完整藏文原文 · 德格版页 当前仅加载第 59 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ན། འོད་སྲུང་སྐྱེས་བུ་དམ་པ་དེ་ལྟ་བུ་དག་གི་ལག་ནས་དམ་པའི་ཆོས་ནུབ་པར་འགྱུར་བ་ཡོད་དམ། དེ་དག་གི་དམ་པའི་ཆོས་ནུབ་པར་ཁྱོད་ཀྱིས་མི་བལྟའོ། །འོད་སྲུང་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ནོར་བུ་རིན་པོ་ཆེ་རིན་པོ་ཆེ་ཐམས་ཅད་འདུས་པ་ཞེས་བྱ་བ་རྡོ་རྗེ་ཚོགས་ཀྱི་ནོར་བུ་རིན་པོ་ཆེ་
D160.059.0091b01.01ཆེན་པོ་ཞིག་ཡོད་དེ། དེ་ཉི་མ་བདུན་ཤར་ནས་ཚངས་པའི་འཇིག་རྟེན་གྱི་བར་དུ་འོད་ཟེར་བྱུང་ཡང་རིན་པོ་ཆེ་དེ་ཚིག་པར་མི་འགྱུར་ཏེ། གང་འཇིག་རྟེན་གྱི་ཁམས་ཀྱི་བར་གྱི་སངས་རྒྱས་ཀྱི་ཞིང་གཞན་དག་ན་རྒྱ་མཚོ་ཆེན་པོ་ཡོད་པ་དེར་ནོར་བུ་རིན་པོ་ཆེ་དེ་དེར་འཕོ་བར་འགྱུར་ཏེ། འོད་སྲུང་གང་ནོར་
D160.059.0091b02.01བུ་རིན་པོ་ཆེ་དེ་རྒྱ་མཚོ་ཆེན་པོ་ལས་གཞན་དུ་མ་འཕོས་པ་དང་། འཇིག་རྟེན་གྱི་ཁམས་འདིར་ཚིག་པར་མི་འགྱུར་བ་དེ་ནི་གནས་མ་ཡིན་ཞིང་གོ་སྐབས་མེད་དེ། དེ་ནི་གནས་མེད་དོ། །འོད་སྲུང་དེ་བཞིན་དུ་སྐྱེས་བུ་དམ་པ་དེ་ལྟ་བུ་དེ་དག་ཀྱང་དམ་པའི་ཆོས་ཡོངས་སུ་ཟད་པར་འགྱུར་ཏེ། འཇིག་རྟེན་
D160.059.0091b03.01གནས་པར་དམ་པ་མ་ཡིན་པའི་ཆོས་བདུན་བྱུང་བའི་ཚེ་སངས་རྒྱས་ཀྱི་ཞིང་གཞན་དུ་འཕོ་བར་འགྱུར་རོ། །བདུན་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་གནས་དང་། སྡིག་པའི་གྲོགས་པོས་ཡོངས་སུ་ཟིན་པ་དང་། ལོག་པའི་སྦྱོར་བ་དང་། གཅིག་ལ་གཅིག་འཚེ་བའི་སྦྱོར་བ་དང་། ལྟ་
D160.059.0091b04.01བར་གྱུར་པའི་ཐིབ་པོ་དང་། དགེ་བའི་རྩ་བ་འཇོམས་པར་བྱེད་པ་དང་། མ་ཐོབ་ཅིང་མངོན་པར་མ་རྟོགས་པ་སྟེ། དམ་པ་མ་ཡིན་པའི་ཆོས་བདུན་པོ་དེ་དག་འཇིག་རྟེན་གནས་པར་བྱུང་བ་དེ་ན་སེམས་ཅན་རྣམས་སྣོད་མ་ཡིན་པར་ཤེས་ནས་སྐྱེས་བུ་དམ་པ་དེ་དག་སངས་རྒྱས་ཀྱི་ཞིང་གཞན་དུ་འཕོ་བར་
D160.059.0091b05.01འགྱུར་ཏེ། སངས་རྒྱས་མཐོང་བ་དང་། དམ་པའི་ཆོས་མཉན་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། དགེ་བའི་རྩ་བ་ཡོངས་སུ་འབར་བ་དང་ཡང་མི་འབྲལ་བར་འགྱུར་རོ། །འོད་སྲུང་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ལ་བརྟེན་ཅིང་སེམས་ཅན་ཚད་མེད་པ་དག་གནས་སོ། །འོད་སྲུང་
D160.059.0091b06.01དེ་བཞིན་དུ་བྱང་ཆུབ་སེམས་དཔའ་ལ་བརྟེན་ཅིང་སེམས་ཅན་ཚད་མེད་པ་དག་ཕུན་སུམ་ཚོགས་པ་གསུམ་ལ་གནས་སོ། །གསུམ་གང་ཞེ་ན། ལྷའི་ཕུན་སུམ་ཚོགས་པ་དང་། མིའི་ཕུན་སུམ་ཚོགས་པ་དང་། མྱ་ངན་ལས་འདས་པའི་ཕུན་སུམ་ཚོགས་པའོ། །འོད་སྲུང་འདི་ལྟ་སྟེ་དཔེར་ན། རྒྱ་
D160.059.0091b07.01