完整藏文原文 · 德格版页 当前仅加载第 59 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
སྒོམ། །འོད་སྲུང་དེ་ཡི་ཡོན་ཏན་འདི་བརྗོད་པ། །ས་ཡི་རྡུལ་ཕྲན་ཇི་བཞིན་ཕྱོགས་ཙམ་སྟེ། །བྱང་ཆུབ་སེམས་དཔའ་དེ་ཡི་སྤྱོད་ཡུལ་གང་། །དེ་དག་ཡེ་ཤེས་བསྔགས་པ་མཐའ་ཡས་སོ། །སྟོང་གསུམ་འཇིག་རྟེན་མཆོད་པ་ཅི་ཡོད་པ། །ཀུན་གྱིས་བྱང་ཆུབ་སེམས་དཔའ་དེ་ལ་
D160.059.0094a01.01མཆོད། །དེ་ལས་ལྷག་པར་ཡང་ནི་མཆོད་འོས་ཏེ། །རྒྱལ་བའི་ཐུགས་སྲས་དག་ནི་ཕྱིར་མི་ལྡོག །གང་རྣམས་སངས་རྒྱས་འགྱུར་བར་བརྩོན་ལྡན་པ། །དེ་དག་གིས་ནི་ང་དང་མ་བྱོན་དང་། །གང་ཡང་མྱ་ངན་འདས་པའི་རྒྱལ་བ་དང་། །མ་ལུས་ཕྱོགས་བཞུགས་རིམ་གྲོར་བྱས་པར་འགྱུར། །དེ་
D160.059.0094a02.01ནས་ཚངས་པ་ཁྱད་པར་སེམས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཅི་ནས་ཆོས་ཀྱི་རྣམ་གྲངས་འདི་དེ་བཞིན་གཤེགས་པའི་བྱིན་གྱི་རླབས་ཀྱིས་ཕྱི་མའི་དུས་ཕྱི་མའི་ཚེ་ལྔ་བརྒྱ་ཐ་མ་ལ་རབ་ཏུ་སྤྱོད་པ་དང་། རྒྱས་པར་འགྱུར་བར་དེ་བཞིན་གཤེགས་པ་
D160.059.0094a03.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གསོལ་བ་ཐོབ་ཤིག །དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ། །ཚངས་པ་དེ་ཇི་སྙམ་དུ་སེམས། ཆོས་ཀྱི་རྣམ་གྲངས་འདི་ལ་ཆོས་གང་དེ་བཞིན་གཤེགས་པས་
D160.059.0094a04.01བྱིན་གྱིས་བརླབ་པར་བྱ་བའི་ཆོས་གང་ཡང་དེ་བཞིན་གཤེགས་པས་ཡོངས་སུ་བསྟན་ཏམ། སྨྲས་པ། འཇམ་དཔལ་དེ་ནི་མ་ཡིན་ནོ། །འཇམ་དཔལ་གྱིས་སྨྲས་པ། ཚངས་པ་དེ་ལྟ་བས་ན་འདི་ལ་བརྗོད་པ་མེད་པས་ན་ཆོས་ཐམས་ཅད་བྱིན་གྱིས་མ་བརླབས་པ་སྟེ། དེ་ནི་ནུབ་པར་མི་འགྱུར་
D160.059.0094a05.01ཞིང་བསྲུང་བར་བྱ་བ་མ་ཡིན་ནོ། །ཚངས་པ་གང་ཆོས་གང་ལ་ཡང་བྱིན་གྱིས་བརླབས་པར་འདོད་པ་དེ་ནི་ནམ་མཁའ་བྱིན་གྱིས་བརླབས་པར་འདོད་དོ། །ཚངས་པ་བྱང་ཆུབ་སེམས་དཔའ་གང་ཆོས་གང་ཡང་ཁས་ལེན་ན་དེ་ནི་ཆོས་སྨྲ་བ་དེ་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་
D160.059.0094a06.01སྨྲ་བ་ཐམས་ཅད་ལས་ཕྱིར་ལྡོག་པ་ནི་རྩོད་པ་མེད་པ་ལྷུར་བྱེད་པ་མ་ཡིན་ནོ། །ཚངས་པ་བྱང་ཆུབ་སེམས་དཔའ་གང་དག་འདི་སྙམ་དུ་འཁོར་འདིར་ཆོས་བསྟན་ཏོ་སྙམ་དུ་སེམས་ན་དེ་དག་ལ་ཆོས་ཐོས་པ་མེད་དོ། །དེ་ཅིའི་ཕྱིར་ཞེ་ན། ཐོས་པ་མེད་པ་ནི་ཆོས་ཐོབ་པའོ། །སྨྲས་པ། འཇམ་དཔལ་
D160.059.0094a07.01