完整藏文原文 · 德格版页 当前仅加载第 62 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དཔག་ཏུ་མེད་པ་འཐོབ་པ་དང་། སངས་རྒྱས་ཀྱི་རྫུ་འཕྲུལ་དཔག་ཏུ་མེད་པ་དང་། སངས་རྒྱས་ཀྱི་ཚུལ་ཁྲིམས་དཔག་ཏུ་མེད་པ་དང་། སངས་རྒྱས་ཀྱི་ཏིང་ངེ་འཛིན་དཔག་ཏུ་མེད་པ་དང་། སངས་རྒྱས་ཀྱི་ཤེས་རབ་དཔག་ཏུ་མེད་པ་དང་། སངས་རྒྱས་ཀྱི་རྣམ་
D204.062.0090a01.01པར་གྲོལ་བ་དཔག་ཏུ་མེད་པ་དང་། སེམས་ཅན་གྱི་སེམས་དང་བསམ་པ་དཔག་ཏུ་མེད་པ་ལ་འཇུག་པ་འཐོབ་སྟེ། ཤཱ་རིའི་བུ་མར་མེ་ཕུལ་བས་དེ་ལྟར་རྣམ་པར་སྨིན་པ་དཔག་ཏུ་མེད་པ་ཡོངས་སུ་བཟུང་བ་ཡིན་ནོ། །ཤཱ་རིའི་བུ་གཞན་ཡང་སེམས་ཅན་གང་དག་དེ་བཞིན་གཤེགས་པ་
D204.062.0090a02.01ཆོས་འཆད་པ་ན། ཀྱེ་ཨེ་མ་ཧོ་ཆོས་འཆད་དོ། །ཀྱེ་ཨེ་མ་ཧོ་ཆོས་རབ་ཏུ་སྟོན་ཏོ་ཞེས་མར་མེ་དབུལ་བ་ཕུལ་བའི་མར་མེ་དེ་ཏིལ་གྱི་མར་མེར་རྗེས་སུ་བཟུང་བས། ཆོས་ཀྱི་མར་མེ་རྗེས་སུ་འཛིན་པར་བྱེད་དོ། །དེ་མར་མེ་ཕུལ་བའི་དགེ་བའི་རྩ་བ་དེས་ཚོགས་དཔག་ཏུ་མེད་པ་བརྒྱད་འཐོབ་
D204.062.0090a03.01སྟེ། བརྒྱད་གང་ཞེ་ན། དྲན་པའི་ཚོགས་དཔག་ཏུ་མེད་པ་འཐོབ་པ་དང་། དེ་བཞིན་དུ་སྦྱར་ཏེ། བློ་གྲོས་ཀྱི་ཚོགས་དང་། དད་པའི་ཚོགས་དང་། བརྩོན་འགྲུས་ཀྱི་ཚོགས་དང་། ཤེས་རབ་ཀྱི་ཚོགས་དང་། ཏིང་ངེ་འཛིན་གྱི་ཚོགས་དང་། སྤོབས་པའི་ཚོགས་དང་། བསོད་
D204.062.0090a04.01ནམས་ཀྱི་ཚོགས་དཔག་ཏུ་མེད་པ་འཐོབ་སྟེ། ཚོགས་དཔག་ཏུ་མེད་པ་བརྒྱད་པོ་དེ་དག་འཐོབ་པར་འགྱུར་རོ། །སོ་སོ་ཡང་དག་པར་རིག་པ་བཞི་ཡང་འཐོབ་སྟེ། རིམ་གྱིས་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་འཐོབ་པར་འགྱུར་རོ། །ཤཱ་རིའི་བུ་གཞན་ཡང་དེ་བཞིན་
D204.062.0090a05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ། དེ་དང་བའི་སེམས་ཀྱིས་ཐལ་མོ་སྦྱར་བ་བྱས་པའི་དགེ་བའི་རྩ་བ་དེས་ཆོས་མཆོག་ཏུ་བྱུང་བ་བརྒྱད་འཐོབ་སྟེ། བརྒྱད་གང་ཞེ་ན། གཟུགས་མཆོག་ཏུ་བྱུང་བ་འཐོབ་པ་དང་། གཡོག་འཁོར་མཆོག་ཏུ་བྱུང་
D204.062.0090a06.01བ་འཐོབ་པ་དང་། ཚུལ་ཁྲིམས་མཆོག་ཏུ་བྱུང་བ་དང་། ལྷ་དང་མི་རྣམས་སུ་སྐྱེ་བ་མཆོག་ཏུ་བྱུང་བ་དང་། དད་པ་མཆོག་ཏུ་བྱུང་བ་དང་། སྤོབས་པ་མཆོག་ཏུ་བྱུང་བ་དང་། ཀུན་ནས་ཉོན་མོངས་པ་མེད་པའི་འཕགས་པའི་ལམ་འཐོབ་པ་དང་། བླ་ན་མེད་པ་ཡང་དག་པར་
D204.062.0090a07.01