱུར་རོ། །དེ་དག་ཆོས་མངོན་པར་སྒྲོག་པའི་སླད་དུ་སྤྲིན་དང་འདྲ་བར་འགྱུར་རོ། །དེ་དག་བདུད་རྩིའི་ཆར་རབ་ཏུ་འབེབས་པའི་སླད་དུ་ཆར་དང་འདྲ་བར་
D160.059.0041b06.01འགྱུར་རོ། །དེ་དག་དབང་པོ་དང་སྟོབས་དང་། བྱང་ཆུབ་ཀྱི་ཡན་ལག་རྣམས་རྣམ་པར་འཕེལ་བར་བགྱིད་པར་འགྱུར་རོ། །དེ་དག་འཁོར་བའི་འདམ་ལས་རྒལ་བར་འགྱུར་རོ། །དེ་དག་སངས་རྒྱས་ཀྱི་ཡེ་ཤེས་ལ་ཞུགས་པར་འགྱུར་རོ། །དེ་དག་སངས་རྒྱས་ཀྱི་བྱང་ཆུབ་ལ་ཉེ་བར་འགྱུར་རོ། །
D160.059.0041b07.01