完整藏文原文 · 德格版页 当前仅加载第 59 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཆོས་རྣམས་ལས་ཤིན་ཏུ་འདའ། འཇིག་རྟེན་གྱི་ཆོས་ཀྱི་ནང་ནའང་གདའ་ལ་འཇིག་རྟེན་གྱི་ཆོས་རྣམས་ཀྱིས་ཀྱང་མི་གོས། འཇིག་རྟེན་གྱི་
D160.059.0036b01.01ཆོས་ཀྱི་འཇུག་པ་ཡང་རབ་ཏུ་འཚལ་ལ་འཇིག་རྟེན་གྱི་ཆོས་ཀྱི་འཇུག་པར་ཡང་མི་མཆི། འཇིག་རྟེན་གྱི་ཆོས་ཀྱི་འཇུག་པས་ཀྱང་སེམས་ཅན་རྣམས་འཇིག་རྟེན་གྱི་ཆོས་ལས་ཡོངས་སུ་ཐར་བར་བགྱིད། འཇིག་རྟེན་གྱི་ཆོས་ཀྱི་མཉམ་པ་ཉིད་ཀྱང་ཐོབ་ལ་འཇིག་རྟེན་ན་ཡང་རྣམ་པར་སྤྱོད་ཅིང་འཇིག་རྟེན་
D160.059.0036b02.01གྱི་ཆོས་རྣམས་ཀྱང་རྣམ་པར་འཇིག་པར་མི་བགྱིད་པ་ལགས། དེ་ནས་བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་ཚིགས་སུ་བཅད་པ་དག་གིས་སླར་བཀའ་སྩལ་པ། འཇིག་རྟེན་ཕུང་པོར་ངས་བཤད་དེ། །འཇིག་རྟེན་དག་ནི་འདི་ལ་གནས། །འདི་ལ་གནས་པར་མ་བྱས་ན། །འཇིག་རྟེན་
D160.059.0036b03.01ཆོས་ལས་རྣམ་པར་གྲོལ། །བྱང་ཆུབ་སེམས་དཔའ་མཁས་པ་དེར། །འཇིག་རྟེན་རང་བཞིན་ཉིད་ཤེས་ནས། །ཕུང་པོ་རྣམས་དང་རབ་ལྡན་ཡང་། །འཇིག་རྟེན་ཆོས་དང་ལྡན་པ་ཡི། །རྙེད་པ་དང་ནི་མ་རྙེད་དང་། །དེ་བཞིན་གྲགས་དང་མ་གྲགས་དང་། །བསྟོད་སྨད་བདེ་དང་སྡུག་བསྔལ་དང་། །
D160.059.0036b04.01དེ་དག་གིས་ནི་འཇིག་རྟེན་སྐྱོང་། །ཤེས་རབ་ཆེན་པོ་བརྟེན་དེ་རྣམས། །འཇིག་རྟེན་ཆོས་རྣམས་རབ་རྟོགས་ཤིང་། །འཇིག་རྟེན་འཇིག་པ་མཐོང་ནས་ནི། །འདི་དག་ལ་ཡང་གཡོ་མི་འགྱུར། །རྙེད་པས་ཐོས་པར་མི་སེམས་ཏེ། །མ་རྙེད་པས་ཀྱང་ངོམས་པ་མེད། །རི་རབ་བཞིན་དུ་མཐུ་
D160.059.0036b05.01བརྟན་པ། །རྣམ་པ་ཀུན་ཏུ་གནོད་མི་འགྱུར། །དེ་བཞིན་གྲགས་དང་མ་གྲགས་ཀྱང་། །རྟག་ཏུ་མཚུངས་པར་འགྱུར་བ་ཡིན། །བདེ་དང་སྡུག་བསྔལ་བསྟོད་སྨད་ལ། །མཉམ་པ་ཉིད་དུ་གནས་པར་འགྱུར། །འཇིག་རྟེན་འདི་ནི་གཉིས་ལས་བྱུང་། །ཕྱིན་ཅི་ལོག་ལས་ཀུན་ཏུ་ལངས། །དེ་ཕྱིར་
D160.059.0036b06.01འཇིག་རྟེན་འགྲོ་རྟོགས་ནས། །མཁས་པ་རྣམས་ནི་འགྲོ་མེད་འགྲོ། །འཇིག་རྟེན་འདི་འགྲོ་གང་ཡིན་པ། །འགྲོ་བ་དེ་ནི་དེ་དག་ཤེས། །དེ་ཕྱིར་འཇིག་རྟེན་འགྲོར་ཞུགས་ནས། །མི་བདེ་བ་ལས་སྐྱེ་བོ་འགྲོལ། །དཔའ་བོ་དེ་དག་འཇིག་རྟེན་སྤྱོད། །པད་མོ་བཞིན་དུ་ཆགས་པ་མེད། །
D160.059.0036b07.01