完整藏文原文 · 德格版页 当前仅加载第 62 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའོ། །ཤཱ་རིའི་བུ་དེ་ཅིའི་ཕྱིར་དཔག་ཏུ་མེད་པ་ཞེས་བྱ་ཞེ་ན། དེ་བཞིན་གཤེགས་པ་ལ་དེས་མཆོད་པའི་འབྲས་བུ་དཔག་ཏུ་མེད་པའི་ཕྱིར་ཏེ། ཕན་ཡོན་དཔག་ཏུ་མེད་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་འདི་སྐད་དུ།
D204.062.0090b01.01བརྩམ་བྱོས་མངོན་པར་འབྱུང་བར་གྱིས། །སངས་རྒྱས་བསྟན་ལ་བརྩོན་པར་བྱོས། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་རྣམས་གཞོམ་པར་བྱོས། །ཞེས་ཆེད་དུ་བརྗོད་པ་དེ་ཆེད་དུ་བརྗོད་པ་མཛད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་
D204.062.0090b02.01སྩལ་པ། ཤཱ་རིའི་བུ་ཆོས་ལྔ་པོ་འདི་དག་ནི་མཆོག་ཏུ་རྙེད་པར་དཀའ་བ་སྟེ། ལྔ་གང་ཞེ་ན། མིར་སྐྱེ་བ་འཐོབ་པ་དང་། དེ་བཞིན་གཤེགས་པའི་བསྟན་པ་ལ་རབ་ཏུ་འབྱུང་བ་དང་། དེ་ལ་མངོན་པར་དགའ་བ་དང་། ཚུལ་ཁྲིམས་ཡོངས་སུ་རྫོགས་པ་དང་། ཟག་པ་ཟད་པ་སྟེ། ཤཱ་རིའི་
D204.062.0090b03.01བུ་ཆོས་ལྔ་པོ་དེ་དག་ནི་སེམས་ཅན་ཐམས་ཅད་ཀྱིས་མཆོག་ཏུ་རྙེད་པར་དཀའ་བ་ཡིན་ཏེ། དེ་དག་ནི་ཁྱེད་རྣམས་ཀྱིས་ཐོབ་ཟིན་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པ་གཞན་ཡང་འདི་སྐད་ཅེས་
D204.062.0090b04.01བཀའ་སྩལ་ཏོ། །བྱང་ཆུབ་དོན་ཕྱིར་སེམས་ཅན་ཕན་འདོགས་པས། །བདེ་གཤེགས་མཆོད་རྟེན་དབུལ་བ་འདིར་ཕུལ་བས། །མཁས་པ་དེ་ཡིས་བྱས་པའི་ལས་དེས་ནི། །ཚེ་རབས་ཀུན་དུ་ཁྱད་པར་ཅན་དུ་འགྱུར། །འདི་ནས་ཤི་འཕོས་ལྷ་མིས་བསྔགས་པ་ཡི། །ཡང་སྲིད་དམ་པ་དེ་ནི་
D204.062.0090b05.01འཐོབ་པར་འགྱུར། །རི་རབ་བཞིན་དུ་དེ་ནི་མི་གཡོ་ལ། །འོད་ཟེར་དག་གིས་ཕྱོགས་ཀུན་སྣང་ཞིང་མཛེས། །ལྷ་ཚོགས་རྣམས་ཀྱིས་མཐོང་ནས་གུས་དང་བཅས། །མཆོག་ཏུ་གུས་པས་དེ་ལ་དགའ་བ་སྐྱེད། །སྟོད་པ་བྱེད་ཅིང་དེ་ལ་མཆོད་པ་བྱེད། །ཡང་དང་ཡང་དུ་ལྟ་བས་ངོམས་པ་མེད། །
D204.062.0090b06.01བསོད་ནམས་མཚན་བྱས་དེ་ནི་ལྷས་མཆོད་འོས། །ཚངས་པའི་གནས་ན་ཚངས་པ་མཛེས་པ་འདྲ། །ཅི་ཡི་ལས་ཤིག་ངེས་པར་དེས་བསྟེན་ན། །གང་གིས་དེ་ཡི་ལུས་ནི་ཤིན་ཏུ་མཛེས། །འདི་ན་བསོད་ནམས་མི་འདོད་སུ་ཞིག་ཡོད། །འཕགས་པའི་ཚུལ་ཁྲིམས་མཁས་པ་སུ་མི་སྟེན། །ཐུབ་པ་
D204.062.0090b07.01