完整藏文原文 · 德格版页 当前仅加载第 59 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་ཆོས་བསྟན་ཏོ། །སྤྲོས་པ་ལ་དགའ་བ་ལ་ནི་མི་རྩོད་པ་མེད་དོ། །རྩོད་པ་མང་བ་ལ་ནི་དགེ་སྦྱོང་དུ་གྱུར་པ་མེད་དོ། །དགེ་སྦྱོང་འདོད་པ་ལ་ནི་འཐབ་པ་མེད་དོ། །སྨྲས་པ། འཇམ་དཔལ་ཇི་ལྟར་དགེ་སློང་དེ་བཞིན་གཤེགས་པའི་བསྟན་པ་བཞིན་བྱེད་པ་
D160.059.0064a01.01དང་། བཀའ་བཞིན་བྱེད་པར་འགྱུར། སྨྲས་པ། ཚངས་པ་ནམ་དགེ་སློང་བསྟོད་པ་དང་སྨད་པ་བྱས་ཀྱང་གནོད་པ་མེད་ན་དེ་ལྟར་ན་བསྟན་པ་བཞིན་དུ་བྱེད་པ་ཡིན་ནོ། །གང་ཡི་གེའི་རྗེས་སུ་མི་སྙེགས་ན་དེ་ལྟར་ན་བཀའ་བཞིན་དུ་བྱེད་པ་ཡིན་ནོ། །གང་མཚན་མ་ཐམས་ཅད་
D160.059.0064a02.01ལས་ཞི་བར་གྱུར་ན། དེ་ལྟར་ན་བསྟན་པ་བཞིན་བྱེད་པ་ཡིན་ནོ། །གང་དོན་དང་མི་འགལ་བར་བྱེད་ན་དེ་ལྟར་ན་དཀའ་བཞིན་བྱེད་པ་ཡིན་ནོ། །གང་ཆོས་ཡོངས་སུ་སྲུང་ན་དེ་ལྟར་ན་བསྟན་པ་བཞིན་དུ་བྱེད་པ་ཡིན་ནོ། །གང་ཚིག་རྣམས་དང་འཐུན་པར་མི་བྱེད་ན། དེ་ལྟར་ན་
D160.059.0064a03.01བཀའ་བཞིན་བྱེད་པ་ཡིན་ནོ། །སྨྲས་པ། འཇམ་དཔལ་ཇི་ལྟར་ན་དགེ་སློང་དམ་པའི་ཆོས་ཡོངས་སུ་སྲུང་བ་ཡིན། སྨྲས་པ། གང་མཉམ་པ་ཉིད་ལས་འགལ་བར་མི་བྱེད་ཅིང་ཆོས་ཀྱི་དབྱིངས་རྣམ་པར་འཁྲུག་པར་མི་བྱེད་ན་དེ་ལྟར་ན་དམ་པའི་ཆོས་ཡོངས་སུ་སྲུང་བ་ཡིན་ནོ། །
D160.059.0064a04.01སྨྲས་པ། འཇམ་དཔལ་ཇི་ལྟར་ན་དགེ་སློང་དེ་བཞིན་གཤེགས་པ་ལ་ཉེ་བར་གནས་པ་ཡིན། སྨྲས་པ། ཚངས་པ་གང་ཆོས་གང་ལ་ཡང་ཉེ་བའམ། རིང་བ་མེད་པར་མཐོང་བའི་དགེ་སློང་དེ་ནི་དེ་བཞིན་གཤེགས་པ་ལ་ཉེ་བར་གནས་པ་ཡིན་ནོ། །སྨྲས་པ། ཇི་ལྟར་ན་འཇམ་དཔལ་
D160.059.0064a05.01དགེ་སློང་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པ་ཡིན། སྨྲས་པ། ཚངས་པ་དགེ་སློང་གང་ལུས་དང་། ངག་དང་། ཡིད་ཀྱིས་རྟུལ་བར་མི་བྱེད་པའི་དགེ་སློང་དེ་ནི་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པའོ། །སྨྲས་པ། འཇམ་དཔལ་སུས་
D160.059.0064a06.01དེ་བཞིན་གཤེགས་པ་ལ་མཆོད་པར་འགྱུར། སྨྲས་པ། ཚངས་པ་གང་བསོད་ནམས་དང་། བསོད་ནམས་མ་ཡིན་པ་དང་། མི་གཡོ་བར་ཉེ་བར་འགྲོ་བའི་འདུ་བྱེད་ཐམས་ཅད་མངོན་པར་འདུ་མི་བྱེད་པའོ། །སྨྲས་པ། འཇམ་དཔལ་སུས་དེ་བཞིན་གཤེགས་པ་མཐོང་། སྨྲས་པ།
D160.059.0064a07.01