完整藏文原文 · 德格版页 当前仅加载第 62 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
དད་པ་དང་ལྡན་པ་གུས་པར་གནས་ཤིང་གཡོ་མེད་ལ་སྒྱུ་མེད་པ་སངས་རྒྱས་ཀྱི་ཡོན་ཏན་ལ་ངེས་པར་སེམས་པའི་རིགས་ཀྱི་བུའམ། རིགས་ཀྱི་བུ་མོ་དགེ་བའི་བསམ་པ་སྐྱེས་ནས་མར་མེ་{ཆུང་ཟད་,ཅུང་ཟད་}ཙམ་མམ། ཆུང་ངུ་ཙམ་ཞིག་ཀྱང་སྣང་བར་བྱས་ཏེ་མར་མེ་སྣང་བར་བྱས་
D204.062.0083a01.01པ་གང་གིས་དེ་བཞིན་གཤེགས་པའི་མཆོད་རྟེན་དེའི་ཐ་ན་ཐེམ་སྐས་ཙམ་སྣང་ངམ། བསྐོར་ས་ཙམ་སྣང་ངམ། སྨད་དམ། གདུགས་སམ། ཐམས་ཅད་སྣང་ངམ། ཐ་ན་བར་སྐབས་གང་ཡང་རུང་བ་ཞིག་སྣང་བའི་མར་མེ་དེ་མོད་ལ་མྱུར་དུ་ཤི་སྟེ། རླུང་གིས་བསྐྱོད་པས་སམ། ཆར་
D204.062.0083a02.01པས་སམ། མར་ཟད་པས་སམ། སྙིང་པོ་ཟད་པས་ཤི་ལ། ཤཱ་རིའི་བུ་འདི་ལྟ་སྟེ། དཔེར་ན་ཀླུས་དཀྲུགས་པ་ན་སྤྲིན་སྟུག་པོའི་དྲ་བ་འཁྲིགས་པ་ལས་ནམ་མཁའ་ལས་གློག་བྱུང་ནས་ནུབ་ན། ཤཱ་རིའི་བུ་མྱུར་དུ་འབྱུང་བའི་རྗེས་སུ་འབྲང་བ་དེ་མཐོང་བས་སེམས་ཅན་རྣམས་ཀྱི་མིག་
D204.062.0083a03.01ཐིབས་ཞེས་བྱེད་པ་དེ་ཙམ་དུ་ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བའི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དེ་ལས་གཞན་པ་སེམས་ཅན་བསླབ་པའི་གཞི་མ་བླངས་པ། དགེ་བའི་རྩ་བ་དོན་དུ་གཉེར་བ། སངས་རྒྱས་དང་།
D204.062.0083a04.01ཆོས་དང་། དགེ་འདུན་ལ་མངོན་པར་དད་པ། བདག་ཉིད་བསྐྱབ་པར་བྱ་བ་ལ་གནས་པ། བསོད་ནམས་འདོད་པ་རྣམས་ཀྱིས་ཇི་ཙམ་དུ་ཆུང་བའི་མར་མེ་ཕུལ་བའི་བསོད་ནམས་ཀྱི་ཕུང་པོ་ཇི་ཙམ་དུ་དཔག་ཏུ་མེད་པ་ཡོངས་སུ་གཟུང་བར་འགྱུར་བའི་རྣམ་པར་སྨིན་པ་ནི་དེ་བཞིན་གཤེགས་པས་
D204.062.0083a05.01མཁྱེན་ཏོ། །ཤཱ་རིའི་བུ་མར་མེ་འབུལ་བ་{ཆུང་ཟད་,ཅུང་ཟད་}ཅིག་ཕུལ་བས་མར་མེ་ཕུལ་བ་ལས་མངོན་པར་གྲུབ་པའི་བསོད་ནམས་ཀྱི་ཕུང་པོ་དེའི་རྣམ་པར་སྨིན་པ་ནི་ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མ་གཏོགས་པར་ལྷ་དང་བཅས། ཚངས་པ་དང་
D204.062.0083a06.01བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུས་བསྟན་པར་མི་ནུས་སོ། །ཤཱ་རིའི་བུ་སངས་རྒྱས་བཅོམ་ལྡན་འདས་རྣམས་ཀྱི་ཡུལ་ནི་བསམ་གྱིས་མི་ཁྱབ་སྟེ། ཤཱ་རིའི་བུ་མར་མེ་འབུལ་བ་ཡོངས་སུ་ཕུལ་བ་དེས་བསོད་ནམས་ཀྱི་ཕུང་པོ་ཇི་ཙམ་དུ་དཔག་ཏུ་
D204.062.0083a07.01