完整藏文原文 · 德格版页 当前仅加载第 62 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་ཅན་དུ་ཤེས་ཏེ། སྙིང་པོ་མེད་པའི་ལོངས་སྤྱོད་རྣམས་ལ་སྙིང་པོ་སྦྱིན་པར་བྱེད་པ་འདི་ནི་ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་པའི་སེམས་ཀྱི་ངེས་པར་སེམས་པ་དང་པོའོ། །ཤཱ་རིའི་བུ་གཞན་ཡང་དེ་འདི་སྙམ་དུ་སེམས་ཏེ། བདག་
D204.062.0085a01.01གིས་བསོད་ནམས་ཀྱི་ཞིང་བླ་ན་མེད་པའི་ཡོན་གནས་ཀྱི་སྦྱིན་པ་མཆོག་ལེན་པ་པོ་ལ་མཆོད་པ་བྱས་པས་བདག་ལ་སེམས་ཅན་དམྱལ་བའི་འཇིགས་པའམ། དུད་འགྲོའི་སྐྱེ་གནས་ཀྱི་འཇིགས་པའམ། གཤིན་རྗེའི་འཇིག་རྟེན་གྱི་འཇིགས་པ་མེད་དོ། །བདག་གི་འགྲོ་བ་བདེ་བ་
D204.062.0085a02.01ནི་ལྔ་སྟེ། མཐོ་རིས་འཐོབ་པའམ། མི་འཐོབ་པའམ། གཟུགས་འཐོབ་པའམ། ལོངས་སྤྱོད་འཐོབ་པའམ། བྱང་ཆུབ་འཐོབ་པོ་སྙམ་པ་དེ་ནི་ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མཆོད་པ་བྱ་བའི་སེམས་ཀྱི་ངེས་པར་སེམས་པ་འཐོབ་པ་གཉིས་པའོ། །ཤཱ་
D204.062.0085a03.01རིའི་བུ་གཞན་ཡང་དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་ཡོངས་སུ་ཕུལ་བ་ལ་ཡང་དག་པར་གནས་པ་ཡིན་ཏེ། གལ་ཏེ་བདག་གིས་སྦྱིན་པ་བྱིན་ནོ། །བདག་གིས་བསོད་ནམས་དག་ཀྱང་བྱས་སོ། །བདག་གིས་སེར་སྣ་སྤངས་སོ་སྙམ་དུ་ཤེས་ཤིང་། དེ་འདི་
D204.062.0085a04.01སྙམ་དུ་སེམས་ཏེ། བདག་ནི་སྦྱིན་པ་པོ་ཡིན་ལ། བདག་གིས་ཀྱང་སྦྱིན་པ་བྱིན་ནོ་སྙམ་དུ། དེ་ལྟར་སེམས་ཤིང་གཏོང་བ་ལ་ཡོངས་སུ་གདུང་བ་མེད། བརྙས་པ་མེད་དེ། ཤཱ་རིའི་བུ་དེ་ནི་དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་པའི་སེམས་ཀྱི་ངེས་པར་སེམས་
D204.062.0085a05.01པ་འཐོབ་པ་གསུམ་པའོ། །ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་ཕུལ་བས། འཆི་བའི་དུས་ཀྱི་ཚེ་སྣང་བ་གསུམ་ཐོབ་སྟེ། གསུམ་གང་ཞེ་ན། དགེ་ལེགས་བྱས་པ་མངོན་དུ་འགྱུར་ཏེ། དྲན་པ་འཐོབ་
D204.062.0085a06.01ཅིང་དགེ་བ་རྣམས་བརྗེད་པར་མི་འགྱུར་ཏེ། ཤཱ་རིའི་བུ་འདི་ལྟར་འཆི་བའི་དུས་ཀྱི་ཚེ། དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པ་རྣམས་རྗེས་སུ་དྲན་པ་འདི་ནི་སྣང་བ་དང་པོའོ། །ཤཱ་རིའི་བུ་གཞན་ཡང་དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་པའི་སེམས་
D204.062.0085a07.01