完整藏文原文 · 德格版页 当前仅加载第 59 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་བསྟན་པ་ཞེས་བྱའོ། །སྐྱེ་བ་དང་འཇིག་པར་སྒྲོ་མི་འདོགས་པ་སྟེ། དེའི་ཕྱིར་ལུང་བསྟན་པ་ཞེས་བྱའོ། །ལུས་དང་ངག་དང་ཡིད་ཀྱི་ལས་རྣམས་ཀྱིས་དབེན་པ་སྟེ། དེའི་ཕྱིར་ལུང་བསྟན་པ་ཞེས་བྱའོ། །ཚངས་པ་ངས་མངོན་པར་ཤེས་པ་འདས་པའི་དུས་ན་
D160.059.0059a01.01བསྐལ་པ་མཛེས་པར་སྣང་བ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་ཁྲག་ཁྲིག་ཕྲག་བདུན་ཅུ་རྩ་གཉིས་བྱུང་སྟེ། དེ་བཞིན་གཤེགས་པ་དེ་དག་ཐམས་ཅད་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པ་དེ་དག་
D160.059.0059a02.01གིས་ང་ལུང་མ་བསྟན་ཏོ། །དེའི་ཕ་རོལ་ཏུ་བསྐལ་པ་ཤིན་ཏུ་སྤྲུལ་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་བྱེ་བ་ཕྲག་བདུན་ཅུ་རྩ་གཉིས་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པ་དེ་དག་གིས་ང་ལུང་མ་
D160.059.0059a03.01བསྟན་ཏོ། །ཚངས་པ་དེའི་ཡང་ཕ་རོལ་ན་ཚངས་པས་བསྟོད་པ་ཞེས་བྱ་བའི་བསྐལ་པ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་{བཅྭ་,བཅོ་}བརྒྱད་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པ་དེ་དག་གིས་ང་ལུང་མ་
D160.059.0059a04.01བསྟན་ཏོ། །ཚངས་པ་དེའི་ཡང་ཕ་རོལ་ན་བསྐལ་པ་ལེགས་པར་དྲངས་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་སུམ་ཅུ་རྩ་གཉིས་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པ་དེ་དག་གིས་ང་ལུང་
D160.059.0059a05.01མ་བསྟན་ཏོ། །དེའི་ཡང་ཕ་རོལ་ན་ཚངས་པ་བསྐལ་པ་བཀོད་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་བརྒྱད་ཅུ་རྩ་བཞི་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པ་དེ་དག་གིས་ང་ལུང་མ་བསྟན་
D160.059.0059a06.01ཏོ། །ཚངས་པ་ངས་གང་རྣམས་ལ་རི་མོར་བྱས་པ་དང་། མཆོད་པར་བྱས་པ་དང་། བཀུར་སྟིར་བྱས་པ་དང་། བཙུན་པར་བྱས་པ་དང་། གང་ལས་ངས་ཚངས་པར་སྤྱོད་པ་སྤྱད་པ་དང་། ངས་བདོག་པ་ཐམས་ཅད་ཡོངས་སུ་གཏོང་བར་བྱས་པ་དང་། ཚུལ་ཁྲིམས་དང་སྦྱངས་
D160.059.0059a07.01