完整藏文原文 · 德格版页 当前仅加载第 62 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུ་ཇི་ལྟར་ན་དེ་བཞིན་གཤེགས་པ་ལས་དང་ལས་ཀྱི་རྣམ་པར་སྨིན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཅེ་ན། ཤཱ་རིའི་བུ་འདི་ལ་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། སེམས་ཅན་འདི་ནི་དགེ་བའི་ཆོས་རྣམས་ཡོངས་སུ་ཟད་ཅིང་། མི་དགེ་བའི་ཆོས་
D204.062.0084b01.01རྣམས་ཀྱིས་གང་བའོ། །སེམས་ཅན་འདི་ནི་དགེ་བའི་ཆོས་རྣམས་འབྱུང་བར་འགྱུར་ཞིང་། མི་དགེ་བའི་ཆོས་རྣམས་འགག་པར་འགྱུར་བའོ། །སེམས་ཅན་འདི་ནི་མི་དགེ་བའི་ཆོས་རྣམས་སྐྱེ་བར་འགྱུར་ཞིང་། དགེ་བའི་ཆོས་རྣམས་འགག་པར་འགྱུར་བའོ་ཞེས་ཤཱ་རིའི་བུ་འཇུག་
D204.062.0084b02.01པ་འདིས་དེ་བཞིན་གཤེགས་པ་སེམས་ཅན་དེ་དང་དེ་དག་གི་ལས་དང་ལས་ཀྱི་རྣམ་པར་སྨིན་པ་སྣ་ཚོགས་རྗེས་སུ་འཇུག་པ་རབ་ཏུ་མཁྱེན་ཏོ། །ཤཱ་རིའི་བུ་དེ་ལ་སེམས་ཅན་རྣམས་མུན་པ་ཡོད་ཅིང་མཁས་པ་མེད་དེ་མཁྱེན་པ་དེ་ལྟ་བུ་དང་ལྡན་པ། མཁས་པ་དེ་ལྟ་བུ་དང་ལྡན་པ་དེས་
D204.062.0084b03.01སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པ་ལུང་སྟོན་ཏོ། །ཤཱ་རིའི་བུ་དེ་ལ་གང་དག་དད་པ་དེ་དག་ནི་ཡིད་ཆེས་པར་འགྱུར་ལ་གང་དག་མ་དད་ཅིང་བསྟན་པ་འདི་ལས་ཉམས་པ་དེ་དག་ནི་སྨད་པར་འགྱུར་ཞིང་རྩོད་པར་འགྱུར་ཏེ། དེ་ནི་དེ་དག་ལ་ཡུན་རིང་པོར་
D204.062.0084b04.01མི་ཕན་པ་དང་། དོན་མེད་པ་དང་། སྡུག་བསྔལ་བ་དང་། ལོག་པར་ལྟུང་བར་འགྱུར་བའོ། །ཤཱ་རིའི་བུ་དེ་ལ་སེམས་ཅན་གང་དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་དེས་མར་མེ་འབུལ་བ་ཡོངས་སུ་ཕུལ་བ་དང་། ངེས་པར་ཕུལ་བ་དང་། དགེ་བའི་རྩ་བ་
D204.062.0084b05.01བསགས་པའི་ལས་མངོན་པར་འདུས་བྱས་པ་དང་། རྣམ་པར་སྨིན་པའི་འབྲས་བུ་བདེ་བ་འདོད་པ་དང་། དགའ་བ་དང་། མཆོག་ཏུ་དགའ་བ་དང་ལྡན་པ་དང་། དད་པས་ཡོངས་སུ་ཕུལ་བ་བསགས་པས་ཚེ་འདི་ཉིད་ལ་སེམས་ཀྱི་ངེས་པར་སེམས་པ་གསུམ་འཐོབ་སྟེ། གསུམ་
D204.062.0084b06.01གང་ཞེ་ན། དེ་འདི་སྙམ་དུ་སེམས་ཏེ། བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པ་བྱས་ཏེ། ལུས་ཐོབ་པ་སྙིང་པོ་དང་སྙིང་པོ་མ་ཡིན་པའི་ལུས་ཤེས་པར་བྱས་ལ་སྙིང་པོ་སྦྱིན་པར་བྱའོ་སྙམ་ནས་ལོངས་སྤྱོད་རྣམས་ལ་ཉེས་
D204.062.0084b07.01