完整藏文原文 · 德格版页 当前仅加载第 59 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲའོ། །བཅོམ་ལྡན་འདས་ཀྱིས་བདག་སེམས་དང་། །སྔོན་གྱི་སྤྱད་པ་ཅི་འདྲ་མཁྱེན། །ཇི་ལྟར་བདག་གི་སེམས་འདུད་པ། །བདག་ནི་འཇིག་རྟེན་རྣམ་འདྲེན་གྱུར། །སངས་རྒྱས་དཔག་མེད་སྐྱོབ་པ་ལ། །བདག་གིས་གདུགས་འདི་ཕུལ་བ་ཡིས། །བདག་ནི་ཐུབ་པ་ཁྱོད་འདྲ་བར། །སྤྱི་
D160.059.0098b01.01གཙུག་བལྟར་ཡང་མི་གདའ་འགྱུར། །སངས་རྒྱས་སྐྱེས་བུ་དམ་པ་ཡང་། །བདག་གི་བྱམས་པས་བལྟས་པ་ཡིས། །ཡོངས་སུ་དག་པའི་མིག་ཐོབ་སྟེ། །རྒྱལ་བ་མ་ཕམ་བལྟ་བར་བགྱི། །ཡེ་ཤེས་ཕ་རོལ་ཕྱིན་པ་ཡི། །སྟོན་པས་དེ་ནས་ལུང་བསྟན་ཏེ། །ཁྱོད་ནི་འདི་ནས་ཕྱི་དུས་ན། །དགའ་
D160.059.0098b02.01ལྡན་དུ་ཡང་སྐྱེ་བར་འགྱུར། །དགའ་ལྡན་ནས་ནི་ཤི་འཕོས་ནས། །རྒྱལ་བ་བྱམས་པ་མཐོང་བར་འགྱུར། །བསྐལ་པ་སྟོང་ཕྲག་ཉི་ཤུར་ནི། །མཆོད་པ་བྱས་ནས་འབྱུང་བར་འགྱུར། །ཁྱོད་ནི་རབ་ཏུ་བྱུང་ནས་ཀྱང་། །ཚངས་པར་སྤྱད་པ་རབ་སྤྱད་དེ། །བསྐལ་པ་བཟང་འདིར་གང་བྱུང་བ། །
D160.059.0098b03.01བདག་པོ་དེ་དག་མཐོང་བར་འགྱུར། །ཐམས་ཅད་ལ་ཡང་མཆོད་བྱས་ཏེ། །ཚངས་པར་སྤྱོད་པ་སྤྱད་ནས་ནི། །བསྐལ་པ་བྱེ་བ་དྲུག་ཅུ་ན། །དེ་ནས་ཁྱོད་ནི་སངས་རྒྱས་འགྱུར། །སངས་རྒྱས་ཞིང་ནི་ལེགས་བརྒྱན་པ། །རིན་ཆེན་གདུགས་ཞེས་བྱ་བར་ནི། །བྱང་ཆུབ་སེམས་དཔའ་ཤ་སྟག་ལ། །ཁྱོད་ནི་ཆོས་
D160.059.0098b04.01རྣམས་སྟོན་པར་འགྱུར། །ཚེ་ཡི་ཚད་ནི་བསྐལ་པར་འགྱུར། །སེམས་ཅན་རྣམས་ལ་ཕན་པའི་ཕྱིར། །མྱ་ངན་འདས་པའི་དམ་ཆོས་ཀྱང་། །མ་འདྲེས་བསྐལ་པ་ཕྱེད་དུ་གནས། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གཡོག་བརྒྱ་སྟོང་ཕྲག་དུ་མ་དང་བཅས་པས་འདི་སྐད་ཅེས་གསོལ་
D160.059.0098b05.01ཏོ། །བཅོམ་ལྡན་འདས་བདག་གིས་ཀྱང་ཆོས་སྨྲ་བ་མདོ་སྡེ་འདི་འཆང་བ་དེ་དག་བསྲུང་བ་དང་། ཡོངས་སུ་བསྲུང་བར་བགྱིའོ། །བསྙེན་བཀུར་དང་རིམ་གྲོ་ཡང་བགྱིའོ། །གང་ན་ཆོས་ཀྱི་རྣམ་གྲངས་འདི་ཡི་གེར་འདྲི་བའམ། ཀློག་པ་དེར་ཅི་ནས་ཀྱང་ཆོས་སྨྲ་བ་དེའི་སྟོབས་དང་མཐུ་དང་ཆོས་ཀྱི་མཚམས་
D160.059.0098b06.01སྦྱོར་བ་སྤོབས་པར་འགྱུར་བར་བདག་འཁོར་དང་བཅས་ཏེ་ཆོས་ཉན་དུ་མཆིའོ། །དེ་ནས་ལྷའི་དབང་པོ་བརྒྱ་བྱིན་གྱི་བུ་སྦེད་བྱེད་ཅེས་བྱ་བ་དེས་དོ་ཤལ་རིན་པོ་ཆེ་ཐམས་ཅད་ཀྱིས་སྤྲས་པ་དེ་བཞིན་གཤེགས་པ་ལ་ཕུལ་ནས་ཚིགས་སུ་བཅད་པ་འདི་དག་གསོལ་ཏོ། །ཐུབ་པ་བདག་འདིར་མངོན་སུམ་
D160.059.0098b07.01