完整藏文原文 · 德格版页 当前仅加载第 62 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེ་འཆི་བའི་དུས་ཀྱི་ཚེ་དྲན་པར་འགྱུར་ཏེ། བདག་གིས་སངས་རྒྱས་ལ་མཆོད་པ་བྱས་སོ་ཞེས་མཆོག་ཏུ་དགའ་བ་འཐོབ་སྟེ། ཤཱ་རིའི་བུ་འདི་ལྟར་སངས་རྒྱས་རྗེས་སུ་དྲན་པ་དང་བཅས་པའི་སེམས་བསྐྱེད་པ་འདི་ནི་སྣང་བ་གཉིས་པའོ། །ཤཱ་རིའི་བུ་གཞན་ཡང་སེམས་ཅན་དེ་
D204.062.0085b01.01འཆི་བའི་དུས་ཀྱི་ཚེ་སེམས་ཅན་གཞན་སྦྱིན་པ་གཏོང་བ་མཐོང་ན། དེ་འདི་སྙམ་དུ་སེམས་ཏེ། བདག་གིས་མར་མེ་འབུལ་བ་ཕུལ་ལོ། །ཕྱིས་ཀྱང་སྦྱིན་པ་བྱིན་ནོ་སྙམ་དུ་དེ་གཏོང་བའི་སེམས་སྐྱེས་ཤིང་སྡུག་བསྔལ་གྱི་ཚོར་བ་རྣམས་ཀྱིས་མི་འཕྲོགས་ལ། དེ་ལ་ཆོས་རྗེས་སུ་དྲན་
D204.062.0085b02.01པ་དེ་ལྟ་བུ་འབྱུང་སྟེ། ཤཱ་རིའི་བུ་འདི་ལྟར། དགེ་བའི་རྩ་བ་ཇི་ལྟ་བ་བཞིན་དུ་ཡིད་ལ་བྱེད་པ་འདི་ནི་སྣང་བ་ཐོབ་པ་གསུམ་པ་ཡིན་ནོ། །ཤཱ་རིའི་བུ་གཞན་ཡང་རིགས་ཀྱི་བུའམ་རིགས་ཀྱི་བུ་མོ་དེ་བཞིན་གཤེགས་པའི་མཆོད་རྟེན་ལ་མར་མེ་དབུལ་བ་ཕུལ་བ་དེ་འཆི་བའི་དུས་ཀྱི་ཚེ་སྣང་བ་
D204.062.0085b03.01བཞི་འཐོབ་སྟེ། བཞི་གང་ཞེ་ན། མདུན་ན་ཉི་མའི་དཀྱིལ་འཁོར་འཆར་བ་མཐོང་བ་དང་། མདུན་ན་ཟླ་བ་ཉ་བའི་དཀྱིལ་འཁོར་འཆར་བ་མཐོང་བ་དང་། ལྷའི་འཁོར་གནས་པ་མཐོང་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D204.062.0085b04.01བྱང་ཆུབ་ཀྱི་སྙིང་པོ་ལ་བཞུགས་ཤིང་བྱང་ཆུབ་མངོན་པར་རྫོགས་པར་སངས་རྒྱས་པ་མཐོང་སྟེ། དེ་ལ་བདག་ཉིད་གུས་པར་བྱེད་པ་ལ་གནས་ཤིང་ཐལ་མོ་སྦྱར་བར་བྱས་པར་མཐོང་བ་སྟེ། ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མར་མེ་དབུལ་བ་ཕུལ་བས། འཆི་
D204.062.0085b05.01བའི་ཚེ་སྣང་བ་འདི་བཞི་འཐོབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །མཐའ་ཡས་ཆོས་བདག་དྲང་སྲོང་ཆེན་པོ་ཡི། །མཆོད་
D204.062.0085b06.01རྟེན་རྣམས་ལ་མཁས་པ་གང་ཞིག་གིས། །མར་མེ་ཕུལ་བ་བྱས་པའི་ལས་དེ་ཡིས། །བདེ་དང་དོན་དང་རྙེད་པ་མཐའ་ཡས་འཐོབ། །དེ་ནི་འཆི་ཁར་དྲན་པ་ཉམས་མི་འགྱུར། །མར་མེ་ཕུལ་བའང་བདག་ཉིད་མཐོང་བར་འགྱུར། །ཟང་ཟིང་མེད་པའི་དགའ་བ་བཞི་ཡང་འཐོབ། །
D204.062.0085b07.01