完整藏文原文 · 德格版页 当前仅加载第 59 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
མ་གཏོགས་པའི་རིན་པོ་ཆེ་གཞན་ལ་དགའ་བ་མི་སྐྱེད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །དགེ་བསྙེན་ས་གས་བྱིན་གྱིས་གསོལ་པ། བཅོམ་ལྡན་འདས་དམིགས་པ་ཅན་ལ་ནི་བྱང་ཆུབ་མ་མཆིས་ཏེ། གང་ཆོས་ཐམས་ཅད་ལ་མི་དམིགས་
D160.059.0068a01.01པ་དང་། མི་སྐྱེད་མི་འགོག་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །ཁྱིམ་བདག་བཟང་སྐྱོང་གིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གི་མིང་ཙམ་བཟུང་བས་སེམས་ཅན་བྱང་ཆུབ་ཏུ་ངེས་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་
D160.059.0068a02.01ཞེས་བགྱིའོ། །གཞོན་ནུར་གྱུར་པ་རིན་ཆེན་ཟླ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་རྟག་ཏུ་རྒྱུན་མི་ཆད་པར་གཞོན་ནུའི་ཚངས་པ་སྤྱོད་པ་དང་ལྡན་ཞིང་འདོད་པ་ལ་རྟོག་པས་ཀྱང་ཡོངས་སུ་མི་སྤྱོད་ན། གཉིས་ཀྱི་དབང་པོ་གཉིས་མཇལ་བ་ལྟ་ཅི་སྨོས་ཏེ།
D160.059.0068a03.01དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །ལྷའི་བུ་མན་དཱ་ར་བའི་དྲིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཚུལ་ཁྲིམས་ཀྱི་དྲིས་ཡོངས་སུ་བསྒོས་པས་གང་ཚུལ་ཁྲིམས་ཀྱི་དྲི་ལས་དྲི་གཞན་གྱི་ངད་མི་ལྡང་བ་དེ་ནི་དེའི་སླད་དུ་བྱང་ཆུབ་སེམས་
D160.059.0068a04.01དཔའ་ཞེས་བགྱིའོ། །བྱང་ཆུབ་སེམས་དཔའ་དགའ་བྱེད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ལ་བསྙེན་བཀུར་བགྱི་བ་དང་། དམ་པའི་ཆོས་ཡོངས་སུ་གཟུང་བ་དང་། སེམས་ཅན་ཡོངས་སུ་སྨིན་པར་བགྱི་བ་དང་། ཆོས་གསུམ་གྱིས་
D160.059.0068a05.01དགའ་བ་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །ཚངས་པ་ཁྱད་པར་སེམས་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ཀྱི་ཆོས་མ་ལགས་པའི་ཆོས་གང་ཡང་མ་མཆིས་སོ་ཞེས་སྣང་བར་འགྱུར་བ་དེ་ནི་དེའི་སླད་དུ་བྱང་
D160.059.0068a06.01ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་བྱམས་པས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་མཐོང་མ་ཐག་ཏུ་སེམས་ཅན་དག་བྱམས་པའི་ཏིང་ངེ་འཛིན་ཐོབ་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །འཇམ་དཔལ་
D160.059.0068a07.01