完整藏文原文 · 德格版页 当前仅加载第 62 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་པྲ་དཱི་པ་དཱ་ནཱི་ཡཾ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་མར་མེ་འབུལ་བ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
D204.062.0081b02.01ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ།
D204.062.0081b03.01ཤཱ་རིའི་བུ་དཔག་ཏུ་མེད་པ་བཞི་པོ་འདི་དག་ནི་ལེགས་པར་ཡོངས་སུ་སྦྱངས་པའི་ཆོས་རྣམས་དང་ལྡན་པ། རྣམ་པར་སྨིན་པ་དཔག་ཏུ་མེད་པ། སྣང་བ་དཔག་ཏུ་མེད་པ། བསོད་ནམས་ལ་ཡང་དག་པར་གཞོལ་བ་དཔག་ཏུ་མེད་པ། གཟུགས་དཔག་ཏུ་མེད་པ། བདེ་བ་ལ་
D204.062.0081b04.01ཡང་དག་པར་གཞོལ་བ་དཔག་ཏུ་མེད་པ་དག་སྟེ། དེ་དག་ནི་ཚུལ་ཁྲིམས་ལ་འཇུག་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ལ་འཇུག་པ་དང་། སོ་སོ་ཡང་དག་པར་རིག་པ་ལ་འཇུག་པ་དང་། ལེན་པ་
D204.062.0081b05.01མེད་པར་ཟག་པ་ཟད་པར་འགྱུར་བ་དག་གོ། །བཞི་གང་ཞེ་ན། ཤཱ་རིའི་བུ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བརྙེས་པས་བསམ་གཏན་པར་གྱུར་པ། ཤེས་རབ་ཀྱི་ཕ་རོལ་ཏུ་ཕྱིན་པ་བརྙེས་
D204.062.0081b06.01པས་ཤེས་རབ་དཔག་ཏུ་མེད་པ་དང་ལྡན་པ། ཤེས་རབ་ཡངས་པ་དང་ལྡན་པ། ངེས་པར་འབྱེད་པའི་ཤེས་རབ་དང་ལྡན་པ། ཇི་ལྟ་བ་བཞིན་གྱི་ཤེས་རབ་དང་ལྡན་པ། གྲངས་མེད་པའི་ཤེས་རབ་དང་ལྡན་པ། རྣམ་པར་ངེས་པའི་ཤེས་རབ་དང་ལྡན་པ། རྣམ་པར་ངེས་
D204.062.0081b07.01